"ജി യു പി എസ് ആര്യാട് നോർത്ത്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

                 മണ്ണഞ്ചേരി ഗ്രാമപഞ്ചായത്തിൽ കായലോര മേഖലയിൽ സ്ഥിതി ചെയ്യുന്ന അതിപുരാതനമായ വിദ്യാലയമാണ് ആര്യാട് നോർത്ത് യു.പി. സ്കൂൾ. 1915 - ൽ ആണ് ഈ വിദ്യാലയം സ്ഥാപിക്കപ്പെട്ടത്. ജാതിവ്യവസ്ഥകൾ നിലനിന്നിരുന്ന കാലത്ത് സാമ്പത്തികമായും ജാതിപരവുമായി പിന്നോക്കം നിൽക്കുന്ന ആളുകളുടെ കുട്ടികൾക്ക് വിദ്യാഭ്യാസം ലഭിക്കുന്നതിനുവേണ്ടി കായിച്ചിറയിൽ ശ്രീ. കുഞ്ചനാശാൻ ഒന്നര ഏക്കർ ഭൂമി സർക്കാരിനു സംഭാവന ചെയ്തു. ശിലാസ്ഥാപനകർമ്മം നിർവ്വഹിച്ചത് ശ്രീനാരായണഗുരു സ്വാമിയാണ്. ആദ്യത്തെ ഹെഡ് മാസ്റ്റർ എട്ടുകണ്ടത്തിൽ വേലായുധൻ ആയിരുന്നു. തുടക്കത്തിൽ ഓലമേഞ്ഞ ഒരു കെട്ടിടത്തിൽ നിലത്തെഴുത്ത് തുടങ്ങി. പിന്നീട് ഒന്നാം ക്ലാസ് മുതൽ മൂന്നാം ക്ലാസ് വരെയായി അതിനുശേഷം നാലും, അഞ്ചും സ്കൂളുകൾ കൂട്ടിച്ചേർത്ത് എൽ.പി സ്കൂൾ ആക്കി. 1957 - ൽ യു.പി സ്കൂളായി ഉയർത്തി. ശ്രീ. ഐപ്പ് പുലിക്കാട്ടിൽ, കൊച്ചുനാരായണൻ, സുകമാരൻ സാർ എന്നിവർ ഈ സ്കൂളിലെ ആദ്യവിദ്യാർത്ഥികൾ ആയിരുന്നു. നീലകണ്ഠപ്പിള്ള, പത്മനാഭൻ, കിട്ടൻ തണ്ടാർ എന്നിവർ ഈ സ്കൂളിൻറെ ഉയർച്ചയ്ക്ക് വേണ്ടി പ്രയത്നിച്ച മാന്യവ്യക്തികളാണ്. പിന്നീട് ഓരോ വർഷങ്ങളിലും സർക്കാരിൻറേയും, ഹെഡ്മാസ്റ്റുടേയും, അധ്യാപകരുടേയും, നാട്ടുകാരുടേയും മറ്റും ശ്രമഫലമാിയി സ്കൂൾ പുരോഗതി പ്രാപിച്ചുകൊണ്ടിരുന്നു. ഈ കാലയളവിൽ എൽ.പി, യു.പി ക്ലാസുകളിലായി മൂന്ന് ഡിവിഷനോളം ഉണ്ടായിരുന്നു.