വി.പി.യു.പി.എസ് കാലടി/അക്ഷരവൃക്ഷം

• 

  കുറിപ്പ്1

• 

  കുറിപ്പ്2

കാലടി വിദ്യാപീഠം യു. പി. സ്കൂളിന്റെ അക്ഷരവൃക്ഷം താളിലേയ്ക്ക് സ്വാഗതം. കുട്ടികളുടെ അവധിക്കാല സർഗ്ഗാത്മക രചനകൾ ഇവിടെ വായിക്കാം.

കഥ

ഒരു കല്ലിന്റെ കഥ

ലേഖനം

പരിസ്ഥിതി

പലതരത്തിലുള്ള പരിസ്ഥിതി പ്രശ്നങ്ങളാണ് നാം ഇന്ന് നേരിടുന്നത്. ശബ്ദമലിനീകരണം, ജലമലിനീകരണം, പ്രകൃതി മലിനീകരണം, അന്തരീക്ഷ മലിനീകരണം എന്നിവയാണ്. വർധിച്ചുവരുന്ന വാഹനപ്പെരുപ്പം അന്തരീക്ഷത്തിൽ പുക സൃഷ്ടിക്കുകയും ശബ്ദമലിനീകരണം നടത്തുകയും ചെയ്യുന്നു. നമ്മുടെനാട് ഇന്ന് മാലിന്യം കൊണ്ട് നിറഞ്ഞിരിക്കുന്നു. പൊതുസ്ഥലങ്ങളിലും, പുഴകളിലും, റോഡ് വക്കിലും എല്ലാം മാലിന്യങ്ങൾകൊണ്ട് മൂടിയിരിക്കുന്നു. വലിയ വ്യവസായ കമ്പനികളിൽ നിന്നും പുകയും മറ്റു മാലിന്യങ്ങളും പുറംതള്ളുമ്പോൾ വായുവും, ഇവിടുത്തെ ജലാശയങ്ങളും മലിനമാക്കപ്പെടുന്നു. മനുഷ്യരുടെ അമിതമായ രാസവളപ്രയോഗങ്ങളും, കീടനാശിനിപ്രയോഗവും നമ്മുടെ പരിസ്ഥിതിക്ക് വളരെയധികം കേടുപാടുകൾ സംഭവിക്കുന്നു. കൂടാതെ പ്ലാസ്റ്റിക് മാലിന്യങ്ങൾ വലിച്ചെറിയുകയും, കത്തിക്കുകയും ചെയ്യുന്നതുകൊണ്ട് മണ്ണിന്റെ ഘടനയെ തന്നെ മാറ്റിമറിക്കുകയും, പരിസ്ഥിതി പ്രശ്നങ്ങൾ ഉണ്ടാക്കുകയും ചെയ്യുന്നു. ഇന്ന് അന്തരീക്ഷത്തിൽ ചൂടു വർദ്ധിക്കുന്നതിനുള്ള കാരണം മരങ്ങൾ വെട്ടി നശിപ്പിക്കുന്നത് കൊണ്ടാണ്. ഇത് ഒഴിവാക്കണമെങ്കിൽ നാം പൊതു സ്ഥലങ്ങളിലും, വീട്ടുവളപ്പിലും ധാരാളം മരങ്ങൾ വച്ചുപിടിപ്പിക്കുക തന്നെ ചെയ്യണം. പുഴകളിൽ നിന്നും അമിതമായ മണലെടുപ്പിനെതിരെ ശക്തമായ പ്രതിരോധ നിര തന്നെ തീർക്കണം. ഇന്ന് പുഴകളും, കുന്നുകളും, വയലുകളും എല്ലാം മണ്ണുമാന്തി യന്ത്രങ്ങൾ തട്ടിനിരപ്പാക്കിക്കൊ ണ്ടിരിക്കുന്നു. മലിനീകരണം മൂലം നമുക്ക് രോഗങ്ങൾ ഉണ്ടാകുന്നു. വായുമലിനീകരണം മൂലം ശ്വാസകോശ രോഗങ്ങളും, കാൻസർ പോലുള്ള മാരക രോഗങ്ങളും പിടിപെടുന്നു. മണ്ണെടുപ്പും, മരങ്ങളുടെ നശീകരണവും കൊണ്ട് പ്രകൃതിദുരന്തങ്ങൾ വരെ ഉണ്ടാകുന്നു. പരിസ്ഥിതിയെ നാം എത്രത്തോളം നശിപ്പിക്കുന്നുവോ അത്രത്തോളം നമുക്ക് അതിന്റെ ദോഷങ്ങൾ വന്നുചേരും. അതിനാൽ നാമോരോരുത്തരും പരിസ്ഥിതിയെ സംരക്ഷിക്കുമെന്ന് ദൃഢപ്രതിജ്ഞ ചെയ്യുക.

പ്രണമി. കെ. ർ 5A വി. പി. യു. പി. സ്കൂൾ, കാലടി.

പ്രതിരോധം പ്രതിവിധി "

ലോകത്താകമാനം കൊറോണ പടർന്നു പിടിച്ചിരിക്കുകയാണ്. ലക്ഷകണക്കിന് ആളുകൾ മരിച്ചു വീഴുന്നു. ചൈനയിലാണ് കൊറോണ ആദ്യമായി പടർന്നുപിടിച്ചത്. ഇപ്പോൾ ഒട്ടുമിക്ക രാജ്യങ്ങളും കൊറോണയുടെ പിടിയിലാണ്. കൊറോണ അല്ലെങ്കിൽ കോവിഡ് 19 എന്ന ഈ മഹാമാരിയെ തുരത്താൻ ഏറ്റവും നല്ല പ്രതിവിധി പ്രതിരോധമാണ്. പ്രതിരോധമാണ് പ്രതിവിധിയേക്കാൾ അഭികാമ്യം എന്നതാണ് ഇപ്പോൾ നമ്മുടെ കൊച്ചു കേരളത്തിൽ നടപ്പിലാക്കി വിജയിച്ചുകൊണ്ടിരിക്കുന്നത്. വീട്ടിലിരിക്കൂ.... സുരക്ഷിതരാകൂ.... എന്നത് തന്നെയാണ് നല്ലത് എന്ന് നമ്മുടെ കേരളം തെളിയിച്ചുകൊണ്ടിരിക്കുന്നു.ഇതിനും പുറമെയുള്ള പ്രതിരോധമാർഗങ്ങൾ നമുക്ക് നോക്കാം. നമ്മുടെ രണ്ടു കൈകളും സോപ്പിട്ടു ഇരുപതു മിനുട്ട് കൂടുമ്പോൾ കഴുകണം, തുമ്മുമ്പോഴും ചുമക്കുമ്പോഴും തൂവാല ഉപയോഗിക്കാം, അത്യാവശ്യങ്ങൾക്കായി പുറത്തിറങ്ങുമ്പോൾ മാസ്ക് ഉപയോഗിക്കുക, കൂട്ടം കൂടി നിൽക്കാതിരിക്കുക, ഓരോരുത്തരും ഒരുമീറ്റർ അകലത്തിൽ നിൽക്കുക. ഈ മഹാമാരികാലത്ത്‌ ഇതൊക്കെ നമുക്ക് ചെയ്ത് ശീലിക്കാം.പിന്നീടും ഈ ജീവിതചര്യകൾ നമ്മുടെ ഓർ മയിലുണ്ടാകേണ്ടതുണ്ട്. കൂട്ടംകൂടാതെയും സമ്പർക്കമില്ലാതെയും അകലം പാലിച്ചും കോവിഡ് 19 എന്ന ഈ മഹാമാരിയെ പിടിച്ചുകെട്ടാം എന്ന പ്രതീക്ഷയോടെ നമുക്ക് മുന്നേറാം....

റിയ. എ 5A വി. പി. യു. പി. സ്കൂൾ, കാലടി.