ഒരു തിരി തെളിക്കുക നാം നാളെ യീ മണ്ണിൽ നൂറു പൊൻപുലരികൾ കണികാണുവാൻ മലിനമായ പുഴകൾക്ക്, കരിഞ്ഞുണങ്ങിയ മാമരങ്ങൾക്ക് ഒക്കെയും പുതുജീവനേകാം മാമഴക്കാടുകൾ വീണ്ടെടുക്കാം മാരിവില്ലിനെ തെളിഞ്ഞു കാണാം കുട്ടിക്കാലത്തിന്റെ കൂട്ടായ ശലഭങ്ങൾ ക്കും , തുമ്പികൾക്കും സമ്മാനമായി ഒരു പൂവാടി തന്നെ ഒരുക്കി വെക്കാം വിഷു പക്ഷിയുടെ പാട്ടിനായ് കാതോർത്തിടം വയലും വരമ്പും വിത്തു വിതച്ചുണർത്താം മാമ്പഴക്കാലത്തിന്റ മധുരം നുണഞ്ഞിടാൻ ഒരു നൂറു തൈകൾ നട്ടു നനച്ചിടാം ഇടവപ്പാതിയിൽ പുതുമഴ നനഞ്ഞിടാം മകരമഞ്ഞിന്റെ കുളിരും നുകർന്നിടാം വരൂ കൂട്ടരേ നമുക്കൊത്തു ചേർന്നീ മണ്ണു കാക്കാം അമ്മയാം ഭൂമിക്ക് കാവലായിടാം
സാങ്കേതിക പരിശോധന - Bmbiju തീയ്യതി: 06/ 05/ 2020 >> രചനാവിഭാഗം - കവിത
