"പി.വി.എം.എ.എൽ.പി.എസ് ബ്ലാങ്ങാട്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

               തീരപ്രദേശമായ ബ്ലാങ്ങാട് ഗ്രാമത്തിലെ കുരുന്നുകൾക്ക് ആദ്യാക്ഷരം പകർന്നുകൊടുത്ത പള്ളിക്കൂടത്തിന് ഇന്ന് നൂറ്റിയൊന്ന്  വയസ്സ് . ചാവക്കാട് തീരദേശമേഖലയിലെ തെക്കേ അറ്റത്തു സ്ഥിതിചെയ്യുന്ന കടപ്പുറം ഗ്രാമ പഞ്ചായത്തിൽ പെട്ട  ബ്ലാങ്ങാട് ദേശത്തെ  ഓത്തുപള്ളിയിലാണ് തീരദേശ നിവാസികളുടെ മക്കൾക്ക് അറിവ് പകർന്നുകൊടുത്ത  ഈ സരസ്വതി ക്ഷേത്രം പ്രവർത്തിച്ചിരുന്നത് .കടലും കായലും ചുറ്റപ്പെട്ടു കിടക്കുന്ന ബ്ലാങ്ങാട് നിവാസികൾക്ക്‌ അന്ന്അക്ഷരങ്ങൾ അന്യമായിരുന്നു ,പിന്നോക്കാവസ്ഥയിൽപെട്ട മൽസ്യ തൊഴിലാളികളുടെയും  ,കർഷക തൊഴിലാളികളുടെയും ബീഡി തൊഴിലാളികളുടെയും  മക്കൾക്ക് സ്കൂൾപഠനം ഒരു കേട്ടുകേൾവിയായിരുന്നു.ഇതിനൊരുമാറ്റം വരുത്തിയാണ് ആയിരത്തി തൊള്ളായിരത്തി പതിനാറിൽ  സ്കൂൾ നിലവിൽ വന്നത് .ബ്ലാങ്ങാട് ഗ്രാമത്തിലെ കുട്ടികളുടെ മത പഠനത്തിനായി ഉപയോഗിച്ചിരുന്ന ഓത്തുപള്ളികുടമാണ് സ്കൂൾ ആയി രൂപാന്തരപ്പെട്ടത് .രാവിലെ മദ്രസ പഠനം പത്തുമണിക്ക് സ്കൂൾ പഠനം .ഓലമേഞ്ഞ ഈ ഓത്തുപള്ളികുടം ഒരു കൊടുംകാറ്റിൽ നിലംപൊത്തി .കുട്ടികളുടെ പഠനം മുടങ്ങുമോ എന്നതായിരുന്നു രക്ഷിതാക്കളുടെ ഭയം  അവരുടെ ആശങ്കയ്ക്ക് വിരാമമിട്ടു ആയിരത്തി തൊള്ളായിരത്തി ഇരുപത്തിയഞ്ചിൽ പുത്തൻപുരക്കൽ മുഹമ്മദുണ്ണി സ്കൂൾ ഏറ്റെടുത്തു ,    അദ്ദേഹത്തിന്റെ  നിര്യാണത്തെ തുടർന്ന് ആയിരത്തിത്തൊള്ളായിരത്തി  നാല്പത്തിയൊന്നിൽ  ഉമ്മർ മൗലവി സ്കൂൾ മാനേജരായി .ആയിരത്തി തൊള്ളായിരത്തി അറുപത്തിയാറിൽ  പുത്തന്പുളി വേലായുധൻ സ്കൂൾ  മാനേജർ ആയതോടെ സ്കൂൾ ഒട്ടേറെ വികസനപ്രവർത്തനങ്ങൾ നടത്തി , സ്കൂൾ കെട്ടിടത്തിന് മാറ്റം വന്നതോടെ കുട്ടികളുടെ പഠന നിലവാരവും  മികച്ചതായി .സ്കൂളിന്റെ ഇന്നത്തെ ഉയർച്ചയ്ക് ഇവിടുത്തെ മുൻപ്രധാനാധ്യാപകരുടെ പങ്ക് വലുതായിരുന്നു .പി.വി.മുഹമ്മദുണ്ണിമാസ്റ്റർ, പി.ടി.ഡേവിഡ്‌മാസ്റ്റർ,എന്നിവരുടെ സേവനം പ്രശംസനീയമാണ്. .ആയിരത്തിത്തൊള്ളായിരത്തി എൺപത്തിയാറിൽ ആണ് ഇന്നത്തെ മാനേജർ പി.വി.രവീന്ദ്രൻ ചുമതല ഏറ്റത്.അദ്ദേഹത്തിന്റെ മാതാവുംഅധ്യാപികയുമായ അമ്മുടീച്ചറുടെ പ്രേരണയിലാണ് സ്കൂൾ കെട്ടിടത്തിന് കാതലായ മാറ്റംവരുത്താൻ മാനേജർ പി.വി.രവീന്ദ്രൻ തീരുമാനിച്ചത് .ഇത് സ്കൂളിന്റെ മാത്രമല്ല നാടിന്റെ തന്നെ മുഖച്ഛായമാറ്റി.എല്ലാ സൗകര്യവുമുള്ള മൂന്നുനില കെട്ടിടം നാടിന്റെ അഭിമാനമാണ്.വിവിധ കാലയളവിൽ ഒട്ടേറെ ബഹുമതികൾ സ്കൂളിനെ തേടിയെത്തി. രക്ഷാകർതൃസംഘടനയുടെയും, അധ്യാപകരുടെയും, മാനേജരുടെയും  ,സന്നദ്ധത സംഘടനകളുടെയും ,നാട്ടുകാരുടെയും കൂട്ടായ ശ്രമഫലമായി വലിയതോതിലുള്ള പുരോഗതി സ്കൂളിനെ കൈവരിക്കാൻ കഴിഞ്ഞു.ആയിരത്തിത്തൊള്ളായിരത്തി തൊണ്ണൂറ്റൊമ്പതിൽ കിട്ടിയ ജില്ലയിലെ ബെസ്ററ്  പി.ടി.എ.അവാർഡും ,രണ്ടായിരത്തിൽ ലഭിച്ച സിറ്റിസൺ ഫോറത്തിന്റെ ബെസ്ററ് എൽ .പി.സ്കൂൾ അവാർഡും വിദ്യാഭ്യാസരംഗത്തുള്ള ഈ സ്കൂളിന്റെ പുരോഗതിയുടെ നേർസാക്ഷ്യങ്ങളാണ്.നിരവധി വിദ്യാർത്ഥികൾക്ക് സ്കോളർഷിപ്, ഉപജില്ലാ പ്രവൃത്തിപരിചയ മേളകൾ , കലാ മേളകൾ ,വിജ്ഞാനോത്സവം ,പരീക്ഷകൾ എന്നിവയിൽ  ലഭിച്ചിട്ടുള്ള പുരസ്‌കാരങ്ങൾ ,തുടങ്ങിയവ  സ്കൂളിന് ലഭിച്ച ബഹുമതികളിൽ പ്രശംസനീയമാണ് .എൽ.പി .സ്കൂൾ ആണെങ്കിലും, ഇംഗ്ലീഷ് ,മലയാളം മീഡിയങ്ങളിലായി  നാനൂറ്റിഅമ്പതോളം കുട്ടികളും പതിനേഴു  അധ്യാപകരും ,എൽ .കെ .ജി .യു.കെ .ജി .ക്ലാസ്സുകളിലായി    ഇരുന്നോറോളം കുട്ടികളും അഞ്ചു  അധ്യാപകരും ,ഈ വിദ്യാലയത്തിൽ പ്രവർത്തിക്കുന്നുണ്ട് .നൂൺ മീൽ ജീവനക്കാരായി രണ്ടു പേരും  ജോലി ചെയ്യുന്നു .കമ്പ്യൂട്ടർ ലാബ്, ലൈബ്രറി ,കബ്, ബുൾബുൾ ,സംഘടനകൾ പൂന്തോട്ടം ,പീച്ചി ഡാമിന്റെ മാതൃക ,എന്നിവയും വിദ്യാലയത്തെ ആകർഷകമാക്കുന്നു .