ഗവൺമെന്റ് യു.പി. സ്ക്കൂൾ കടമ്പേരി

ഗവൺമെന്റ് യു.പി. സ്ക്കൂൾ കടമ്പേരി
വിലാസം
കണ്ണൂർ കണ്ണൂർ , 670562
സ്ഥാപിതം	1933
വിവരങ്ങൾ
ഫോൺ	04972782172
ഇമെയിൽ	gupsk13843@gmail.com
കോഡുകൾ
സ്കൂൾ കോഡ്	13843 (സമേതം)
വിദ്യാഭ്യാസ ഭരണസംവിധാനം
റവന്യൂ ജില്ല	കണ്ണൂർ
വിദ്യാഭ്യാസ ജില്ല	തളിപ്പറമ്പ
സ്കൂൾ ഭരണ വിഭാഗം
സ്കൂൾ വിഭാഗം	പൊതു വിദ്യാലയം
പഠന വിഭാഗങ്ങൾ	എൽ.പി യു.പി
മാദ്ധ്യമം	മലയാളം‌
സ്കൂൾ നേതൃത്വം
പ്രധാന അദ്ധ്യാപകൻ	Musthafa.M.K
അവസാനം തിരുത്തിയത്
23-09-2020	Praseetha K

പ്രോജക്ടുകൾ
അക്കാദമിക മാസ്റ്റർപ്ലാൻ (സഹായം)
എന്റെ ഗ്രാമം (സഹായം)
സ്കൂൾ പത്രം (സഹായം)
തിരികെ വിദ്യാലയത്തിലേക്ക് (സഹായം)
അക്ഷരവൃക്ഷം (സഹായം)
ഓർമ്മക്കുറിപ്പുകൾ (സഹായം)
എന്റെ വിദ്യാലയം (സഹായം?) ഹൈടെക് വിദ്യാലയം (സഹായം) നാടോടി വിജ്ഞാനകോശം (സഹായം) Say No To Drugs Campaign (സഹായം) ജൂബിലി ആഘോഷം (സഹായം)

ചരിത്രം

വിദ്യ അഭ്യസിക്കാൻ സവർണരായ ആളുകൾക്ക് മാത്രം അവകാശമുണ്ടായിരുന്നകാലത്ത് പാവപ്പെട്ട സാധാരണ മനുഷ്യരെ അക്ഷരം പഠിപ്പിക്കുക എന്ന മഹത്തായ ലക്ഷ്യത്തോടെയാണ്ഇന്നുകാണുന്ന പല പൊതുവിദ്യാലയങ്ങളും സ്ഥാപിക്കപെട്ടത് നമ്മുടെ വിദ്യാലയമായ കടമ്പേരി ഗവ: യു.പി.സ്കൂളിന്റെ പിറവി തന്നെ ദേശീയ പ്രസ്ഥാനത്തിന്റെ ഭാഗമായിട്ടാണ്.1933 മാർച്ച്‌ 22 നാണ് നമ്മുടെ വിദ്യാലയം സ്ഥാപിച്ചത്.മത ന്യൂനപക്ഷങ്ങളായ മുസ്ലിം കുട്ടികളുടെ പഠനം ഒരത്യാവശ്യ ഘടകമായി ഉയർന്നുവരികയും,അതിന്റെ പേരിൽ ഒരു വിദ്യാലയം അംഗീകരിച്ചു വാങ്ങുകയും ചെയ്തു. ബക്കളം കേന്ദ്രമാക്കി "ബക്കളം മാപ്പിള എലിമെന്ററി സ്കൂൾ" എന്നതായിരുന്നു നമ്മുടെ സ്കൂളിന്റെ ആദ്യ നാമം. പി.എൻ. കണ്ണൻ നായർ മാസ്റ്റർ,മൂസാൻകുട്ടി മാസ്റ്റർ എന്നിവരായിരുന്നു ആദ്യകാല മാനേജർമാർ.ശ്രീ.പി. ബാലകൃഷ്ണൻ മാനേജർ സ്ഥാനം ഏറ്റെടുത്തതോടെ സ്കൂൾ ഇന്നുള്ള സ്ഥാനത്തേക്ക് മാറ്റി സ്ഥാപിച്ചു.തളിപറമ്പ് ബ്ലോക്കിന്റെ സഹായത്തോടെയാണ് ഇന്നുള്ള പഴയ കെട്ടിടം പണി കഴിപ്പിച്ചത്.സ്കൂളിന്റെ പണി നടക്കുന്ന സമയത്ത് സ്കൂളിന്റെ പടിഞ്ഞാറ് ഭാഗത്തുള്ള തോട്ടിൻ കരയിലെ പീടികത്തിണ്ണയിലാണ് സ്കൂൾ പ്രവർത്തിച്ചിരുന്നത്. 1957 ജൂലായി മാസം സ്കൂൾ മാനേജ്‌മന്റ്‌ ഡിസ്ട്രിക്റ്റ് ബോർഡിന്റെ കീഴിൽ വന്നു.ഡിസ്ട്രിക്റ്റ് ബോർഡിന്റെ കാലാവധി"ഒക്ടോബർ 31" നു അവസാനിച്ചതോടെ സ്കൂൾ കേരളാ ഗവർമെന്റിന്റെ അധീനതയിലായി. സ്കൂൾ കെട്ടിടവും സ്ഥലവും ഫർണിച്ചറുമെല്ലാം സർക്കാരിലേക്ക് സൗജന്യമായി വിട്ടുകൊടുത്തു. ഗവ: യു.പി.സ്കൂൾ കടമ്പേരി എന്ന പേരിൽ ഗവ:സ്കൂളായി മാറി. പന്ത്രണ്ടു മുസ്ലീം കുട്ടികളായിരുന്നു ആദ്യരജിസ്റെർ പ്രകാരമുള്ള പഠിതാക്കൾ. ബ്രിട്ടീഷ്‌ സാമ്രാജ്യത്വത്തിനെതിരെ സ്വാതന്ത്ര്യ സമരത്തിലടക്കം പങ്കുകൊണ്ടിട്ടുള്ള ശ്രീ.പി.എൻ.കണ്ണൻ നായർ മാസ്റ്റർ ആയിരുന്നു ആദ്യ അദ്യാപകൻ.1990 ലായിരുന്നു ഇന്നു കാണുന്ന രീതിയിലുള്ള രണ്ടുനില കെട്ടിടം പണികഴിപ്പിച്ചത്. ശ്രീ.വിദ്വാൻ ഒ.ടി.കരുണാകരൻ മാസ്റ്റർ,വിദ്വാൻ .യം.കുഞ്ഞിരാമൻ നമ്പ്യാർ,ശ്രീ.നാരായണൻ മാസ്റ്റർ,ശ്രീ.പി.വി.കെ.കടമ്പേരി മാസ്റ്റർ,തുടങ്ങിയ പ്രഗല്ഭരായ അധ്യാപകരും ഒട്ടനവധി പേരുകേട്ട വ്യക്തികളും ഈ സ്കൂളിന്റെ ഭാഗമായി പ്രവർത്തിച്ചിരുന്നു.ശ്രീ.പീലെരി ഒതേനൻ വൈദ്യരുടെ നാമം കൂടി ഈ കൂട്ടത്തിൽ എടുത്തു പറയേണ്ടതാണ്‌. നാടിന്റെ സാമൂഹിക,സാംസ്കാരിക വിദ്യാഭ്യാസ രംഗത്ത്‌ ഒരു തിളങ്ങുന്ന നക്ഷത്രമായി കടമ്പേരി ഗവൺമെന്റ് യു.പി.സ്കൂൾ ഇന്നും തലയുയർത്തി നിൽക്കുന്നു.

ഭൗതികസൗകര്യങ്ങൾ

പ്രൈമറി സ്കൂളുകളിൽ അവശ്യം ഉണ്ടായിരിക്കേണ്ട ഭൌതിക സൌകര്യങ്ങൾ കടമ്പേരി ജി യു പി സ്കൂളിലും ഉണ്ട്.റോഡിനിരുവശവും രണ്ടു പറമ്പുകളിലായാണ് സ്കൂൾ സ്ഥിതിചെയ്യുന്നത്.ഇവയ്ക്കിടയിൽ സ്വകാര്യവ്യക്തിയുടെ പത്തു സെന്റോളം സ്ഥലമുണ്ട്. നാലു ബ്ലോക്കുകളിലായാണ് കെട്ടിടങ്ങൾ പണികഴിപ്പിച്ചിട്ടുള്ളത്.മെയിൻ ബ്ലോക്കിൽ അഞ്ച് ക്ലാസ്സ്‌ മുറികളും ഓഫീസ്റൂം സ്റ്റാഫ്‌റൂം ഇംഗ്ലീഷ് തിയേറ്റർ എന്നിവയും പ്രവർത്തിക്കുന്നു. തൊട്ടടുത്ത ബ്ലോക്കിൽ രണ്ട് നിലകളിലായി ലാബ്‌,ലൈബ്രറി,ഐ.ടി റൂം ഇവയാണ് ഉള്ളത്.പഴയ ബിൽഡിംഗ് ഒരു ഹാൾ ആണ്.ചെറുപരിപാടികൾ നടത്തുന്നതും ഉച്ചഭക്ഷണം വിതരണം ചെയ്യുന്നതും ഇവിടെ വെച്ചാണ്‌.അതിനരികിലുള്ള ബ്ലോക്കിൽ രണ്ട് നിലകളിലായി മൂന്ൻ ക്ലാസ്സ് മുറികൾ ഉണ്ട്..

ജലസമൃദ്ധമായ കിണറും പാചകപ്പുരയും സ്കൂളിന് സ്വന്തമായുണ്ട്.ആൺകുട്ടികൾക്കും പെൺകുട്ടികൾക്കും വെവ്വേറെ മൂത്രപ്പുരകളും ഐ ഇ ഡി വിഭാഗത്തിൽ പെട്ട കുട്ടികൾക്കു ആവശ്യമുള്ള റാമ്പ് ;എൽ പി കുട്ടികൾക്ക് വേണ്ടിയുള്ള ഊഞ്ഞാൽ,സ്ലൈഡർ എന്നിവയും ഒരുക്കിയിട്ടുണ്ട്.പൊതുപരിപാടികൽക്കായുള്ള രണ്ട് ഓപ്പെൻ സ്റ്റേജുകള്ഉം ചുറ്റുമതിലും ഗെയ്റ്റ്ഉം ഭൌതികസൌകര്യങ്ങളിൽ പെടുന്നു.

അടുത്ത അധ്യയനവർഷത്തിൽ കൂടുതൽ സൌകര്യങ്ങൾ ഒരുക്കുന്നതിനുള്ള പ്രവർത്തനങ്ങൾ പി ടി എ ആരംഭിച്ചുകഴിഞ്ഞു.സ്കൂൾവാഹനം ,ഒരു ഹൈടെക് ക്ലാസ്സ്‌മുറി എന്നിവ ജൂൺ മാസത്തിൽ തന്നെ പ്രവർത്തിച്ചു തുടങ്ങുമെന്ന് പ്രതീക്ഷിക്കുന്നു.തുടർന്ന് സ്കൂൾ മൊത്തം ഹൈടെക് ആക്കുകയാണ് ലക്ഷ്യം.

പാഠ്യേതര പ്രവർത്തനങ്ങൾ

പഠനപ്രവർത്തനങ്ങളോടൊപ്പം തന്നെ ഇതര പ്രവർത്തനങ്ങൾ നടത്തുന്നതിലും സ്കൂൾ വളരെയധികം ശ്രദ്ധിക്കാറുണ്ട്. സ്കൂൾതല മേളകൾ നടത്തി മികച്ച കുട്ടികളെ കണ്ടെത്തി ആവിശ്യമായ പരിശീലനം നൽകി സബ്ജില്ലതല മൽസരങ്ങളിൽ പങ്കെടുപ്പിക്കുന്നു. ജില്ലാതലമത്സരങ്ങളിലടക്കം വിജയം കൈവരിക്കാൻ കുട്ടികൾക്ക് കഴിയ്യുന്നുണ്ട്.

മറ്റ് പ്രവർത്തനങ്ങൾ

-പഞ്ചഭാഷ അസംബ്ലി -ദിനാചരണങ്ങൾ -ക്വിസ്സ് -ലൈബ്രറി പുസ്തകങ്ങളുടെ വിതരണം -സ്കൂൾ പത്രം -സ്കൂൾ ആകാശവാണി -പഠനയാത്രകൾ -വിദഗ്ദ്ധരുടെ ക്ലാസ്സുകൾ -പച്ചക്കറിക്കൃഷി -ക്ലബ്ബുകളുടെ പ്രവർത്തനങ്ങൾ -ഹെൽപ്‌ ഡസ്ക് -പിറന്നാൾ ആഘോഷങ്ങൾ (പിറന്നാൾ പായസം/പിറന്നാൾ പുസ്തകം/പിറന്നാൾ ചെടി ) -കൌൺസിലിംഗ് ക്ലാസ്സുകൾ (കുട്ടികൾക്കും രക്ഷിതാക്കൾക്കും) -ഗ്രീൻ കടമ്പേരി ക്ലീൻ കടമ്പേരി (പ്ലാസ്റ്റിക്‌ സമാഹരണം ) -വിഷയടിസ്ഥാന ഫെസ്റ്റുകൾ -സഹവാസ ക്യാമ്പ്‌ -മാസിക നിർമ്മാണം -എൽ എസ് എസ്,യു എസ്‌ എസ് ട്രെയിനിംഗ് -പിന്നോക്കക്കാർക്കുള്ള പരിശീലനങ്ങൾ -സ്കൂൾ വാർഷികാഘോഷം

• നേർക്കാഴ്‌ച
• നേർക്കാഴ്‌ച2

മാനേജ്‌മെന്റ്

ഗവൺമെന്റ്

മുൻസാരഥികൾ

-പി പി ലക്ഷ്മണൻ നമ്പ്യാർ -ടി വി രാമൻ -പി പി ബാലൻ -എം ഗോപാലൻ നമ്പ്യാർ -ഒ കെ സുമിത്ര -ശ്രീധരൻ എം (2003-2005) -എം കെ കരുണാകരൻ (2005-2006) -എം ബാലകൃഷ്ണൻ (2006-2007) -കെ വിജയകുമാർ (2007-2008) -പി പി ഹേമലത (2008-2010) -ടി വി ശൈലജ (2010-2013) -കെ സി ഗിരിജ (2013-2015) -എം കെ മുസ്തഫ (2015-

-

പ്രശസ്തരായ പൂർവവിദ്യാർത്ഥികൾ

-കെ വി ലീല ടീച്ചർ (എ ഇ ഒ തളിപ്പറമ്പ് സൗത്ത്‌ സബ്ജില്) -കെ ഷാജു (ആന്തൂർ നഗരസഭ വൈസ്‌ ചെയർമാൻ) -വിജയൻ കടമ്പേരി (ആർടിസ്റ്റ്) -സുരേന്ദ്രൻ കടമ്പേരി (ഒറിഗാമി) -നിസാർ കടമ്പേരി (മലയാളി മജീഷ്യൻ അസോസിയേഷൻ സംസ്ഥാന ജനറൽ സെക്രട്ടറി)

വഴികാട്ടി

{{#multimaps: 12.004157,75.384364 | width=800px | zoom=16 }} വിദ്യാലയം കണ്ണൂർ-കാസർഗോഡ്‌ NH-ൽ ധർമ്മശാലയിൽനിന്ന്‌ 3-km അകലെ സ്ഥിതിചെയ്യുന്നു.

വഴികാട്ടി

{{#multimaps:12.004220-75.384386

| width=800px | zoom=16 }}