"വൃന്ദാവൻ എച്ച്.എസ്. വ്ളാത്താങ്കര" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വൃന്ദാവൻ ഹൈസ്കൂളിൽ വായനാ വാര പ്രവർത്തനങ്ങൾക്ക് തിരശ്ശീല വീണു.പി.എൻ .പണിക്കരുടെ ചരമദിനത്തിൽ ആരംഭിച്ച ഒരാഴ്ച നീണ്ടു നിന്ന വായനാ വാര പ്രവർത്തനങ്ങൾക്ക് വൃന്ദാവൻ ഹൈസ്കൂളിൽ തിരശ്ശീല വീണു .വായനാ വാരത്തോടനുബന്ധിച്ച് *എനിക്ക് ഒരു ജോലി* എന്ന പേരിൽ സ്കൂൾ വിദ്യാർത്ഥികളിൽ പി.എസ് .സി ,മത്സര പരീക്ഷകളിലേക്കായുള്ള തയ്യാറെടുപ്പിന്റെ ഉത്ഘാടനം പ്രശസ്ത മാധ്യമ പ്രവർത്തകൻ ശ്രീ .ഗിരീഷ് പരുത്തി മഠം ഉത്ഘാടനം ചെയ്തു .വിദ്യാർത്ഥികൾക്കായി കഥ ,കവിത ,ലേഖനം ,യാത്രക്കുറിപ്പ് ,പത്രവാർത്ത തയ്യാറാക്കൽ ,എന്നീ വിഷയങ്ങളിൽ വിവിധ ശില്പശാലകൾ നടന്നു .യാത്രക്കുറിപ്പ് തയ്യാറാക്കുന്നതിനെക്കുറിച്ചും പ്രകൃതിയെ അറിയേണ്ടതിനെക്കുറിച്ചും ചെങ്കൽ വലിയകുളത്ത് വച്ച് നടന്ന ശില്പശാല ശ്രീ .സനൽ കുളത്തിങ്കൽ ഉത്ഘാടനം ചെയ്തു .വിവിധ ശില്പശാലകളിൽ നിന്ന് രൂപം കൊണ്ട പതിപ്പുകളുടെ പ്രകാശനം സ്കൂൾ അങ്കണത്തിൽ വച്ച് നടക്കുകയുണ്ടായി .വിവിധ രചനാ മത്സരങ്ങളിൽ വിജയികളായവർക്ക് പാറശ്ശാല സഞ്ചു ആശുപത്രി മാനേജിംഗ് ഡയറക്ടർ ശ്രീ .എ .ബി സുമിത്രൻ സമ്മാനങ്ങൾ വിതരണം ചെയ്തു.സ്കൂൾ തല വായനാ വാര പ്രവർത്തനങ്ങൾക്ക് ഹെഡ്മിസ്ട്രസ് ശ്രീമതി.ഗീതാ രാeജന്ദ്രൻ ,അദ്ധ്യാപകരായ ശ്രീ .ആർ .എം അനിൽകുമാർ ,ശ്രീ .ഗംഗാധരൻ കെ.പി ,ശ്രീമതി .മിനി കെ.എസ് ,ശ്രീമതി പ്രീയ എസ് മണി എന്നിവർ നേതൃത്വം നൽകി .

   സയൻസ് ക്ളബിലെ അംഗങ്ങൾക്കായി വിവിധ ദിനാചരണങ്ങളുമായി ബന്ധപ്പെട്ട് ക്വിസ് മത്സരം,സെമിനാർ എന്നിവ സംഘടിപ്പിച്ചു.ഓസോൺ ദിനം ആചരിച്ചു.

വ്ലാത്താങ്കര വൃന്ദാവൻ ഹൈസ്ക്കൂൾ വിദ്യാർത്ഥിയായ അഭിൻ സഹോദരനായ അലിൻ എന്നീ വിദ്യാർത്ഥികളുടെ കരൾ മാറ്റി വയ്ക്കൽ ശസ്ത്രക്രിയയ്ക്കായി വൃന്ദാവൻ ഹൈസ്കൂൾ വിദ്യാർത്ഥികൾ സമാഹരിച്ച ഒരു ലക്ഷത്തി മുപ്പത്തി മൂന്നായിരം (133000 ) രൂപ സ്കൂൾ അസംബ്ലിയിൽ വച്ച് അ ഭിന്റെ കുടുംബത്തിനു കൈമാറി. ചടങ്ങിൽ നഗരസഭാ ചെയർപേഴ്സൺ WR ഹീ ബ, ജില്ലാ പഞ്ചായത്തു മെമ്പർ ബെൻ ഡാർവിൻ,സനൽ കുളത്തിങ്കൽ,പി.ടി.എ പ്രസിഡന്റ്ഷാജി , ഹെഡ്മിസ്ട്രസ് ഗീതാ രാജേന്ദ്രൻ,അനിൽകുമാർതുടങ്ങിയവർ സംസാരിച്ചു.അമ്പതിനായിരം ( 50,000 ) രൂപ നേരത്തേ വിദ്യാർത്ഥികൾ സമാഹരിച്ചു നൽകിയിരുന്നു.

*ഗണിതം മധുരം*

ഗണിതം ലളിതവും ആസ്വാദ്യകരവുമാക്കുവാൻ വിവിധ ഗണിത ഉപകരണങ്ങൾ കൊണ്ട് വൈവിധ്യമായ ഒരുഗണിത ലാബ് വൃന്ദാവൻ ഹൈസ്കൂളിൽ ഒരുങ്ങുകയാണ്.നെയ്യാറ്റിൻകര ബി.ആർ സി. യുടെ സഹകരണത്തോടെ വൃന്ദാവൻ ഹൈസ്കൂളിലെ ഗണിത അധ്യാപകരും രക്ഷാകർത്താക്കളും കുട്ടികൾക്ക് ഗണിതം ആസ്വാദ്യകരവും ലളിതവുമായി തീരുന്നതിന് ഉപകരിക്കുന്ന  വിവിധ ഗണിത രൂപങ്ങൾ തയ്യാറാക്കി, വൃന്ദാവൻ ഹൈസ്കൂളിലെ ഗണിത ലാബിനു വേണ്ടി ഹെഡ്മിസ്ട്രസ് ഗീതാ രാജേന്ദ്രന് കൈമാറി.

  കൃഷിവകുപ്പിന്റെ സഹായത്തോടെ വിത്തുകളും തൈകളും വിതരണം ചെയ്തു ജൈവകൃഷിക്ക്ഊന്നൽ നൽികികൊണ്ട് സ്കൂൾ ‍ചുറ്റുവളപ്പിൽ ജൈവപച്ചക്കറി കൃഷിത്തോട്ടം ഉണ്ട്. വാഴ, ചീര , വെണ്ട, പയർ ,തക്കാളി  എന്നിവ കൃഷിചെയ്യുന്നു.  

   വിദ്യാരംഗത്തിന്റെ ആഭിമുഖ്യത്തിൽ ജൂൺ 19 മുതൽ ഒരാഴ്ച വായനാവാരം ആഘോഷിച്ചു.