ജി. എം. യു. പി. എസ് പുത്തൻ കടപ്പുറം/ചരിത്രം

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

പഴയ പരപ്പനാട് ദേശത്തിന്റെ ചരിത്രകാല പെരുമയുമായി ഒൻപത് പതിറ്റാണ്ടുകളും പിന്നിട്ട് നൂറ്റാണ്ടോടടുക്കുന്ന മലപ്പുറം ജില്ലയിലെ തീരദേശമായ പരപ്പനങ്ങാടി നഗരസഭയുടെ പടിഞ്ഞാറെ കടലോര ഗ്രാമമായ പുത്തൻകടപ്പുറം ദേശത്ത് 1927 ഓഗസ്റ്റ് ഒന്നിന് പിറവി. 1927 ൽ പുത്തൻ കടപ്പുറം പള്ളിയുടെ ഓരത്ത് തെക്ക് പടിഞ്ഞാറെ ഭാഗത്ത് സ്ഥിതി ചെയ്ത ഓത്തുപള്ളിയിലായിരുന്നു തുടക്കം. കേരളപ്പിറവി വരെ ഈ താത്കാലിക കെട്ടിടത്തിൽ . പിന്നീടുണ്ടായ കടലാക്രമണത്തിൽ നാമാവശേഷമായി.

കേരളത്തിൽ പൊതുവിദ്യാഭ്യാസങ്ങൾ രൂപപ്പെട്ട ആദ്യ മന്ത്രിസഭ കാലത്ത് സർക്കാർ ഏറ്റെടുത്തു. പ്രമുഖ തറവാട്ടുകാരായ കിഴക്കിണിയകത്തിലെ ഒരു അവകാശിയുടെ സ്ഥലം വാടകക്കെടുത്ത് അതിൽ നിർമ്മിച്ച താത്കാലിക കെട്ടിടത്തിൽ സ്വതന്ത്രമായ സ്കൂൾ അന്തരീക്ഷത്തിലേക്ക് മാറ്റം. 1960 ൽ കെട്ടിടം തകർച്ച നേരിട്ടപ്പോൾ പടിഞ്ഞാറെ പള്ളിക്കടുത്തുള്ള മദ്രസ്സ കെട്ടിടത്തിലേക്ക് മാറ്റം. രാവിലെ 10.30 വരെ മദ്രസ്സും 10.30 ന് ശേഷം സ്കൂളും അങ്ങനെയായിരുന്നു പ്രവർത്തന കലണ്ടർ . കുറച്ച് കാലം കഴിഞ്ഞപ്പോൾ പഴയ വാടക സ്ഥലം സ്വന്തമാക്കാൻ സ്ഥലത്തെ പൗരപ്രമുഖരും വിദ്യാഭ്യാസ പ്രവർത്തകരുടെയും ശ്രമങ്ങൾ ആരംഭിച്ചു.

1972 ൽ കേരളത്തിന്റെ മുൻ ഉപമുഖ്യമന്ത്രിയും സ്ഥലത്തെ പൗരപ്രമുഖനുമായിരുന്ന അവുഖാദർ കുട്ടി നഹയുടെ നേതൃത്വത്തിൽ നടന്ന ശ്രമം ഫലംകണ്ടു. വാടക സ്ഥലമായ 62 സെന്റ് സ്ഥലം സ്വന്തമാക്കി അവിടെ ഓലഷെഡും പിന്നീട് ഓടുമേഞ്ഞ കെട്ടിടവും തുടർന്ന് RCC ബിൽഡിംങ്ങുകളും വന്നു. ആധുനികതയിലേക്കുള്ള ഈ വിദ്യാലയത്തിന്റെ ഈ വളർച്ചയിൽ SSA പഞ്ചായത്ത്, സ്ഥലം MLA , കോസ്റ്റൽ ഫണ്ട്, എന്നിവയുടെ കർമ്മ മുദ്രയുണ്ട് , 2016 - 17 കാലം വികസനത്തിന്റെ പുതിയ ഘട്ടത്തിലേക്ക് കടന്നു. LP വിദ്യാലയം Up വിദ്യാലയമായി ഉയർന്നു. കമ്പ്യൂട്ടർ ലാബ്, ശാസ്ത്ര ലാബ്, ഗണിതലാബ്, സ്മാർട്ട് ക്ലാസ് റൂം, ഓഡിറ്റോറിയം എല്ലാം ആയി .