(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
വെള്ളരിപ്രാവുകൾ
ഓരോദിനവും ഉറങ്ങാൻതുടങ്ങുമ്പോ-
ഴുണരേണമെന്നൊരു ചിന്തവേണം
നാമുറങ്ങീടുന്ന സമയത്ത്
നമ്മുടെ ശാന്തസ്വരൂപരാം മാലാഖമാർ
കണ്ണുകളടയ്ക്കാതെ മറ്റുള്ളവർക്കായി
പലപലഹൃദയംതഴുകീടുമ്പോൾ
ചിറകറ്റുവീണപലജീവനെയും
മരണത്തിൽ നിന്നും കരകയറ്റിയവർ
ഒരുജാതി ഒരുമതം ഒരു ദൈവമെന്നുള്ള
വചനമിവിടെ സത്യമായോ
ഈമഹാമാരിതൻകൊണ്ടുമാത്രം
മനുഷ്യജാതിയെ ഒന്നാക്കി മാറ്റാം
സഹജീവഹൃദയം തഴുകാൻ ശ്രമിക്കുന്ന
വെള്ളരിപ്രാവിനെ കാണണം നാം
ആരോഗ്യ പ്രവർത്തകർ,പോലീസുകാർ,
സാമൂഹ്യപ്രവർത്തകരൊത്തൊരുമിച്ച്
നാടിന്നു കാവലായിനിന്നിടുന്നു...
കൊറോണയാൽ ജീവൻ പൊലിഞ്ഞവർക്കായി
തിരിതെളിയിച്ച് നാം സ്മരിക്കവേണം
ആയിരം അശ്രുപുഷ്പങ്ങളർപ്പിച്ചിടാം...
ഈ വ്യാധിതൻ ചങ്ങലപൊട്ടിച്ചിടാം
ശാന്തിതൻ പുതുപുലരിക്കൊപ്പം………..
…………