"സെന്റ്തെരേസ് എച്ച് എസ് എസ്, ഷൊറണൂർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ലഹരി വിമുക്ത ക്യാമ്പസ് എന്ന ലക്ഷ്യത്തോടെ മുഖ്യമന്ത്രിയുടെ നേതൃത്വത്തിൽ നടക്കുന്ന സുദീർഘമായ കർമ്മപരിപാടിയിൽ  സെന്റ് തെരേസ് ഹയർ സെക്കന്ററി സ്കൂൾ പങ്കുചേർന്നു. വിദ്യാലയത്തിലെ എല്ലാ അധ്യാപകരും ലഹരി വിരുദ്ധ ബോധവൽക്കരണ പരിശീലന ക്ലാസ്സിൽ പങ്കെടുത്തു. സെപ്തംബർ 28ന് എസ് ആർ ജി സ്റ്റാഫ് കൗൺസിൽ യോഗങ്ങൾ ചേർന്നു. ലഹരി വിരുദ്ധ പ്രവർത്തനങ്ങൾ ആസൂത്രണം ചെയ്തു. ജാഗ്രത സമിതി രൂപീകരിച്ചു .ഒക്ടോബർ 6 മുഖ്യമന്ത്രിയുടെ ഉദ്ഘാടനം തൽസമയ സംപ്രേഷണം എല്ലാ കുട്ടികളെയും കാണിക്കുന്നതിന് സാധിച്ചു .അന്നേദിവസം എക്സൈസ് പ്രിവന്റിവ് ഓഫീസർ സൽമാൻ റസാലി അധ്യാപകർക്കും രക്ഷിതാക്കൾക്കും കുട്ടികൾക്കും ബോധവൽക്കരണ ക്ലാസ് നൽകി.  പിടിഎ എക്സിക്യൂട്ടീവ് അംഗങ്ങൾ ജനപ്രതിനിധികൾ എന്നിവർ സന്നിഹിതരായിരുന്നു. ലഹരി വിരുദ്ധ സന്ദേശം നൽകുന്ന പോസ്റ്ററുകൾ, ബാനർ, പ്ലക്കാർഡുകൾ എന്നിവ നിർമ്മിച്ചു. അന്നേദിവസം ലഹരിവിരുദ്ധ റാലി  ക്യാമ്പസിൽ നടത്തി. ലിറ്റിൽ കൈറ്റ്സ് ,ഗൈഡ്സ് ,റെഡ് ക്രോസ് എന്നീ സംഘടനകളുടെ സജീവ പങ്കാളിത്തം ഉണ്ടായിരുന്നു. ലഹരിവിരുദ്ധ സന്ദേശം നൽകുന്ന ബോധവൽക്കരണ ക്ലാസ് ഡിബേറ്റ് എന്നിവ ക്ലാസ് അടിസ്ഥാനത്തിൽ നടത്തി. സ്കൂളും പരിസരവും ശുചിയാക്കി. കടയിൽ കയറിസാധനങ്ങൾ വാങ്ങുന്ന  പ്രവണത കർശനമായി വിലക്കി. അത്തരം വസ്തുക്കളിലൂടെയുള്ള ലഹരി വിതരണത്തെക്കുറിച്ച് കുട്ടികളെ ബോധവാന്മാരാക്കി. ഒഴിഞ്ഞ സ്ഥലങ്ങളിലും ബാത്റൂം പരിസരങ്ങളിലും അനാവശ്യമായി സംഘം ചേരുന്ന പ്രവണതകൾ ഇല്ലാതാക്കാനുള്ള ശ്രമങ്ങൾ ആരംഭിച്ചു .കുട്ടികളുടെ ബാഗ് ഇടയ്ക്കിടെ പരിശോധന നടത്തി. ലഹരിവസ്തുക്കൾ ഉപയോഗിക്കുന്നില്ലെന്ന് ഉറപ്പുവരുത്തുന്നതിനുള്ള എല്ലാ ശ്രമങ്ങളും ഊർജസ്വലമായി നടത്തിവരുന്നു.

'''

ലഹരി വിമുക്ത കേരളം നവംബർ 1 - റിപ്പോർട്ട്'''