വീടുകൾ റോഡുകൾ കാറുകൾ ബസുകൾ
തീവണ്ടിയും പിന്നെ വിമാനവും
മാളുകൾ ജിമ്മുകൾ ഫ്ളാറ്റുകൾ
സൗന്ദര്യവർദ്ധന ശാലയുമൊക്കെയുണ്ട്.
ഭൂമിയോടുള്ള മനുഷ്യ പ്രവർത്തികൾ
ഭൂമിയെ താറുമാറാക്കിയല്ലോ
മണലുകൾ വാരിയ തോടുകളും പിന്നെ
വെട്ടി നശിപ്പിച്ച കാനനവും
തീയും പുകയും അഴുക്കു വസ്തുക്കളും
ഭൂമിയെ മലിനമായി മാറ്റിയല്ലോ
മലിനതയേറ്റയീ ഭൂമിയിലാകവേ
കാലാന്തരങ്ങളിൽ മാറ്റമായി
കാലം തെറ്റിയ ചൂടുകാരണം
ഭൂമി വരണ്ട് ഉണങ്ങിയല്ലോ
പെട്ടന്നങ്ങനെ മഴയും വന്നു
പ്രളയവും ദുരിതത്തിൽ ആഴ്ത്തിയല്ലോ
ഫാസ്റ്റ് ഫുഡ് ശീലിച്ച മനുഷ്യരെയോ
ഓരോരോ രോഗങ്ങൾ കീഴടക്കി
മാറിയ ജീവിത ശൈലികൾ മൂലം
ഓരോ വൈറസും എത്തിയല്ലോ
നമ്മുടെ ഭൂമിയിൽ ആകെ പടർന്നൊരു
വൈറസ് ആണീ കോവിഡ് -19
അകലം പാലിച്ച് ലോക്ഡൗൺ പാലിച്ച്
കൊറോണയെ നമ്മൾ തുരത്തും.
മലിനതമാറ്റി രോഗങ്ങൾ മാറ്റി
പ്രകൃതി തൻ ജീവനെ സംരക്ഷിക്കാം
നമുക്കമ്മയാം പ്രകൃതിയെ സ്നേഹിച്ചീടാം
നമുക്കമ്മയാം പ്രകൃതിയെ സ്നേഹിച്ചീടാം.