കൈറ്റ് ജില്ലാ പ്രോജക്ട് ഓഫീസ് മലപ്പുറം/പരിശീലനങ്ങൾ/എംടി മീറ്റിങ്ങ്
മാസ്റ്റർ ട്രെയ്നർമാരുടെ യോഗങ്ങൾ
'2025 ഏപ്രിൽ 29
മലപ്പുറം ജില്ലയിലെ ഉപജില്ലാ ചാർജുള്ള എല്ലാ എം ടിമാരുടെ യോഗം ജില്ലാ കോർഡിനേറ്റർ ശരീഫ് മാഷിന്റെ സാന്നിധ്യത്തിൽ ഓൺലൈൻ യോഗം ചേർന്നു. 17 ഉപജില്ലകളുടെ ചാർജുള്ള എംടിമാർ അതിൽ പങ്കെടുക്കുകയും കൈറ്റിന്റെ ഭാവി പരിശീലനങ്ങളെ കുറിച്ചുള്ള ചർച്ച നടത്തുകയും ചെയ്തു. നിലവിലെ പത്താംക്ലാസ് പാഠപുസ്തക പരിശീലനത്തിന്റെ സ്ഥിതിയും ഇനി എത്ര ബാച്ചുകൾ എടുത്താൽ പരിശീലനം പൂർത്തിയാകുമെന്നും വിശകലനം ചെയ്തു.
തുടർന്ന് വരാൻ പോകുന്ന എട്ട്, ഒമ്പത് ക്ലാസിലെ പാഠപുസ്തക പരിശീലനത്തിന്റെ തീയ്യതി തീരുമാനിക്കപ്പെട്ടു. മെയ് 3, 5 തീയ്യതികളിൽ ഒമ്പതിന്റെ ഡി ആർ ജിയും മെയ് 6, 7 തീയ്യതികളിൽ എട്ടിന്റെ ഡി ആർ ജിയും ഓരോ ഉപജില്ലയിൽ നിന്നുംഒരു എക്സ്റ്റേർണൽ ആർ പിയോടൊപ്പം ഉപജില്ലാ ചാർജുള്ള എം ടിമാരും ചേർന്ന് നടത്തുവാൻ തീരുമാനിച്ചു. കേരള സർക്കാരിന്റെ നാലാം വാർഷികത്തോടനുബന്ധിച്ച് കോട്ടക്കുന്നിൽ നടക്കുന്ന പ്രദർശനത്തിൽ കൈറ്റിന്റെ രണ്ട് സ്റ്റാളിലേക്ക് ആവശ്യമുള്ള ഉപകരണങ്ങളും പ്രദർശന വസ്തുക്കളും തയ്യാറാക്കുകയും അതിന് എം ടിമാരുടെ നേതൃത്വത്തിൽ ആളുകളെ സജ്ജമാക്കാനും ധാരണയായി. അവധികാലത്ത് ലിറ്റിൽ കൈറ്റ്സ് ഏകദിന ക്യാമ്പിനെ കുറിച്ചും ലിറ്റിൽ യൂണിറ്റുകളുടെ മൂല്യനിർണയത്തെ കുറിച്ചും ചർച്ച ചെയ്തു.
 |
'2025 മെയ് 03
മലപ്പുറം ജില്ലയിലെ ഉപജില്ലാ ചാർജുള്ള എല്ലാ എം ടിമാരുടെ യോഗം ജില്ലാ കോർഡിനേറ്റർ ശരീഫ് മാഷിന്റെ സാന്നിധ്യത്തിൽ ഒമ്പതാം ക്ലാസ് ഡി ആർ ജി പരിശാലനത്തിന് ശേഷം ഡി ആർ സിയിൽ യോഗം ചേർന്നു. 17 ഉപജില്ലകളുടെ ചാർജുള്ള എംടിമാർ അതിൽ പങ്കെടുക്കുകയും ഒമ്പതാം ക്ലാസിന്റെ തുടർ പരിശീലനവും എന്റെ കേരളം മെഗാ എക്സിബിഷന്റെ നടത്തിപ്പുമായി ബന്ധപ്പെട്ട് പദ്ധതികൾ തയ്യാറാക്കി എല്ലാവർക്കും ചുമതലകൾ വീതിച്ച് നൽകുകയും ചെയ്തു.
 |
 |