യു പി എസ് ചീരാൽ/ചരിത്രം
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
വയനാട് ജില്ലയിൽ സുൽത്താൻ ബത്തേരി താലൂക്കിൽ ചീരാൽ വില്ലേജിൽ നെൻമേനി പഞ്ചായത്തിൽ സ്ഥിതിചെയ്യുന്ന സ്ഥാപനമാണ് AUP സ്കൂൾ ചീരാൽ
നെൻമേനി വില്ലേജിന്റെ അംഗം അധികാരിയായിരുന്ന പരേതനായ കോളിയാടി പുത്തലത്ത് ബാലകൃഷ്ണൻ നായർ, മുണ്ടക്കൊല്ലി കുഞ്ഞൻ ചെട്ടി എന്നയാളുടെ വസതിയിൽ ഔദ്യോഗിക ആവശ്യത്തിന് വരുകയുണ്ടായി. യാത്രാമധ്യേ വഴിക്ക് ധാരാളം കുട്ടികൾ പാടത്ത് കളിച്ചും, ആടുമാടുകളെ മേയ്ച്ചും നടക്കുന്നത് ശ്രദ്ധയിൽപ്പെട്ടു. ചീരാൽ കേന്ദ്രമാക്കി ഒരു വിദ്യാലയം ആരംഭിക്കേണ്ടതിന്റെ ആവശ്യകതയെക്കുറിച്ച് കുഞ്ഞൻ ചെട്ടിയുമായി ചർച്ച ചെയ്തു. മുണ്ടക്കൊല്ലി കുഞ്ഞൻചെട്ടി ചീരാൽ പ്രദേശത്തെ ചെട്ടി സമുദായത്തിലെ പ്രമുഖരുമായി വിദ്യാലയം ആരംഭിക്കേണ്ടതിന്റെ ആവശ്യകതയെക്കുറിച്ച് ചർച്ച ചെയ്തു. തൊട്ടടുത്തുള്ള കോളിയാടിയിലെ കുട്ടിക്കൃഷ്ണൻ ആശാൻ എന്നയാളെ ചീരാലിലേക്ക് ക്ഷണിച്ചുവരുത്തി , മുളകൊണ്ട് ഭിത്തിയും മേൽക്കൂരയും നിർമ്മിച്ച വൈക്കോൽ മേഞ്ഞ രണ്ട് മുറി തോടുകൂടിയ ഒരു നാട്ടെഴുത്ത് വിദ്യാലയകേന്ദ്രം 1948 ൽ ആരംഭിച്ചു. 1952 ൽ മദ്രാസ് സംസ്ഥാന സർക്കാർ എലിമെന്ററി സ്കൂൾ ആയി അംഗീകാരം നൽകി. നൂൽപ്പുഴ, ചെട്ട്യാലത്തൂർ, നമ്പ്യാർകുന്ന്, കൊഴുവണ, കല്ലിൻകര, ചെറുമാട്, താഴത്തൂർ, കഴമ്പ്, കണ്ണം കോട്, നെൻമേനികുന്ന് എന്നീ പ്രദേശങ്ങളിൽ നിന്നും വിദ്യാർത്ഥികൾ ചേർന്നു പഠിച്ചിരു ന്നും വന്യമൃഗങ്ങൾ യഥേഷ്ടം വിരഹിച്ചിരുന്ന വനത്തിലൂടെ യാത്രചെയ്ത് വിദ്യാലയത്തിൽ എത്തിച്ചേരുക സാഹസികമായിരുന്നു. പ്രീപ്രൈമറി മുതൽ 7-ാം ക്ലാസുവരെയെത്തി നിൽക്കുന്ന ഈ സ്കൂളിൽ 21 അധ്യാപകർ ഇവിടെ ജോലി നോക്കുന്നു. ഈ സ്കൂളിൽ നിന്നും പഠിച്ചിറങ്ങുന്ന കുട്ടികൾ ഉയർന്ന ക്ലാസ്സിലേക്ക് പോകുമ്പോൾ അവർ പാഠ്യപാഠ്യേതര പ്രവർത്തനങ്ങളിൽ ഉയർന്ന നിലവാരം പുലർത്താറുണ്ട്. പിൻകാലങ്ങളിലേക്ക് തിരിഞ്ഞുനോക്കുമ്പോൾ ജില്ലാ കായിക മേളയിലും കലാമേളയിലും ഒന്നാം സ്ഥാനത്ത് എത്തിയ ചരിത്രവും നമുക്ക് വിസ്മരിച്ചുകൂടാ. യൂറിക്കാ വിജ്ഞാനപരീക്ഷ, വിവിധ ക്വിസ് മത്സരങ്ങൾ എന്നിവയ്ക്ക് ഒരുപാട് നേട്ടങ്ങൾ കൈവരിക്കാൻ ഈ സ്ഥാപനത്തിലെ കുട്ടികൾക്ക് കഴിഞ്ഞിട്ടുണ്ട്. അറബിക് കലോത്സവത്തിൽ നിരവധി സമ്മാനങ്ങളും മികച്ച പച്ചക്കറി കൃഷിക്ക് അവാർഡും ഈ വിദ്യാകേന്ദ്രത്തിലേക്ക് എത്തിച്ചേർന്നിട്ടുണ്ട്.
വിശാലമായ പ്ലേ ഗ്രൗണ്ട് , ഡിജിറ്റലൈസ് ചെയ്ത് ക്ലാസ് മുറികൾ, കമ്പ്യൂട്ടർ ലാബ് സയൻസ് ലാബ് ലൈബ്രറി തുടങ്ങി എല്ലാവിധ സൗകര്യങ്ങളും വിദ്യാലയത്തിൽ ഉണ്ട്. കൂടാതെ പാഠ്യേതര പ്രവർത്തനങ്ങൾ ആയി കരാട്ടെ യോഗ ഫുട്ബോൾ ഖോ-ഖോ അത്‌ലറ്റിക് നോൺ അത്‌ലറ്റിക് ഇവെൻ്റെസ് നൃത്തം തുടങ്ങിയ പ്രവർത്തനങ്ങൾക്ക് സ്കൂളിൽ പ്രത്യേകം കം പരിശീലനം നൽകുന്നുണ്ട്. ഈ പ്രവർത്തനങ്ങളിലെ മത്സരങ്ങൾക്ക് കൊണ്ടുപോകാനും അതിന് സമ്മാനങ്ങൾ നേടാനും സ്കൂളിനു സാധിച്ചിട്ടുണ്ട്.കൂടാതെ ജില്ലാതല സബ്ജില്ലാതല മത്സരങ്ങൾക്ക് വിദ്യാലയത്തിലെ വിദ്യാർഥികൾക്ക് പങ്കെടുക്കാനും സമ്മാനാർഹരാവനും സാധിച്ചിട്ടുണ്ട്.