മാതൃകാപേജ്/വിദ്യാരംഗം‌/2024-25

വിദ്യാരംഗം കലാസാഹിത്യ വേദി

വിദ്യാർത്ഥികളിൽ ഭാഷാപരമായതും രചനാപരമായതുമായ കഴിവുകൾ വികസിപ്പിക്കുന്നതിനായി സ്കൂളിൽ വിദ്യാരംഗം ക്ലബ് പ്രവർത്തിച്ചു വരുന്നു. കഥ, കവിത, ഉപന്യാസം, അഭിനയം മുതലായ മേഖലകൾക്കാണ് ഇതിൽ പ്രാധാന്യം നൽകുന്നത്.വിദ്യാർത്ഥികളുടെ പഠനത്തോടൊപ്പം അവരുടെ സർഗ്ഗാത്മക ശേഷികൾ വികസിപ്പിക്കുക ഭാഷാനൈപുണികൾ പരിപോഷിപ്പിക്കുക കലാപരവും സാംസ്കാരികവുമായ കഴിവുകൾ വർദ്ധിപ്പിക്കുക തുടങ്ങിയ ലക്ഷ്യങ്ങളോടു കൂടി പൊതു വിദ്യാഭ്യാസ വകുപ്പ് ആവിഷ്ക്കരിച്ച് നടപ്പിലാക്കുന്ന പദ്ധതിയാണ് വിദ്യാരംഗം കലാ സാഹിത്യ വേദി . വിവിധ ദിനാചരണങ്ങൾ ആഘോഷിക്കുക അതിന്റെ പ്രാധാന്യം കുട്ടികൾ മനസ്സിലാക്കുന്നതിനു വേണ്ടി പ്രമുഖ വ്യക്തികളുടെ പ്രഭാഷണം നടത്തുക. സെമിനാറുകൾ, വിവിധ ശില്പശാലകൾ, സംഘടിപ്പിക്കുക. പതിപ്പുകൾ,മാഗസിനുകൾ,ചിത്രരചനാ മത്സരം, കവിതാ രചന, കഥാ രചന , പുസ്തകാസ്വാദനം, പ്രബന്ധ രചന തുടങ്ങി വിവിധ രചനാ മത്സരങ്ങൾ നടത്തുക, എന്നിങ്ങനെ വിവിധ പ്രവർത്തനങ്ങളുമായി മുന്നോട്ടു പൊയ്ക്കൊണ്ടിരിക്കുകയാണ് വിദ്യാരംഗം കലാസാഹിത്യവേദി . ഇതിനോടൊപ്പം കുട്ടികളുടെ വായനാ താല്പര്യം വർദ്ധിപ്പിക്കുന്നതിനു വേണ്ടി ലൈബ്രറി പുസ്തക വിതരണം കാര്യക്ഷമമാക്കുന്നതിനും വിദ്യാരംഗം കലാസാഹിത്യ വേദി തീരുമാനമെടുക്കുകയുണ്ടായി.

വിദ്യാരംഗം കലാ സാഹിത്യ വേദി സർഗ്ഗോത്സവം 2024-25

വിദ്യാരംഗം കലാ സാഹിത്യ വേദിയുടെ അടിമാലി ഉപജില്ലാ സർഗ്ഗോത്സവവും ശില്പശാലയും ഒക്ടോബർ 4 തീയതി വെള്ളിയാഴ്ച നടത്തപ്പെട്ടു.നമ്മുടെ സ്കൂളിൽനിന്ന് എല്ലാ മത്സരഇനങ്ങളിലും കുട്ടികൾ പങ്കെടുത്തു. കഥാരചനക്ക് ആത്‍മജ സംസ്കൃതി രണ്ടാം സ്‍ഥാനവും,പുസ്‍തക ആസ്വാദനത്തിൽ സിബിയ കെ ജോൺ രണ്ടാം സ്‍ഥാനവും,അഭിനയത്തിൽ ആൻ സാറ ജസ്‍റ്റിൻ ഒന്നാം സ്ഥാനവും കരസ്‍ഥമാക്കി.ഇടുക്കി ജില്ല വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിൽ കട്ടപ്പന സെൻ്റ് ജോർജ് ഹയർ സെക്കൻ്ററി സ്കൂളിൽ വച്ച് ഡിസംബർ 6, 7 തീയതികളിലായി നടത്തപ്പെട്ട സർഗോത്സവത്തിൽ നമ്മുടെ സ്കൂളിൽനിന്ന് മൂന്നു കുട്ടികൾ പങ്കെടുത്തു വിജയിച്ചു.