സെന്റ് റോസെല്ലോസ് സ്കൂൾ ഫോർ സ്പീച്ച് ആന്റ് ഹിയറിംഗ്/അംഗീകാരങ്ങൾ

നമ്മുടെ സ്കൂൾ മത്സരിച്ച ഇടത്തെല്ലാം മികച്ച നേട്ടങ്ങളാണ് സ്കൂളിന് അവകാശപെടാനുള്ളത് .2004-05 അധ്യയന വർഷത്തിൽ SSLC ബോർഡ് എക്സാം നടത്തുവാനുള്ള പരീക്ഷ കേന്ദ്രം ലഭ്യമായി ആദ്യബാച്ചിൽ തന്നെ 100% വിജയം കരസ്ഥമാക്കിയത് സ്കൂളിന്റെ യശസ്സ് പതിന് മടങ്ങ് വർദ്ധിപ്പിച്ചു. അതോടൊപ്പം കലാകായിക മത്സരങ്ങളിൽ പങ്കെടുപ്പിച്ച് സംസ്ഥാന യുവജനോത്സവവേദികളിൽ തിളക്കമാർന്ന വിജയം കരസ്ഥമാക്കി.2004 മാർച്ചിൽ നടന്ന SSLC പരീക്ഷയിൽ ജിമ്മി സ്റ്റീഫൻ 4ാം റാങ്ക് കരസ്ഥമാക്കിയത് ഈ സ്കൂളിന്റെ അഭിമാനർഹമായ നേട്ടങ്ങളിലെ മറ്റൊരു പൊൻതൂവലായി. കോഴിക്കോട് മലബാർ അസ്സോസിയേഷൻ നടത്തിയ ബധിര ദിന പരിപാടികളിൽ രണ്ടാം സ്ഥാനവും ഓവറോൾ ചാമ്പ്യൻഷിപ്പും നേടിയതും അഭിമാനത്തിന് വക നല്കി. സു.ബത്തേരി വികലാംഗദിത പരിപാടിയിൽ മറ്റ് സ്കൂളുകളെ പിന്നിലാക്കി സെന്റ് റോസല്ലോ സ് തന്റെ ആധിപത്യം ഉറപ്പിച്ചു.2008- 2009 സംസ്ഥാന സ്പെഷ്യൽ സ്കൂൾ കലോത്സവത്തിൽ രണ്ടാം സ്ഥാനം നേടാൻ സാധിച്ചു. സംസ്ഥാന സ്പെഷ്യൽ സ്ക്കൂൾ പ്രവർത്തിപരിചയമേളയിൽ അഞ്ചു സമ്മാനങ്ങൾ ലഭിക്കുകയും ചെയ്തു. ലോക വികലാംഗ ദിനത്തോടനുബന്ധിച്ച് ഡിസംബർ 3 കലാകായിക മത്സരങ്ങളിൽ ധാരാളം സമ്മാനങ്ങൾ കരസ്ഥമാക്കി .2009 വരെ 8 ബാച്ചുകളിലായി കുഞ്ഞുങ്ങൾ എസ്എസ്എൽസി പരീക്ഷ പാസായി ഉന്നതപഠനത്തിന് അർഹത നേടി.2011 ,2012 ,2013 വർഷങ്ങളിൽ തുടർച്ചയായി സംസ്ഥാന സ്പെഷ്യൽ സ്കൂൾ കലോത്സവങ്ങളിൽ ഓവറോൾ നേടി . സംസ്ഥാനസ്പെഷ്യൽസ്കൂൾ പ്രവർത്തിപരിചയമേള കളിലും പങ്കെടുത്ത എല്ലാ ഇനങ്ങൾക്കും A ഗ്രേഡ് നേടി. സംസ്ഥാന കായിക മേളയിൽ ലോംഗ് ജമ്പ് മത്സരത്തിൽ റെക്കോർഡ് ഇട്ടു. 2015 -2016 സംസ്ഥാന സ്പെഷ്യൽസ്കൂൾ കലോത്സവത്തിൽ ഒന്നാം സ്ഥാനം കരസ്ഥമാക്കി. ഹൈസ്കൂൾ വിഭാഗത്തിൽ രണ്ടാം സ്ഥാനവും കരസ്ഥമാക്കി .സംസ്ഥാന പ്രവർത്തിപരിചയമേളയിൽ ധാരാളം സമ്മാനങ്ങൾ നേടി ."നല്ല പാഠം" പദ്ധതിയിൽ ജില്ലയിലെ മറ്റ്സ്കൂളുകൾക്കൊപ്പം നമ്മുടെ സ്കൂളിനും പ്രാധാന്യം നൽകി മലയാളമനോരമ. 2019 മാർച്ചിലെ SSLC പരീക്ഷയിൽ 100 % വിജയം തന്നെ ആവർത്തിച്ചു. 2004 മുതൽ SSLC എക്സാം എഴുതിയ ഒരു കുട്ടി പോലും തോറ്റിട്ടില്ല എന്നത് എടുത്ത പറയേണ്ട നേട്ടമാണ്. 2019 -ൽ അലൻ ജോസഫ്, മുഹമ്മദ് ഹാഷിൽ, റിയോൺ പ്രിൻസ് എന്നിവ മുഴുവൻ വിഷയകൾക്കും A+ നേടി.2019-ൽ മഴവിൽ മനോരമയുടെ ബിഗ് സല്യൂട്ട് പ്രോഗ്രാമിൽ പങ്കെടുത്ത സംസ്ഥാന സ്പെഷ്യൽ സ്കൂൾ കലോത്സവത്തിൽ ഒന്നാം സ്ഥാനവുംA ഗ്രേഡും നേടിയ ഹൈസ്കൂൾസംഘനൃത്തവും ഹയർസെക്കൻഡറിമൈമിങ്ങും ഈ സ്കൂളിന്റെ ചരിത്ര താളുകളിൽ ഒളിമങ്ങാത്ത ഓർമ്മകൾ ആയി മാറി.