ഗവ ഹൈസ്കൂൾ ഉളിയനാട്/ടൂറിസം ക്ലബ്ബ്
കൊല്ലം ജില്ലയിൽ ഇത്തിക്കര ബ്ലോക്ക് അതിർത്തിയിൽ ചാത്തന്നൂർ - ചിറക്കര ഗ്രാമപഞ്ചായത്തുകളിലായി 600 ഹെക്ടർ ഒരിപ്പൂ പാടശേഖരമാണ് നയനമനോഹരമായ പോളച്ചിറ. മൽസ്യസമ്പത്തിന്റെ വൈവിധ്യം കൊണ്ട് ദേശാടനപ്പക്ഷികളുടെ ഇഷ്ടസങ്കേതമാണ് പോളച്ചിറ. 2003 ലെ സെൻസസ് പ്രകാരം 37 വ്യത്യസ്ത ഇനങ്ങളിൽപെട്ട 26000 പക്ഷികൾ ഇവിടെ വരാറുണ്ട്.
![](/images/f/f3/Polachira1.png)
![](/images/1/1f/Vayalll.png)
![](/images/3/3a/Baiju.png)
![](/images/f/f1/Thengu_1.png)
![](/images/thumb/9/9a/Chira.jpg/300px-Chira.jpg)
![](/images/thumb/e/e8/Ela.jpg/300px-Ela.jpg)
![](/images/thumb/4/4e/Pakshi.png/300px-Pakshi.png)
അജ്ഞാതവാസകാലത്ത് പാഞ്ചാലി അരികഴുകിയ കാടിയൊഴുക്കിയ സ്ഥലമെന്ന പേരിൽ കാടിച്ചിറ എന്നും വിളിക്കാറുണ്ട്. വടക്കുവശത്തായി മണ്ണാത്തിപ്പാറയുടെ സൗന്ദര്യവുമുണ്ട്. സുഖശീതളമായ കാറ്റ് വിനോദസഞ്ചാരികളെ ആകർഷിക്കുന്നു. പോളച്ചിറയുടെ വിനോദസഞ്ചാരപ്രവർത്തനങ്ങൾ നടത്തുവാനായി ഇത്തിക്കര- പോളച്ചിറ ടൂറിസം ഡെവലെപ്മെന്റ് ഏജൻസി എന്നൊരു സംഘടന രൂപീകൃതമായിട്ടുണ്ട്. പോളച്ചിറയിലെ നടുത്തോടിലെ വെള്ളം ചെന്നുചേരുന്ന ഇത്തിക്കരയാറുമായി ബന്ധപ്പെടുത്തിയുള്ള വിനോദസഞ്ചാരവികസനസാധ്യതകളാണ് ഈ സംഘടന ലക്ഷ്യമാക്കുന്നത്.