ഗവ. എൽ. പി. എസ്സ്. വെട്ടിയറ/അക്ഷരവൃക്ഷം/ആരോഗ്യം നമ്മുടെ സമ്പത്ത്

ആരോഗ്യം നമ്മുടെ സമ്പത്ത് ഒരു നാട്ടിൽ അച്ഛനും അമ്മയും മകളും അടങ്ങുന്ന ഒരു ധനികകുടുംബം താമസിച്ചിരുന്നു. എപ്പോഴും യാത്രകളും പുറത്തുനിന്നുള്ള ഭക്ഷണവുമായിരുന്നു അവർ ശീലമാക്കിയിരുന്നത്. അത് തങ്ങളുടെ ആരോഗ്യത്തിന് ദോഷകരമാണെന്ന് പലരും അവരോട് പറഞ്ഞു. പക്ഷേ അവർ അത് വകവച്ചില്ല. അങ്ങനെയിരിക്കെ ഒരു ദിവസം അവരുടെ മകളെ അസുഖം ബാധിച്ച് ആശുപത്രിയിൽ കൊണ്ട് പോയി. ആ കുഞ്ഞിന്റെ വൃക്കതകരാറിലാണെന്ന് ഡോക്ടർ മാതാപിതാക്കളെ അറിയിച്ചു. പുറത്തുനിന്നുള്ള ഭക്ഷണവും അതിലെ രാസപദാർത്ഥങ്ങളും ആണ് ഈ കുഞ്ഞിനെ ഈ അവസ്ഥയിൽ എത്തിച്ചതെന്ന് ഡോക്ടർ പറഞ്ഞു. അവർക്ക് അവരുടെ തെറ്റ് മനസിലായി. വീട്ടിൽ പാകം ചെയ്ത ഭക്ഷണം ആ കുഞ്ഞിന് നൽകിയിരുന്നെങ്കിൽ ഇപ്പോൾ ഇങ്ങനെ സംഭവിക്കുമായിരുന്നില്ല. അസുഖം മാറി വീട്ടിൽ വന്ന് മകളോട് അച്ഛനും അമ്മയും പറഞ്ഞു. ഇനി മുതൽ നമുക്ക് വീട്ടിൽ ഒരു അടുക്കളത്തോട്ടം നിർമ്മിക്കാം. അതിൽ നിന്ന് ലഭിക്കുന്ന പച്ചക്കറികൾ ആഹാരത്തിൽ ഉൾപ്പെടുത്താം. അങ്ങനെ നമ്മുടെ ആരോഗ്യം നമ്മുക്ക് സംരക്ഷിക്കാം. ആരോഗ്യമാണ് നമ്മുടെ സമ്പത്ത് എന്ന് അവർക്ക് മനസ്സിലായി. രാഖുൽ കൃഷ്ണ യു 1 A ഗവ.എൽ പി എസ്‌ വെട്ടിയറ കിളിമാനൂർ ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - sheebasunilraj തീയ്യതി: 18/ 04/ 2020 >> രചനാവിഭാഗം - കവിത