"ജി.വി.എച്ച്.എസ്സ്.എസ്സ്. മേപ്പയൂർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

   കോഴിക്കോട് ജില്ലയിലെ മേപ്പയ്യൂര്‍ ഗ്രാമപഞ്ചായത്തില്‍ മേപ്പയ്യൂര്‍ ടൗണില്‍ നിന്നും  500 മീ. കിഴക്കോട്ട് മാറിയാണ് മേപ്പയ്യൂര്‍ ഗവ: വൊക്കേഷണല്‍  ഹയര്‍ സെക്ക​ണ്ടറി സ്കൂള്‍ സ്ഥിതി ചെയ്യുന്നത്. ഇന്ന് മേപ്പയ്യൂര്‍ എ​ന്നറിയപ്പെടുന്ന പ്രദേശം  മുന്‍പ് വെങ്കപ്പാറപ്പൊയില്‍ എന്നാണ് അറിയപ്പെട്ടിരുന്നത് സാമൂഹിക സാമ്പത്തിക വിദ്യാഭ്യാസ രംഗങ്ങളില്‍‌ ഏറെ പിന്നിലായിരുന്ന ഈ പ്രദേശത്തെ ഒരു കൂട്ടം ചെറുുപ്പക്കാരുടെ കൂട്ടായ്മയുടെ ശ്രമ ഫലമായാണ് 1957 ല്‍ സ്കൂള്‍ ഇന്ന് നില നില്‍ക്കുന്ന കൂളിക്കുന്നില്‍ പ്രവര്‍ത്തനമാരംഭിച്ചത്. 1957 മെയ് 18 ന് രൂപീകരിക്കപ്പെട്ട സ്കൂള്‍ നിര്‍മ്മാണക്കമ്മറ്റിയില്‍ 55 പേരാണ് ഉണ്ടായിരുന്നത് കമ്മറ്റിയുടെ നേതൃത്വത്തില്‍  ശ്രീ  ഇ സി കുഞ്ഞിരാമന്‍ നമ്പ്യാര്‍ (പ്രസിഡണ്ട്) ശ്രീ എ കുഞ്ഞിപ്പക്കി (വൈ. പ്രസിഡണ്ട്) ശ്രീ ഇ എം കുഞ്ഞിക്കണ്ണന്‍ നമ്പ്യാര്‍ (ജനറല്‍ സെക്രട്ടറി )ശ്രീ എളമ്പിലാശ്ശേരി  പി  കെ കൃഷ്ണന്‍ നായര്‍ (സെക്രട്ടറി ) ശ്രീ പി കുഞ്ഞിക്കണ്ണന്‍ (ഖജാന്‍ജി) എന്നിവരാണ് ഉണ്ടായിരുന്നത്. മലബാര്‍ ഡിസ്ടിക് ബോര്‍ഡ് പ്രസിഡണ്ട് , ശ്രീ പി ടി ഭാസ്കര പണിക്കര്‍  ഉദ്ഘാടനം ചെയ്ത ഓല മേഞ്ഞകെട്ടിടത്തിലാണ് വിദ്യാലയം പ്രവര്‍ത്തനമാരംഭിച്ചത്.  യശ:ശരീരനായ മുന്‍ എം എല്‍ എ ശ്രീ പി. കെ നാരായണന്‍ നമ്പ്യാരുടെ സജീവമായ ഇടപെടലിന്റെ കൂടി ഫലമായി 1957ലെ ഇ എം എസ് മന്ത്രിസഭയുടെ  കാലത്ത്  സ്കൂളിന്ഒരു സ്ഥിരം കെട്ടിടം എന്ന സ്വപ്നം സാക്ഷാല്‍ക്കിരക്കപ്പെട്ടു.  1957  മെയ് 20 ന് 1300 രൂപ വിലക്ക് നിര്‍മ്മാണ കമ്മറ്റി വാങ്ങിയ 4 ഏക്കര്‍ കുന്നിന്‍ പുറവും പിന്നീട് സ്കൂളിനു വേണ്ടി അക്വയര്‍ ചെയ്യപ്പെട്ട 2 ‌ഏക്കര്‍ അനുബന്ധ ഭൂമിയും ഉള്‍പ്പെടെ 6 ഏക്കര്‍സ്ഥലമാണ് സ്കൂളിന് സ്വന്തമായി ഉള്ളത്.  ശ്രീ എടവലത്ത് ബാലന്‍ നമ്പ്യാര്‍ സംഭാവനയായി  നല്‍കിയ സ്ഥലത്ത് നിര്‍മ്മിച്ച കിണറ്റില്‍ നിന്നാണ് ആവശ്യമായ വെള്ളം സ്കൂളിലെത്തിക്കുന്നത്.