"എസ് പി ഡബ്യൂ എച്ച് എസ് ആലുവ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പെരിയാറിന്‌ സംസ്‌കൃതത്തില്‍ ചൂര്‍ണ്ണി എന്നാണ്‌ പറയുന്നത്‌. പെരിയാറിന്റ തീരത്തുള്ള ഗ്രാമം - ചൂര്‍ണ്ണിക്കര എന്നര്‍ത്ഥം. ആലുവ വ്യവസായ മേഖലയിലെ ആദ്യ ഫാക്‌ടറി എന്ന നിലക്കാണ്  സ്റ്റാന്‍ഡേര്‍ഡ്‌ പോട്ടറി വര്‍ക്‌സ്‌ എന്ന ഓട്ടുകമ്പനി ചൂര്‍ണ്ണിക്കരയില്‍ സ്ഥാപിതമായത്‌. ഈ കമ്പനിയിലെ ജോലിക്കാരുടെ മക്കള്‍ക്ക്‌ പഠിക്കാന്‍ വേണ്ടിയാണ്‌ 1948 ജൂണ്‍ 7ന്‌ S.P.W.high School ആരംഭിച്ചത്‌. ഇപ്പോള്‍ ആലുവ വിദ്യാഭ്യാസ ജീല്ലയിലെ മെച്ചപ്പെട്ട ഒരു സ്‌കൂളായി ഇത്‌ പ്രവര്‍ത്തിക്കുന്നു. 3 അദ്ധ്യാപകരും , 40 വിദ്യാര്‍ത്ഥികളുമായി ആരംഭിച്ച ഈ സ്‌ക്കൂള്‍ അതിന്‍റെ പ്രൌഡി കാലത്ത് 2500 കുട്ടികളും അറുപതോളം അധ്യാപകരുമായി തലയുയര്‍ത്തി നിന്നിരുന്നു.പിന്നീട് വ്യാവസായിക മേഘലയിലുണ്ടായ പ്രതിസന്ധികള്‍ ഓട്ടു കമ്പനിയെ ബാധിക്കുകയും കമ്പനി അടച്ചു പൂട്ടാന്‍ മാനേജ്മെന്‍റ് നിര്‍ബന്ധിതരാവുകയും ചെയ്തു,ആ സമയത്ത് സ്കൂളിന്റെ പ്രൌഡി നഷ്ടപെട്ട് കുട്ടികള്‍ കൊഴിഞ്ഞു പോവുന്ന അവസ്ഥയില്‍ എത്തുകയുണ്ടായി.പക്ഷേ,സ്റ്റാന്‍ഡേര്‍ഡ് സ്കൂളിന്‍റെ ഭാഗ്യം എന്നും പൂര്‍വ്വ വിദ്യാര്‍ഥികളില്‍ നിക്ഷിപ്തമായിരുന്നു.അവരുടെ ശ്രമഫലമായി സ്കൂള്‍ ഇപ്പോള്‍ കാണുന്ന നല്ലൊരു ഹൈടെക് വിദ്യാലയമായിത്തീര്‍ന്നു.ഇന്ന് സ്റ്റാന്‍ഡേര്‍ഡ് സ്കൂള്‍ പുനര്‍ജനിയുടെ പാതയിലാണ്. കുട്ടികളുടെ എണ്ണം വര്‍ദ്ധിച്ചു,ദൂരെ നിന്നും വരുന്ന കുട്ടികള്‍ക്ക് വാഹന സൗകര്യം ഏര്‍പ്പെടുത്തി.കലാ കായിക മേഖലയില്‍ മിടുക്കരായ ധാരാളം കുട്ടികള്‍ ഇവിടെ പഠിക്കുന്നു.നാടിന് നിരവധി പ്രശസ്തരെ സംഭാവന ചെയ്ത സ്റ്റാന്‍ഡേര്‍ഡ് സ്കൂള്‍ ഇന്ന്‍ ചൂര്‍ണ്ണിക്കരയിലെ മികച്ച സ്കൂളാണ്. എയ്‌ഡ്‌സ്‌ രോഗാണുക്കളെ കണ്ടുപിടിച്ച അമേരിക്കയിലെ പ്രശസ്‌ത ശാസ്‌ത്രജ്ഞന്‍ സാരംഗധരന്‍, തിരുവനന്തപുരം ശ്രീചിത്രയിലെ പ്രശസ്‌ത ശാസ്‌ത്രജ്ഞന്‍ ഡോ: പി.എസ്‌. അപ്പുകുട്ടന്‍, ഡോ: പിരീതുപിള്ള, തുടങ്ങിയവര്‍ ഈ വിദ്യാലയത്തിലെ പൂര്‍വ്വ വിദ്യാര്‍ത്ഥികളാണ്‌..