കടമ്പൂർ എച്ച് എസ് എസ്/മറ്റ്ക്ലബ്ബുകൾ

അറബിക് ക്ലബ്

അറബിക് ക്ലബ് നമ്മുടെ സ്കൂളിൽ യു പി, ഹൈസ്കൂൾ വിഭാഗങ്ങളിലായി ഏകദേശം ആയിരത്തോളം വിദ്യാർത്ഥികൾ അറബിക് ഒന്നാം ഭാഷയായി പഠിക്കുന്നുണ്ട്. ഈ വിഷയം കൈകാര്യം ചെയ്യുന്നതിനായി യുപിയിൽ ഒന്നും ഹൈ സ്കൂളിൽ രണ്ടും അധ്യാപകരാണുള്ളത്. മുൻ വർഷങ്ങളിൽ എന്ന പോലെ ഈ വർഷവും ആഗസ്ത് മാസമാവുമ്പോഴേക്കും അറബിക് ക്ലബ് രൂപീകരിച്ചു വിദ്യാർത്ഥികളെ അറബിക് ഭാഷയിലേക്കു ആകര്ഷിക്കുന്നതിനും പഠനം രസകരമാക്കുന്നതിനുമായി നിരവധി പാഠ്യ പഠ്യേതര പ്രവർത്തനങ്ങൾ നടത്തുക എന്നത് ഈ ക്ലബിന്റെ ലക്ഷ്യമാണ് അത് നടത്തി വരുന്നുമുണ്ട്. ഈ വര്ഷം നടന്ന ആലിഫ് ടാലെന്റ്റ് ടെസ്റ്റിൽ സബ്ജില്ലാ തലത്തിൽ ഹൈസ്കൂൾ വിഭാഗം ഒന്നാം സ്ഥാനവും യു പി വിഭാഗം രണ്ടാം സ്ഥാനവും കരസ്ഥമാക്കി. കഴിഞ്ഞ വര്ഷം SSLC പരീക്ഷയിൽ അറബി ഒന്നാം ഭാഷയായി തിരഞ്ഞെടുത്ത 80 % വിദ്യാർത്ഥികൾക്കും അറബിയിൽ A + കരസ്ഥമാക്കിയാണ് വിജയം നേടിയത്. അതുപോലെ തന്നെ അറബിക് കലോത്സവങ്ങളിലും നമ്മുടെ വിദ്യാലയം മികച്ച പ്രകടനം കാഴ്ച വെച്ചിട്ടുണ്ട്. തുടർച്ചയായ മൂന്നു വർഷങ്ങളിലും യു പി ഹൈസ്കൂൾ വിഭാഗം അറബിക് കലോത്സവത്തിൽ നമ്മുടെ വിദ്യാലയമാണ് ജേതാക്കൾ. കഴിഞ്ഞ വര്ഷം യു പി വിഭാഗത്തിൽ നാലു മത്സര ഇനങ്ങളിലും ഹൈസ്കൂൾ വിഭാഗത്തിൽ ഒന്പത് മത്സര ഇനങ്ങളിലും ജില്ലാ തലത്തിൽ മത്സരിച്ചിട്ടുണ്ട്. കഴിഞ്ഞ വർഷം മുതൽ ആരംഭിച്ച അറബിക് ഇന്റർനാഷണൽ ഡേയുടെ ഭാഗമായി സങ്കടിപ്പിച്ച അറബിക് കൈയെഴുത്തു മാസിക നിർമാണത്തിൽ യു പി ഹൈസ്കൂൾ വിഭാഗം സംസ്ഥാന തലത്തിൽ രണ്ടാം സ്ഥാനം കരസ്ഥമാക്കിയിട്ടുണ്ട് അത് സ്കൂളിലെ അറബിക് ക്ലബിന്റെ ചരിത്രത്തിലെ ഒരു പൊന്തൂവലാണ്.

CWSN

CWSN കുട്ടികളെ സംബന്ധിച്ച റിപ്പോർട്ട് 2013 മുതൽ 2018 വരെയുള്ള വർഷങ്ങളിലായി ഇതിനോടകം 70 CWSN കുട്ടികൾ ഇവിടെ പഠിക്കുകയും വിവിധങ്ങളായ പരിശീലനങ്ങൾ നേടുകയും ചെയ്തിട്ടുണ്ട്. വിദ്യാഭ്യാസ വകുപ്പിൽ നിന്നും ലഭിക്കുന്ന വിവിധങ്ങളായ സ്കോളർഷിപ്പും Aids & Appliances വര്ഷം തോറും കുറ്റ്യാകൾക്കു ലഭ്യമാക്കിയിട്ടുണ്ട്. പഠന പ്രവർത്തനങ്ങളിൽ പിന്നോക്കം നിൽക്കുന്ന കുട്ടികളെ പാഠഭാഗം adaptation നടത്തി പഠന പുരോഗതിയിൽ എത്തിച്ചിട്ടുണ്ട്. പഠ്യേതര പ്രവർത്തനങ്ങളിൽ മിക്ക കുട്ടികളും പ്രാവീണ്യം തെളിയിച്ചിട്ടുണ്ട്.സ്കൂളിൽ ഈ കുട്ടികൾക്കായി നൽകി വരുന്ന പ്രവർത്തനങ്ങൾ emboz പാനലിങ്, പെന്സിൽ ഡ്രോയിങ്, painting ,വെജിറ്റബിൾ printing ,എംബ്രോയിഡറി, കട്ടിങ് & ടൈലറിംഗ് ഫ്ളവർ മേക്കിങ്, കാർഡ് ബോർഡ് ഫയൽ മേയ്ക്കിങ് , ബുക്ക് ബൈൻഡിങ്, വേസ്റ്റ് മെറ്റീരിയൽ പ്രൊഡക്ഷൻ എന്നിവയാണ്. ഈ പ്രവർത്തനങ്ങളിലൂടെ കുട്ടികളുടെ ആത്മവിശ്വാസം വർധിക്കുകയും തങ്ങളും മറ്റുള്ള കുട്ടികളെ പോലെ ഒരുപക്ഷെ മറ്റുള്ളവരെക്കാൾ മിടുക്കരാണ് എന്ന് തെളിയിക്കുകയും ചെയ്തത് രക്ഷിതാക്കൾക്കും ഏറെ സന്തോഷം നൽകിയിട്ടുണ്ട്. ഏതു തരത്തിലുള്ള പരിശീലനവും ശ്രദ്ധയുമാണ് ഈ കുട്ടികൾക്ക് നൽകേണ്ടത് എന്നത് സംബന്ധിച്ച ബോധവത്കരണ ക്ളാസും കുട്ടികളുടെ എല്ലാ വിധത്തിലുള്ള പുരോഗതി വിലയിരുത്തലും ഹെഡ്മിസ്ട്രെസ്സ്ന്റെ നേതൃത്വത്തിൽ മൂന്നുമാസത്തിലൊരിക്കൽ നടത്തിവരുന്നുണ്ട്. RMSA യുടെ നേതൃത്വത്തിൽ ആലപ്പുഴയിൽ വെച്ച നടത്തിയ ഹിമാചൽ തനതു പ്രോഗ്രാമായ പാംഗി ഡാൻസിന് സ്കൂളിൽ നിന്നും കഠിനാധ്വാനത്തിലൂടെ കുട്ടികളെ പരിശീലിപ്പിച്ചു പങ്കെടുപ്പിക്കുകയും സ്റ്റേറ്റിൽ ഒന്നാം സ്ഥാനത്തിന് അർഹരാവുകയും ചെയ്ത മുഹൂർത്തം ഏറെ ധാന്യമാണ്. തുടർന്ന് 29 സംസ്ഥാനങ്ങളെയും 7 കേന്ദ്ര ഭരണ പ്രദേശങ്ങളെയും പ്രതിനിധീകരിച്ചു ഭോപ്പാലിൽ വെച്ച് നടന്ന ദേശീയോത്സവത്തിൽ ഏവരെയും ആശ്ചര്യപെടുത്തിയുള്ള പ്രകടനം കുട്ടികൾ കാഴ്ചവെക്കുകയും ദേശീയ തലത്തിൽ ഒന്നാമതായി എത്തി തിളക്കമാർന്ന വിജയം കൈ വരിചതു ദേശീയ തലത്തിൽ കടമ്പൂർ ഹയർ സെക്കന്ററി സ്കൂളിന്റെ യശസ്സ് ഉയർത്തിയ ചരിത്ര മുഹൂർത്തമായിരുന്നു. ആവേശോജ്വലമായ വരവേല്പ്പോടെയാണ് വിജയികളെ സ്കൂൾ എതിരേറ്റത്. 8 പേർ അടങ്ങിയ നൃത്ത ഗ്രൂപ്പിൽ cwsn കുട്ടികളും ഉണ്ടായിരുന്നു എന്ന് എടുത്തു പറയട്ടെ. സ്കൂളിലെ കല കായിക മേളകളിലും CWSN കുട്ടികൾ തങ്ങളുടെ കഴിവ് തെളിയിച്ചിട്ടുണ്ട്. 2017 -18 ൽ ചൊവ്വ ഹയർ സെക്കണ്ടറി സ്കൂളിൽ വെച് ഉപജില്ലാതലത്തിൽ നടന്ന കലാപരിപാടിയിലും എക്സിബിഷനിലും കടമ്പൂർ Cwsn കുട്ടികൾ മഹാ വിസ്മയമായി മാറിയിരുന്നു. എം പി ശ്രീമതി DED കരുണാകരൻ സാർ DEO ലീല ടീചർ APO കൃഷ്ണദാസ് സാർ HM സ്മിത ടീച്ചർ ഇവരുടെ ആശംസകളും അഭിനന്ദനങ്ങളും പ്രോത്സാഹനങ്ങളും മഹനീയ സാനിധ്യവും അഭിമാനകരമായ നിമിഷങ്ങളായിരുന്നു. ഇത്തരം കുട്ടികളെ പരിശീലിപ്പിക്കുന്നതിനായി പ്രത്യേകം മുറിയും കമ്പ്യൂട്ടർ അടക്കമുള്ള സംവിധാനങ്ങളും സ്കൂളിൽ ഒരുക്കിയിട്ടുണ്ട്. മാനേജ്മെൻറ്റി ൻറെയും ഹെഡ്മിസ്ട്രെസ്സിന്റെയും നിർലോഭമായ സഹകരണവും പ്രോത്സാഹനവും ലഭിക്കുന്നുണ്ട് എന്നതാണ് സ്രേഷ്ടമായ ഒരു പരിശീലനവും ശ്രദ്ധയും കൊടുക്കുവാൻ പ്രേരകമായിട്ടുള്ളത്.

ഹെൽത്ത് ക്ലബ്

ഹെൽത്ത് ക്ലബ്പ്രവർത്തന റിപ്പോർ ട്ട് സ്കൂൾ ഹെൽത്ത് ക്ലബ്ബിൻടെ സെക്രട്ടറിയായി പി പ്രഭാകരൻ മാസ്റ്റർ പ്രവർത്തിക്കുന്നു. ഒന്ന് മുതൽ പത്തു വരെ അയ്യായിരത്തി ഇരുന്നൂറ്റി തൊണ്ണൂറ്റി രണ്ടു വിദ്യാർത്ഥികൾ പഠിക്കുന്ന വിദ്യാലയത്തിൽ കുട്ടികളുടെ ആരോഗ്യം സംരക്ഷിക്കുന്നതിനായി വിവിധങ്ങളായ പ്രവർത്തനങ്ങൾ നടത്തി വരുന്നുണ്ട്. സൂപ്പർ വൈസിങ് ഓഫീസർ എന്ന നിലയിൽ ഹെഡ്മിസ്ട്രസ് പി എം സ്മിത ടീച്ചർ എല്ലാ പ്രവർത്തനങ്ങളിലും ഇടപെടുകയും സജീവമായ നേതൃത്വം നൽകുകയും ചെയ്യുന്നു. സ്കൂൾ മാനേജ്മെന്റിന്റെ ഭാഗത്തു നിന്നുള്ള സഹകരണവും സഹായവും ശ്ലാഘനീയമാണു. ഈ വർഷത്തെ ഹെൽത്ത് ക്ലബ്ബ് ഉദഘാടനം 29 -06 -2017 വ്യാഴാഴ്ച്ച 2 മണിക്ക് നടന്നു. ഇതിന്റെ ഭാഗമായി പകർച്ച വ്യാധികൾ പിടിപെടുന്നതും പ്രതിരോധവും മഴക്കാല രോഗ ബോധ വൽക്കരണവും വ്യക്തി ശുചിത്വം പരിസര ശുചിത്വം ആരോഗ്യ സംരക്ഷണം എന്നീ വിഷയങ്ങളെ അടിസ്ഥാനമാക്കി കാടാച്ചിറ PHC ലെ ഹെൽത്ത് ഇൻസ്പെക്ടർ വിനോദ് ബാബു ബോധവത്കരണ ക്ലസ്സെടുത്തു. കാടാച്ചിറ PHC മെഡിക്കൽ ഓഫീസർ ഡോ:ഇസ്മായിൽ സി വി ടി ഉദ്ഘാടനം നിർവഹിച്ചു. ഇതിൻറെ ഭാഗമായി 6000 നോട്ടീസ് പ്രിന്റ് ചെയ്തു സ്കൂളിലെ മുഴുവൻ കുട്ടികളിലും എത്തിച്ചു ബോധവത്കരണം നടത്തി. ഇത് രക്ഷിതാക്കളിൽ വലിയ മതിപ്പുകവക്കിയ പ്രവർത്തനമായിരുന്നു. • ക്ളാസ് മുറിയും സ്കൂൾ പരിസരവും ശുചിയായി സൂക്ഷിക്കുന്നു എന്ന് ഉറപ്പു വരുത്തിക്കൊണ്ട് പ്രത്യേകം തയ്യാറാക്കിയ സ്കൂൾ ഹൈജീൻ പട്ടികയിൽ ദിവസവും രേഖപ്പെടുത്തുന്ന നൂതന സംവിധാനം ഇവിടെ നടപ്പിലാക്കി വരുന്നു. ഇത്തരത്തിൽ ടോയ് ലെറ്റ് ഹൈജീൻ പട്ടികയിലും ശുചിത്വ പ്രവർത്തനങ്ങൾ രേഖപെടുത്തിവരുന്നു. ശുചിത്വ ബോധവത്കരണം കുട്ടികളിൽ നിരന്തരം നടത്തി വരികയും ഏറ്റവും ശുചിത്വം പാലിക്കുന്ന ക്ളാസ്സുകളിലെ മുഴുവൻ കുട്ടികൾക്കും ക്ളാസ് റൂം ഹൈജീനിക് സർട്ടിഫിക്കറ്റ് നൽകുകയും ചെയ്തിട്ടുണ്ട്. തുടർന്ന് ഇത്തരം പ്രവർത്തനങ്ങൾ നടപ്പിലാക്കാനാണ് തീരുമാനം. • സുസജ്ജമായ ഫസ്റ്റ് എയ്ഡ് സംവിധാനം ഇവിടെ ഒരുക്കിയിട്ടുണ്ട്. • ലഹരി വിരുദ്ധ കാമ്പയിൻ റെഡ് ക്രോസ്സ്, സ്കൗട് ആൻഡ് ഗൈഡ്സ് എന്നീ വിദ്യാർത്ഥികളെ അണിനിരത്തി പ്ലക്കാർഡുകൾ തയ്യാറാക്കി സന്ദേശയാത്ര നടത്തി. • സ്കൂൾ ശുചിത്വം വ്യക്തി ശുചിത്വം യൂണിഫോം എന്നിവ പരിശോധിക്കുന്നതിന് വേണ്ടി റെഡ് ക്രോസ്സ് സ്കൗട് ആൻഡ് ഗൈഡ് എന്നീ സേനകളിലെ തിരഞ്ഞെടുക്കപ്പെട്ട കുട്ടികൾക്ക് ഉത്തരവാദിത്വം നൽകി. • ആരോഗ്യത്തിനു ഹാനികരമാകുന്ന തരത്തിലുള്ള പ്ലാസ്റ്റിക് വാട്ടർ ബോട്ടിൽ സഞ്ചികൾ ടിഫിൻ ബോക്സ് എന്നിവ ഒഴിവാക്കാനുള്ള ബോധവത്കരണം നടത്തുകയും പകരം സ്റ്റീൽ വാട്ടർ ബോട്ടിൽ ടിഫിൻ ബോക്സ് പദ്ധതി നടപ്പിലാക്കുകയും ചെയ്തു. മുഴുവൻ അധ്യാപകരും വിദ്യാർത്ഥികളും ഇതിൽ പങ്കാളികളാണ്. • മിട്ടായികൾ ബബിൾഗം കുട്ടികളുടെ ആരോഗ്യത്തിനു ഹാനികരമാകുന്ന സാധനങ്ങൾ സ്കൂളിൽ കർശനമായി നിരോധിക്കുകയും ബോധവത്കരണ ക്ളാസ്സുകൾ നൽകുകയും ചെയ്തു.

എനർജി ക്ലബ്

പ്രവർത്തന റിപ്പോർട്ട് 2017 -18 അധ്യയന വർഷത്തിലെ കടമ്പൂർ ഹയർ സെക്കണ്ടറി സ്കൂൾ എനര്ജി ക്ലബ്ബിന്റെ പ്രവർത്തനം മികച്ച രീതിയിൽ നടന്നു. ക്ലബ്ബിന്റെ ഉദ്ഘാടനം 2017 ജൂലൈ 20 നു നടന്നു. അതിനോടനുബന്ധിച്ചു എല്ലാ ക്ളാസ്സുകളിലെയും കുട്ടികളെ എനർജി ക്ലബ്ബ് മെമ്പർമാർ ഊർജ ഉപഭോഗത്തെ പറ്റിയും നമ്മൾ നേരിടുന്ന ഊർജ പ്രതിസന്ധിയെ പറ്റിയും ബോധവാന്മാരാക്കി. നമ്മളോരോരുത്തരും വൈധ്യുതി ഉപയോഗിക്കുമ്പോൾ ചെയ്യേണ്ട കാര്യങ്ങൾ ഉപകരണങ്ങൾ പ്രവർത്തിപ്പിക്കുമ്പോൾ ശ്രദ്ധിക്കേണ്ട കാര്യങ്ങൾ, ഉപകരണങ്ങൾ വാങ്ങുമ്പോൾ ശ്രദ്ധിക്കേണ്ട കാര്യങ്ങൾ എന്നിവയെ പറ്റി വിദ്യാർത്ഥികളെ ബോധവാന്മാരാക്കാൻ എല്ലാ ക്ലസ്സിലും ലഘുലേഖകൾ വിതരണം ചെയ്തു. ഊർജ സംരക്ഷണ ദിനത്തോടനുബന്ധിച്ചു നടന്ന സ്കൂൾ തല ആഘോഷങ്ങൾ കുട്ടികളിൽ മികച്ച പ്രതികരണം ഉണ്ടാക്കി. വിവിധ മത്സരങ്ങളിൽ വിദ്യാർത്ഥികൾ മികച്ച പ്രകടനം നടത്തി. കണ്ണൂർ റവന്റ് ജില്ലാ തലത്തിൽ നടന്ന മത്സരങ്ങളിൽ ഊർജ ക്വിസ്സ് മത്സരത്തിൽ നമ്മുടെ സ്കൂളിലെ വിദ്യാർത്ഥികളായ അഭിൻ കെ, സന്ഗീർത് എം എന്നിവർക്ക് ഒന്നാം സ്ഥാനവും സംസ്ഥാന തല മത്സരത്തിലേക്ക് യോഗ്യതയും നേടാൻ സാധിച്ചു. കാർട്ടൂൺ മത്സരത്തിൽ ജേതാവായ മയൂഗ് മനോജിന് സംസഥാന തലത്തിൽ മൂന്നാം സ്ഥാനവും ലഭിച്ചു. E M C സംഘടിപ്പിച്ച ചിത്ര രചന മത്സരത്തിൽ വിദ്യാർത്ഥികൾ ആഹ്ലാദപൂർവം പങ്കെടുത്തു. ശിശിര, മിഥുന എന്ന വിദ്യാർത്ഥികളുടെ ചിത്രം തെരഞ്ഞെടുത്ത മികച്ച ചിത്രങ്ങളിൽ ഒന്നായി ഇന്നും പുസ്തകങ്ങളിൽ ഇടം നേടിയിരിക്കുന്നു. ഊർജ സംരക്ഷണവുമായി ബന്ധപ്പെട്ടു സ്കൂളിൽ നടത്തിയ പ്രവർത്തനങ്ങൾ കൊണ്ട് ഓരോ വിദ്യാർത്ഥിയും തങ്ങൾ വിനിയോഗിക്കുന്ന ഊർജം വളരെ ശ്രദ്ധയോടെ സൂഷ്മതയോടും കൂടി മാത്രെമേ ഉപയോഗിക്കുകയുള്ളു എന്നും നമുക്ക് അഭിമാനത്തോടെ പറയാൻ സാധിക്കും.

ഹിന്ദി ക്ലബ്ബ്

ഹിന്ദി ദിനാചരണം
ഹിന്ദി കൈയ്യെഴുത്ത് മത്സരം
ഹിന്ദി കൈയ്യെഴുത്ത് മത്സരം
ഹിന്ദി കൈയ്യെഴുത്ത് മത്സരം
ഹിന്ദി പ്രശ്നോത്തരി
ഹിന്ദി ബോർഡ്
പ്രേംചന്ദ് ദിനാചരണം
സുഗമ ഹിന്ദി പ്രശസ്തി പത്രം

അറബിക് ക്ലബ്ബ്

അറബിക് ക്ലബ്
ടാലന്റ് സേർച്ച് ടെസ്റ്റ്
ടാലന്റ് സേർച്ച് ടെസ്റ്റ്
അറബിക് മാസിക