"എച്ച്.എസ്സ്.കരുവാമല/അക്ഷരവൃക്ഷം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

<p>ചന്തുവിൻ്റെ വീട്ടിൽ ഒരു തത്തയുണ്ട് അവൻ്റെ അച്ഛൻ വാങ്ങിക്കൊണ്ടു വന്നതാണതിനെ.പക്ഷേ തത്തയെ കൂട്ടിലടച്ചിട്ടിരിക്കുന്നതിൽ ചന്തുവിന് വലിയ വിഷമം ഉണ്ടായിരുന്നു അതിനെ തുറന്നു വിടാൻ പല തവണ പറഞ്ഞതാണ്.എന്നാൽ അച്ഛൻ സമ്മതിച്ചില്ല.</p><p>അങ്ങനെയിരിക്കെ നാട്ടിൽ കൊറോണ രോഗം പടർന്നു.ഒരു രോഗിയുടെ സമ്പർക്കപ്പട്ടികയിൽ അച്ഛൻ്റെ പേരും ഉൾപ്പെട്ടു.ആരോഗ്യ പ്രവർത്തകർ അച്ഛനെ വീട്ടിൽ നിരീക്ഷണത്തിലാക്കി.ഒരു മുറിയിൽത്തന്നെയിരുന്ന് അച്ഛൻ സമയം ചെലവഴിച്ചു.</p><p>രണ്ടു ദിവസം കഴിഞ്ഞപ്പോൾ അച്ഛൻ ചന്തുവിനെ വിളിച്ചു പറഞ്ഞു "മോനേ ആ തത്തക്കിളിയെ തുറന്നു വിട്ടേക്ക്"."എന്തു പറ്റി അച്ഛാ"ചന്തു സംശയത്തോടെ ചോദിച്ച."അത് പുറത്തു പോയി പറന്നുല്ലസിക്കട്ടെ"</p><p>ചന്തുവിന് കാര്യം മനസ്സിലായി.വലിയ സന്തോഷവും തോന്നി ഉടൻ തന്നെ അവൻ തത്തയെ തുറന്നു വിട്ടു.മോചനം കിട്ടിയ തത്ത അകലങ്ങളിലേക്ക് പറന്നു പോയി.വലിയ ആഹ്ലാദത്തോടെ ചന്തു ആ കാഴ്ച നോക്കി നിന്നു</p>