മൗണ്ട് കാർമൽ എച്ച്.എസ്സ്,എസ്സ് ഫോർ ഗേൾസ്,കോട്ടയം/ഗ്രന്ഥശാല
ഗ്രന്ഥശാല
8000 പുസ്തകങ്ങളുള്ള വിപുലമായ സി. വെർജീനിയ മെമ്മോറിയൽ ലൈബ്രറി മൗണ്ട് കാർമ്മലിന്റെ അഭിമാനമാണ്. മലയാളം അധ്യാപികമാരാണ് അതിന്റെ ചുമതല വഹിക്കുന്നത് ശ്രീമതി കുഞ്ഞമ്മ, ശ്രീമതി പെണ്ണമ്മ, ശ്രീമതി ജിജിമോൾ ഫ്രാൻസിസ്, ശ്രീമതി റെജീന റൊസാരിയ, ശ്രീമതി സുമിനാമോൾ കെ ജോൺ, ശ്രീമതി സുനി ജോ, ശ്രീമതി അജിത കെ കെ എന്നിവരാണ് ലൈബ്രറി ചാർജ് വഹിച്ചിരുന്നത്. 2010 റജീന ടീച്ചറും, സുമിന ടീച്ചറും, ഷീറാ ടീച്ചറും ചേർന്ന് കമ്മറ്റി രൂപീകരിച്ചു ലൈബ്രറി നവീകരണം എന്ന ഭാരിച്ച പണി ആരംഭിച്ചു. ബി.എഡ് കോളേജ് ലൈബ്രെറിയൻ റവ. സി. ഹരിതയുടെ സഹായത്തോടെ ഡി.ഡി.സി. നമ്പർ പ്രകാരം പുസ്തകങ്ങൾ തരം തിരിച്ചു റീ എൻട്രി ചെയ്തു. കൂടാതെ ഇന്ന് കാണുന്ന ലേബലിംഗ് സിസ്റ്റവും കാർഡ് സമ്പ്രദായവും ആരംഭിച്ചു. ഏതാണ്ട് അഞ്ചു മാസം വേണ്ടി വന്നു ലൈബ്രറി ഇന്ന് കാണുന്ന രീതിയിൽ ക്രമപ്പെടുത്താൻ. എല്ലാ കൊല്ലവും പുസ്തകമേളക്ക് പുതിയ പുസ്തകങ്ങൾ വാങ്ങി സ്റ്റോക്ക് രജിസ്റ്ററിൽ ചേർത്ത് കുട്ടികൾക്ക് വിതരണം ചെയ്യുന്നു .ജൂൺ മാസം തന്നെ പുസ്തക വിതരണം ആരംഭിക്കും. പുതിയ പുസ്തകങ്ങൾ "ന്യൂ അറൈവൽ" എന്ന് ലേബൽ ചെയ്ത റാക്കിൽ സൂക്ഷിക്കുന്നു. എന്റെ കൊച്ചു വായന മൂല എന്ന് സ്ഥലം തിരിച്ചു അഞ്ചാം ക്ളാസ്സുകാർക്കായി പ്രത്യേക വായന വിഭാഗം ക്രമീകരിച്ചിരിക്കുന്നു. പിറന്നാൾ ദിനത്തിൽ "എന്റെ സ്കൂളിന് എന്റെ പുസ്തകം "എന്ന പദ്ധതി പ്രകാരം കുട്ടികൾ സ്കൂളിലേക്ക് പുസ്തകങ്ങൾ സംഭാവന ചെയ്തു പോരുന്നു. ലൈബ്രറിയുടെ നേതൃത്വത്തിൽ ദൈനം ദിന ക്വിസ് നടത്തിപ്പോരുന്നു .വായന വാരാചരണത്തിന്റെ ഭാഗമായി പുസ്തക പ്രദർശനവും വിവിധ മത്സരങ്ങളും സംഘടിപ്പിക്കപ്പെടുന്നു.
ബഷീർ ദിനം
ജൂലൈ 5 ബഷീറിന്റെ ഓർമ ദിനത്തിൽ ബഷീറിയൻ പുസ്തകങ്ങളുടെ പ്രദർശനം സ്കൂൾ ലൈബ്രറിയിൽ നടത്തി. ബഷീറിന്റെ എല്ലാ പുസ്തകകങ്ങളും കുട്ടികൾക്ക് കാണാൻ സാധിച്ചു. ഈ പ്രദർശനം കുട്ടികളിൽ പുതിയ വായനയക്ക് വഴി തുറന്നു അന്നേ ദിവസം ബഷീർ കൃതികളുടെ വായനാക്കുറിപ്പ് മത്സരം നടത്തി.
ക്ലാസ് വായനമൂല
മൗണ്ട് കാർമ്മലിലെ ഓരോ ക്ലാസ് മുറിയിലും നിരവധി പുസ്തകങ്ങളുടെ ശേഖരം ചേർത്ത് വായനമൂല ക്രമികരിച്ചിരിക്കുന്നു. കുട്ടികൾസ്വന്തം ഗൃഹത്തിലെ പുസ്തകങ്ങൾ പോലെ ഇവ സൂക്ഷിക്കുകയും, വായനയ്ക്കും റഫറൻസിനുമായി പ്രയോജനപ്പെടുത്തുക കയും ചെയുന്നു. ക്ലാസ് വായനമൂലകൾ കുട്ടികളിൽ വായന ശീലം വർദ്ധിപ്പിക്കുന്നതിനും ഒപ്പം ഭാഷ ബോധനത്തിനും സാഹിത്യാഭിരുചിയും മൂല്യബോധവും സമ്പന്നമാക്കുന്നതിനും ഏറെ സഹായിക്കുന്നു
വായന റാണി മത്സരം
സ്കൂൾ ലൈബ്രറിയിൽ നിന്നും . അനുയോജ്യമായപുസ്തകങ്ങൾ കണ്ടെത്തുകയും സമയബന്ധിതമായി വായിച്ചു തീർക്കുകയും പുസ്തകങ്ങളെ പറ്റി വിശദമായ കുറിപ്പു തയാറക്കുകയും ചെയ്യുന്ന കുട്ടികൾക്ക് കൊടുക്കുന്ന പ്രോത്സാഹനമാണ് ഇത്തരം മത്സരങ്ങളും . വിജയികൾക്കുള്ള സമ്മാനങ്ങളും .
