നിർമ്മല ഭവൻ ഗേൾസ് എച്ച്. എസ്. എസ്/അക്ഷരവൃക്ഷം/പരിസ്ഥിതി

പരിസ്ഥിതി വായുവോ ധാരയോ പൂഴിയോയെന്നില്ലാ തങ്ങുനാശം വിതയ്ക്കുന്നു മാനുഷർ .  പുഴയോ നദിയോയങ്ങുകൺമറയത്തായ്  അവിടങ്ങുമിതാ കൂറ്റൻ കെട്ടിടങ്ങൾ. കിളികൾതൻ കളകളാരവങ്ങൾ നിലച്ചിരിപ്പൂ കാടും ചെടിയും മാനുഷ കെെകളാ‍ൽ  ചെത്തിയപ്പോൾ ഇല്ലാതായിരിപ്പൂ അവർ; പ്രകൃതി തൻ രമണീയ നാദങ്ങൾ. എങ്ങോപോയ് മറഞ്ഞിരിപ്പൂ മനുഷ്യത്വം കഴുകനെ പോലവൻ ധനത്തിനുപിന്നാലെ ചീറിപ്പായുന്നു ചുറ്റുമൊന്നും കാണാതെ  ഈ ലോകമിതെത്ര കാണണം? ഗോളമീ പ്രകൃതിയേ‍ൽക്കുന്ന പ്രഹരം  നമുക്കുതൻ വിപത്തെന്നോർക്കുക പടുത്തുയർത്തുക നമ്മുടെ പരിസ്ഥിതിയെ വീണ്ടെടുക്കുകയാസൗന്ദര്യമാധുരിയെ. പ്രകൃതിതൻ അമ്മയാണു മാലോകരേ , അമ്മയെ കാക്കുക തൻ ദൗത്യവും . കെെ കോ‍ർത്തിടാമീ ഭൂമിയെ കാത്തിടാൻ  ശബ്ദമുയർത്തിടാമീ ഭൂമിയെ വീണ്ടെടുക്കാൻ.  കാടും കാട്ടരുവികളും പുന:സൃഷ്ടിക്കാം  വാടിയ ചെറുജീവനുകളെ തൊട്ടുണർത്താം അല്ലെങ്കിലൊരു സമഗ്ര വിനാശത്തിനു നാം തന്നെ കാരണമാകുമെന്നോ‌‍ർക്കു   ആൻസി എച്ച് വർഗ്ഗീസ് XII A നിർമല ഭവൻ ഹയർ സെക്കന്ററി സ്കൂൾ തിരുവനന്തപുരം നോർത്ത് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Sreejaashok25 തീയ്യതി: 20/ 04/ 2020 >> രചനാവിഭാഗം - കവിത