സെന്റ്.ജോർജ്ജ്സ് യു പി സ്ക്കൂൾ, പൂണിത്തുറ/പ്രവർത്തനങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
തിരികെ സ്കൂളിലേക്ക്
ആഘോഷങ്ങളും ആരവങ്ങളുമായി സാമൂഹിക അകലം പാലിച്ചുകൊണ്ട്, ചെറുപുഞ്ചിരികൾ എല്ലാം മാസ്കിനുള്ളിൽ ഒളിപ്പിച്ചു സാനിട്ടൈസർ ഉപയോഗിച്ച് നിരന്തരമായി കൈകൾ വൃത്തിയാക്കിയും ഒന്നര വർഷ കാലത്തിനു ശേഷം കുരുന്നുകൾ തിരികെ സ്കൂളിലേക്ക് നവംബർ 1 നു പ്രേവേശിച്ചു.ഒത്തിരി നാളുകളുടെ ഓൺലൈൻ പഠനത്തിൽ നിന്നും വ്യത്യസ്ഥമായിസ്കൂളിൽ വന്നു പഠിക്കുന്നതിന്റെ സന്തോഷവും ആശ്വാസവും ഓരോ കുരുന്നുകളുടെയും മുഖത്തുണ്ടായി. അദ്യാപകരെല്ലാരും സ്കൂൾ പ്രധാന കവാടത്തിൽ നിന്നുതന്നെ മിഠായികാലും, വർണ്ണ ബലൂണുകളും നൽകി കുട്ടികളെ ആനയിച്ചു, ക്ലാസ് റൂമിലേക്ക് കൊണ്ടുപോയി, കുട്ടികളുടെ കരകൗശല വസ്തുക്കൾ കൊണ്ട് ക്ലാസ്റൂമുകൾ എല്ലാം വളരെ മനോഹരമായി അലങ്കരിച്ചിരുന്നു. ഓരോ ക്ലാസുകൾ അനുസരിച്ചു വ്യത്യസ്തമായ ക്രെമത്തിൽ ആണ് കുട്ടികളെ ക്ലാസ്സുകളിലേക്ക് പ്രവേശിപ്പിച്ചത്‌. തുടർന്ന് നടന്ന കോവിഡ് പ്രോട്ടോകോൾ അനുസരിച്ചുള്ള ഉൽഘാടന കർമ്മത്തിൽ
പഠ്യേതര പ്രവർത്തനങ്ങൾ 2021
ഇന്നിന്റെ പ്രതീക്ഷകളും ഭാവി വാഗ്ദാനങ്ങളുമായ കുഞ്ഞുങ്ങളെ നാടിനും വീടിനും രാജ്യത്തിനും നന്മയുടെ പ്രകാശനാളമാക്കി മാറ്റാൻ ലഭിക്കുന്ന എല്ലാ അവസരങ്ങളും നന്നായി വിനിയോഗിക്കുന്നു.കോവിഡ് പശ്ചാത്തലത്തിൽ ദിനാചരണങ്ങൾ എല്ലാം വളരെ ഭംഗിയായി ഓൺലൈൻ വഴി നടത്തുകയും കുട്ടികളുടെ പൂർണ സാനിധ്യം ഉറപ്പാക്കുകയും ചെയ്തു. പരിസ്ഥിതി ദിനം,വായന ദിനം, ചന്ദ്രദിനം,സ്വതന്ത്ര്യ ദിനം,ഓസോൺ ദിനം ഹിരോഷിമ നാഗസാക്കി ദിനം,ഗാന്ധി ജയന്തി, അദ്ധ്യാപക ദിനം, ശിശുദിനം തുടങ്ങിയ ദിനാചരണങ്ങൾ അതിന്റെ പ്രാധാന്യത്തോടെ വിവിധങ്ങളായ മത്സരങ്ങളിലൂടെയും വീഡിയോ പ്രദര്ശനങ്ങളിലൂടെയും ഓൺലൈൻ ആയി നടത്തപെട്ടൂ. ഒപ്പം ഓരോ പ്രവർത്തനങ്ങളിൽ നിന്നും മികച്ചവ ഉൾപ്പെടുത്തിക്കൊണ്ട് വീഡിയോകൾ നിർമ്മിക്കുകയും അവ യഥാ സമയം സ്കൂൾ യൂട്യൂബ് ചാനലിൽ അപ്‌ലോഡ് ചെയ്യുകയും ചെയ്യുന്നു.
പരിസ്ഥിതി ദിനം (ജൂൺ 5)
ഈ ഓൺലൈൻ പഠനകാലഘട്ടത്തിൽ പ്രകൃതിയെ കൂടുതലായി അറിയുവാനും സംരക്ഷിക്കുവാനും സ്നേഹിക്കുവാനുമുള്ള വേദി ഒരുക്കികൊണ്ടു വിവിധങ്ങളായ മത്സരങ്ങൾ നടത്തിയും, വീട്ടുമുറ്റത്തു തൈകൾ നട്ടും പരിസ്ഥിതി ദിനം വളരെ ഭംഗി ആയി ആഘോഷിച്ചു.
വായന ദിനം (ജൂൺ 19)
കുട്ടികളിലെ വായന ശീലം വളർത്തി അതുവഴി അവരെ വിജ്ഞാനികളും, മാനസീക ആരോഗ്യമുള്ളവരും ആയി വളർത്തി എടുക്കുവാൻ ആവശ്യമായ നിർദ്ദേശങ്ങൾ നൽകുകയും അവരെ അത് പരിശീലിപ്പിക്കുകയും ചെയ്തു. പുസ്തകങ്ങളുടെ ലോകത്തേക്ക് അവരെ ആകർഷിക്കുംവിധം വ്യത്യസ്തമായ മത്സരങ്ങൾ നടത്തുകയും, പുതിയ പുസ്തകങ്ങളെ അവർക്ക് പരിചയ പെടുത്തി കൊടുക്കുകയും ചെയ്തു. മത്സരങ്ങളിൽ പങ്കെടുത്തു വിജയികൾ ആകുന്നവർക്കു ഓരോ ക്ലാസ് അടിസ്ഥാനത്തിൽ സമ്മാനങ്ങൾ നൽകി അവരെ പ്രോത്സാഹിപ്പിച്ചു.
ലഹരിവിരുദ്ധ ദിനം (ജൂൺ 26)
ലഹരിക്ക് അടിമപ്പെട്ടു ഒരുപാടു കുരുന്നു ജീവിതങ്ങൾ പൊലിഞ്ഞു പോകുന്ന ഈ കാലഘട്ടത്തിൽ ലഹരിയുടെ ഉപയോഗം കൊണ്ടുവരുന്ന ദൂഷ്യ ഫലങ്ങളും അതുമൂലം ഒരാൾക്ക് സംഭവിക്കുന്ന ആരോഗ്യപ്രേശ്നങ്ങളും വിശദമായി മനസിലാക്കാൻ തക്കവിധം കുട്ടികൾക്കും മാതാപിതാക്കൾക്കും അന്നേയ് ദിവസം ഓൺലൈൻ ആയി ബോധവൽക്കരണ ക്ലാസ് നടത്തുകയും അതിൽ എല്ലാവരുടെയും പങ്കാളിത്തം ഉറപ്പുവരുത്തുകയും ചെയ്തു. ലഹരിക്കെതിരെ കുട്ടികളെ കൊണ്ട് പോസ്റ്റർ നിർമ്മിച്ചും,പ്രതിജ്ഞ ചൊല്ലിയും,ചിത്രരചനയിലൂടെയും ഒക്കെ ഇതിന്റെ ഉപയോഗം ഉണ്ടാക്കുന്ന ശാരീരികവും മാനസികവും ആയ ബുദ്ധിമുട്ടുകൾ കുട്ടികൾക്ക് മനസിലാക്കി കൊടുക്കാൻ കഴിഞ്ഞു.
ബഷീർ ദിനം (ജൂലൈ 5 )
"എന്റെ എഴുത്തുകൾ വായിച്ചു ഏറ്റവും കൂടുതൽ ചിരിച്ചത് ഞാനായിരിക്കും, കരഞ്ഞതും ഞാനായിരിക്കും, കാരണം അതൊക്കെയും എന്റെ അനുഭവങ്ങളായിരുന്നു." വൈക്കം മുഹമ്മദ് ബഷീർ.
അനുഭവങ്ങളിലൂടെ ചിരിച്ചും, ചിന്തിപ്പിച്ചും, മറ്റൊരു ലോകത്തേക്ക് പാറിപ്പറക്കാൻ നമ്മെ പഠിപ്പിച്ച ബേപ്പൂർ സുൽത്താൻ വൈക്കം മുഹമ്മദ് ബഷീറിന്റെ ഓർമ്മ ദിനം ജൂലൈ 5 കുട്ടികൾ ബഷീർ കഥാപത്രങ്ങളെ അതരിപ്പിച്ചും, പ്രസംഗം, ചിത്ര രചന, വായനക്കുറിപ്പു തുടങ്ങിയ മത്സരങ്ങൾ നടത്തിയും ബഷീർ ദിനം മനോഹരമാക്കി.
കാർമൽ ഡേ ( ജൂലൈ 16)
കർമ്മല സന്യാസി സമൂഹ സ്ഥാപക ദിനമായ ജൂലൈ 16 കുട്ടികൾ ഓൺലൈൻ ആയി ആശംസ കാർഡ് നിമ്മിച്ചു സിസ്റ്റേഴ്സിനു ആശംസകൾ നൽകുകയും അധ്യാപകർ സിസ്റ്റേഴ്സിനു സ്നേഹ സമ്മങ്ങൾ നൽകി ആശംസകൾ അർപ്പിക്കുകയും ചെയ്തു.
ചാന്ദ്രദിനം ( ജൂലൈ 21)
" ഒരു മനുഷ്യന്റെ ചെറിയ കൽവയ്പ്പ്‌ മാനവരാശിക്ക് വലിയ കുതിച്ചു ചാട്ടവും. "
ജ്യോതി ശാസ്ത്ര പഠനം, ബഹിരാകാശ ഗവേഷണത്തിന്റെ പ്രാധാന്യം, മനുഷ്യന്റെ ആദ്യ ചാന്ദ്രയാത്രയുടെ പ്രസക്തി എന്നിവ വിദ്യാർത്ഥികളെ ഓർമ്മിപ്പിക്കാനും, ഇവ സംബന്ധമായ അവബോധം വളർത്തുവാനുമായി ജൂലൈ 21 ഒരു ചാന്ദ്ര ദിവസം കൂടി... ക്വിസ്, പോസ്റ്റർ നിർമാണം, പ്രസംഗം, ആക്ഷൻ സോങ്, ചാർട്ട് നിർമ്മാണം, പ്രച്ഛന്ന വേഷം, കൊളാഷ് നിർമ്മാണം എന്നിവയാൽ ഇന്നേ ദിവസത്തിന്റെ പ്രാധാന്യം കുട്ടികൾ അവതരിപ്പിച്ചു.
ഹിരോഷിമ നാഗസാക്കി ദിനം ( ഓഗസ്റ്റ് 6, 9 )
ഓഗസ്റ്റ് തിയതികളിലായിഹിരോഷിമ നാഗസാക്കി ദിനം വിർച്യുൽ അരി ആചരിച്ചു. സമാധാന സന്ദേശം ഉൾക്കൊള്ളുന്ന പോസ്റ്ററുകളും, പ്രസംഗവും, നൃത്തവും സംഘടിപ്പിച്ചു. ലോക മനസാക്ഷിയെ ഞെട്ടിച്ച ഈ കറുത്ത ദിനങ്ങളെ ഓർമ്മപ്പെടുത്തുന്ന ഒറിഗാമി മത്സരങ്ങളും കുട്ടികൾക്കായി നടത്തി.
സ്വാതന്ത്ര്യ ദിനം ( ഓഗസ്റ്റ് 15)
ഏറെ ത്യാഗപൂർണമായപോരാട്ടത്തിലൂടെ നമുക്ക് ലഭിച്ച സ്വാതന്ത്ര്യത്തിന്റെ മൂല്യം ഉൾക്കൊള്ളുവാനും സംരക്ഷിക്കുവാനും ഓരോകുട്ടിക്കും ബോധ്യം ഉളവാക്കികൊണ്ടു വർണാഭമായ പരിപാടികളാണ് സ്വാതന്ത്ര്യദിനത്തോട് അനുബന്ധിച്ചു നടന്നത്. ആഴ്ചകൾക്കു മുൻപ് തന്നെ ആഘോഷങ്ങൾക്കായി കുട്ടികൾ ഒരുങ്ങി. അന്നേ ദിനം ദേശഭക്തി ഗാനം, പ്രച്ഛന്ന വേഷം, ദേശിയ ചിഹ്നങ്ങൾ കൊണ്ടുള്ള കൊളാഷ്, പ്രസംഗം,ക്വിസ് തുടങ്ങിയ മത്സരങ്ങൾ നടത്തുകയുണ്ടായി
ഓണം ( ഓഗസ്റ്റ് 21 )
കോവിഡ് മഹാമാരി മറ്റുകുറച്ച ഓണാഘോഷമങ്ങളുടെ ആവേശം ഒട്ടും ചോരാതെ ഓൺലൈൻ ആയി സ്കൂളുകളിൽ നടത്തി. വീട്ടുകാരുമായി ചേർന്ന് പൂക്കളം ഒരുക്കിയും ഓണപ്പാട്ടുകൾ പാടിയും ഓണ പഴംചൊല്ലുകളും കഥകളും കണ്ടെത്തിയും കുഞ്ഞു കൂട്ടുകാർ മത്സരങ്ങളിൽ ആവേശത്തോടെ പങ്കെടുത്തു.