ടിപ്പുവിന്റെ പടയോട്ടക്കാലത്ത് സൈന്യം ഇടത്താവളമായി സ്വീകരിച്ചിരുന്ന സ്ഥലമാണത്രേ, ഇന്ന് കെ. സി. പി. ഹയര് സെക്കണ്ടറി സ്കൂള് സ്ഥിതി ചെയ്യുന്ന കോട്ടപ്പറന്പ്. ആദ്യ കാലത്ത് ഗുരുകുല വിദ്യാഭ്യാസരീതിയായിരുന്നു നിലനിന്നിരുന്നത്. ഒാലയും എഴുത്താണിയുമായാണ് ശിക്ഷാര്ഥികള് വന്നിരുന്നത്. പിന്നീട് ഒാട്ടുപുരഗ്രാമത്തില് ഒരു എലമെന്ററി സ്കൂള് നിലവില് വന്നു. ശ്രീ രാഘവ വിദ്യാലയ ഹയര് എലമെന്ററി സ്കൂള് (SRVHES) എന്നായിരുന്നു ഇൗ വിദ്യാലയത്തിന്റെ ആദ്യ നാമം. ശ്രീ. വീരരാഘവ അയ്യരായിരുന്നു ആദ്യ മാനേജര്. അഞ്ച് മുതല് എട്ടു വരെ ക്ലാസ്സുകളായിരുന്നു അന്നുണ്ടായിരുന്നത്. അന്ന് ശങ്കരന്മൂച്ചിയാലിന്റെ അടുത്തുള്ള ഒരു കെട്ടിടത്തിലാണ് ക്ലാസ്സുകള് നടത്തിയിരുന്നത്. ഇന്നത്തെ സ്കൂള് കെട്ടിടം നിര്മ്മിച്ചതിനു ശേഷം ക്ലാസ്സുകള് അങ്ങോട്ടു മാറ്റി. എലമെന്ററി സ്കൂളിന്റെ അവസാനത്തെ ഹെഡ് മാസ്റററായിരുന്നു ശ്രീ. കല്യാണകൃഷ്ണയ്യര്. അദ്ദേഹത്തിന്റെ മകള് സീതാലക്ഷ്മിയാണ് സ്കൂള് ശ്രീ. കെ.സി.പഴനിമലയ്ക് കൈമാറിയത്. അദ്ദേഹമാണ് ഈ വിദ്യാലയത്തെ ഹൈസ്കൂളാക്കി മാറ്റിയത്. ശ്രീ. കെ.സി.പഴനിമലയുടെ മരണാനന്തരം മകന് ശ്രീ. കെ.പി.കലാധരന് സ്കൂള് മാനേജരായി. ശ്രീ. കെ.പി.സുരേന്രനാണ് ഇപ്പോഴത്തെ മാനേജര്. ഇദ്ദേഹമാണ് ഈ വിദ്യാലയത്തെ ഹയര് സെക്കണ്ടറി സ്കൂളാക്കി ഉയര്ത്തിയത്.
ഭൗതികസൗകര്യങ്ങള്
"നാട്യപ്രധാനം നഗരം ദരിദ്രം
നാട്ടിന്പുറം നന്മകളാല് സമൃദ്ധം".
അതെ; നഗരത്തിന്റെ നാട്യങ്ങളില് നിന്നും തിരക്കുകളില് നിന്നുമെല്ലാം ഒഴിഞ്ഞുമാറി പ്രശാന്തസുന്ദരമായ ഗ്രാമാന്തരീക്ഷത്തില് അഞ്ചേക്കര് വിസ്തൃതിയില് പഴമയും പുതുമയും കൈകോര്ത്തു നില്ക്കുന്ന കെട്ടിടസമുച്ചയം... പ്രവേശനകവാടത്തില് ശാന്തിസന്ദേശമോതുന്ന ഛായാവൃക്ഷം, അരികെ കൊറ്റിയും കുളക്കോഴിയും പായാരത്തിനെത്തുന്ന നെല്വയലുകള്, മന്ദമാരുതന്റെ ഇളം തലോടലേല്ക്കുന്ന ക്ലാസ്സ്മുറികള്, കളിച്ചുല്ലസിക്കാന് കുട്ടികളെ സദാ മാടിവിളിക്കുന്ന വിശാലമായ മൈതാനം, ആവി പാറുന്ന ഉച്ചഭക്ഷണമൊരുക്കി പാചകശാല, ക്ഷീണവും ദാഹവുമകറ്റാന് ജലധാരാശ്രേണികള്, വിജ്ഞാനവും വിനോദവും ഒന്നിക്കുന്ന കംപ്യൂട്ടര് ലാബുകള്, അറിവിന്റെ അക്ഷയഖനിയുമായി ഗ്രന്ഥശാലകള്, ശാസ്ത്രവസ്തുതകളുടെ മാറ്റുരയ്ക്കുന്ന പരീക്ഷണശാലകള്, കായികക്ഷമതാഭിവൃദ്ധിക്കുതകുന്ന സാമഗ്രികളടങ്ങിയ പരിശീലനവേദികള്, വെടിപ്പും വൃത്തിയുമേറിയ ശൗചാലയങ്ങള് -
ചുരുക്കിപ്പറഞ്ഞാല്,
ഗാന്ധിജി വിഭാവനം ചെയ്ത
ശാരീരികവും, മാനസികവും, ആത്മീയവും, ബുദ്ധിപരവുമായ വളര്ച്ചക്കുതകുന്ന പൊതുവിദ്യാഭ്യാസ രീതിയിലൂന്നിക്കൊണ്ട്
നാളെയുടെ ഉത്തമ പൗരന്മാരെ വാര്ത്ത് എടുക്കാന്
അനുകൂലാന്തരീക്ഷം പ്രദാനം ചെയ്യുന്ന സരസ്വതീക്ഷേത്രം -
കെ. സി. പി. ഹയര് സെക്കണ്ടറി സ്കൂള്, കാവശ്ശേരി...
സംസ്ഥാനസർഗ്ഗോത്സവം തൃശ്ശൂരിൽ. അനുമോൾ സമ്മാനം സ്വീകരിക്കുന്നു.
