ജി.എൽ.പി.എസ്. തെയ്യങ്ങാട്/അക്ഷരവൃക്ഷം/ഞാൻ കൊറോണ

ഞാൻ കൊറോണ ഞാൻ വൈറസ് വംശത്തിൽപ്പെട്ട ഒരു ജീവിയാണ്. ഞങ്ങളുടെ പേരാണ് നോവൽ കൊറോണ വൈറസ് 2019. എന്റെ വംശത്തിൽ ഞാൻ പുതിയതാണ്. ഞാൻ ജനിച്ചത് ചൈനയിലെ വുഹാനിലാണ്. എന്റെ ഓമനപ്പേര് കോവിഡ് 19 എന്നാണ്. ചിലർ എന്നെ കൊറോണ വൈറസ് എന്നും വിളിക്കും. ആദ്യമൊക്കെ ചൈനക്കാർ എന്നെ നിസ്സാരമായി തള്ളി. പക്ഷേ, പിന്നെപ്പിന്നെ ഞാൻ എന്റെ തനിസ്വഭാവം പുറത്തു കാണിച്ചു. ചിലർക്ക് പനിയുണ്ടാക്കി, ശ്വസതടസ്സമുണ്ടാക്കി, ഹൃദയാഘാതമുണ്ടാക്കി, മറ്റു ചിലരെ കൊല്ലാൻ വരെ എനിക്ക് കഴിഞ്ഞു. ആദ്യമൊക്കെ മനുഷ്യരെ കൊല്ലുമ്പോൾ എനിക്ക് സങ്കടമൊക്കെ തോന്നിയിരുന്നു.പിന്നെപ്പിന്നെ മനുഷ്യരെ കൊല്ലുന്നത് ഒരു ഹരമായി മാറി. അങ്ങനെ ഞാൻ മറ്റു രാജ്യങ്ങളിലേക്ക് പടർന്നു പന്തലിച്ചു.ഇറാനിലും ഇറ്റലിയിലും ഇന്ത്യയിലും അമേരിക്കയിലും സ്പെയിനിലും ഞാൻ ആക്രമണം നടത്തി. അങ്ങനെ ഞാൻ വൈറസുകളുടെ രാജാവായി മാറി. ലോകത്തിൽ ഇപ്പോൾ ഞാൻ കാരണം ലക്ഷക്കണക്കിന് ആളുകൾ മരിച്ചു കൊണ്ടിരിക്കുന്നു. ചില സ്ഥലങ്ങളിൽ ഞങ്ങളെ തുരത്തി ഓടിക്കാൻ ശ്രമിക്കുന്നുണ്ട്. അതിൽ ഒരു സ്ഥലമാണ് ഇന്ത്യയിലെ ഒരു സംസ്ഥാനമായ കേരളം .ഞങ്ങളുടെ നേതാവ് പറഞ്ഞിട്ടുണ്ട്; ഇനി വെറുതെ കേരളത്തിൽ പോയി ജീവൻ കളയണ്ട എന്ന്. കേരളത്തിലെ സർക്കാരും പോലീസും ആരോഗ്യ വകുപ്പും ഞങ്ങൾക്കെതിരെ ഒരു വലിയ ഗൂഢാലോചന തന്നെ നടത്തി. പലയിടങ്ങളിലും ഞാനുണ്ടാക്കിയ ചങ്ങല അവർ പൊട്ടിച്ചെറിഞ്ഞു.അങ്ങനെ കേരളത്തിലെ സർക്കാരും പോലീസും ആരോഗ്യ വകുപ്പും കൂടി ഞങ്ങൾക്കെതിരെ വലവിരിച്ചു കഴിഞ്ഞിരിക്കുന്നു. ഞങ്ങൾക്കുറപ്പായി; ഞങ്ങൾ വാണു കൊണ്ടിരിക്കുന്ന ഈ നാട്ടിൽ നിന്നും ഇവർ ഞങ്ങളെ തുരത്തിയോടിക്കും!! പക്ഷേഒരു നാൾ ഒരുനാൾ ഞങ്ങൾ തിരിച്ചു വരും, ഇതിനെക്കൾ ശക്തിയോടെ ....... ഇഷാൻ നിഷാന്ത് 4 എ ജി എൽ പി എസ് തെയ്യങ്ങാട് പൊന്നാനി ഉപജില്ല മലപ്പുറം അക്ഷരവൃക്ഷം പദ്ധതി, 2020 ലേഖനം