"ഗവ. വി എച്ച് എസ് എസ് വാകേരി/പി ടി എ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

സിസി ജിഷു

  സ്കൂളിൻറെ മുഖമുദ്രയാകാൻ പാകത്തിൽ 12 ക്ലാസ് മുറികളോട് കൂടിയ മൂന്ന് നില കെട്ടിടത്തിന്റെ നിർമ്മാണം പുരോഗമിക്കുന്നത് നമുക്ക് ഏവർക്കും അറിയാവുന്നതാണ് എം എസ് ഡി പി ഫണ്ടിൽ ഉൾപ്പെടുത്തി ഒരു കോടി 20 ലക്ഷം രൂപ ചെലവിൽ നിർമ്മിക്കുന്ന ഈ കെട്ടിടം  കഴിഞ്ഞ വർഷം ആരംഭിച്ച  എം എസ് ഡി പി കെട്ടിടം പണി പൂർത്തിയായി വരുന്നു. ടൈലിംങ്, പെയിന്റിംങ് എന്നിവമാത്രമാണ്  ഇനി ബാക്കിയുള്ളത് ഉള്ളത് ഓണാവധി കഴിഞ്ഞ് വരുമ്പോൾ കുട്ടികൾക്ക് പുതിയ കെട്ടിടത്തിൽ പഠനം ആരംഭിക്കാൻ കഴിയും എന്ന് പ്രതീക്ഷിക്കുന്നു. ഇതോടെ സ്കൂളിലെ എല്ലാ ക്ലാസ് മുറികളും മികച്ചതും കോൺക്രീറ്റ് നിർമിതമായ മുറിയികളിലായിത്തീരുന്നു. സ്കൂളിലെ ഈ കെട്ടിട നിർമാണ പ്രവർത്തിയിൽ പങ്കുചേരുവാൻ പിടിഎ കമ്മിറ്റിക്കു കഴിഞ്ഞതിൽ സന്തോഷം പ്രകടിപ്പിക്കുന്നതോടൊപ്പം കെട്ടിടം അനുവദിക്കുന്നതിൽ മുൻകൈയെടുത്ത് പ്രവർത്തിച്ച പനമരം ബ്ലോക്ക് പഞ്ചായത്ത് പ്രസിഡണ്ട് ശ്രീ റ്റി. എസ്. ദിലീപ്കുമാറിനെ പ്രത്യേകം അഭിനന്ദിക്കുകയും പിടിഎ കമ്മിറ്റിയുടെ നന്ദിയും കടപ്പാടും അറിയിക്കുകയും ചെയ്യുന്നു. അതോടൊപ്പം ഈ കെട്ടിടത്തിലേക്ക് ആവശ്യമായ ഉപകരണ സാമഗ്രികൾ കൂടി അനുവദിച്ചു നൽകണമെന്ന് പിടിഎ കമ്മിറ്റി അഭ്യർത്ഥിക്കുകയാണ്. കഴിഞ്ഞ വർഷം രണ്ടു ടോയ്‍ലറ്റുകളാണ് സ്കൂളിൽ നിർമ്മിച്ചത് ശുചിത്വ മിഷന്റെ ഒരു ടോയ്‌ലറ്റ് കോംപ്ലക്സ്, ജില്ലാ പഞ്ചായത്ത് അനുവദിച്ച  ഗേൾഫ്രണ്ട്‍ലി ടോയ്‍ലറ്റ് എന്നിവയാണ് ഇവ. ഇതിന്റെ നിർമാണം പൂർത്തിയാക്കി.

അറ്റകുറ്റപ്പണികൾ സ്കൂളിൽ ഇ വർഷം  ഉപയോഗശൂന്യമായ ഡെസ്കുകളും ബെഞ്ചു കളും സ്കൂൾതുറക്കുന്നതിനു മുമ്പായി അറ്റകുറ്റപ്പണികൾ ചെയ്തു ഉപയോഗക്ഷമമാക്കി. പിടിഎ കമ്മിറ്റി അംഗം സുനിൽകുമാറാണ് ആണ് ഈ പ്രവർത്തനം നടത്തിയത്. ഈ വർഷം സ്കൂൾ തുറക്കുന്നത് മുമ്പായി പാചകപ്പുരയുടെ മുൻഭാഗം ഇൻറർലോക്ക് ചെയ്തു. മഴക്കാലങ്ങളിൽ അവിടെ വരിനിന്ന് ഭക്ഷണം വാങ്ങുന്നത്  കുട്ടികൾക്ക് വളരെ പ്രയാസകരമായിരുന്നു. ആ പ്രശ്നം പരിഹരിക്കുന്നതിനായി  ഇൻറർലോക്ക് ചെയ്തതത്. പാചകപ്പുരയുടെ ഉൾവശം പെയിന്റു ചെയ്തു ഭംഗിയാക്കി. പാചകപ്പുരയുടെ വർക്ക് ഏരിയ ടിൻ ഷീറ്റ് പതിച്ച് മറച്ചു.  മഴയുള്ളപ്പോൾ കുട്ടികൾക്ക് വരിനിന്ന് ഭക്ഷണം വാങ്ങാൻ ബുദ്ധിമുട്ടാണ്  അതിനാൽ മുൻഭാഗം മേൽപ്പുര നിർമ്മിച്ച്  മഴ നനയാതെ സൗകര്യമൊരുക്കാനുള്ള ഉത്തരവാദിത്വം അടുത്ത പിടിഎ ഏറ്റെടുക്കണമെന്ന് അഭ്യർത്ഥിക്കുന്നു. മുറ്റത്തു  വെച്ചുപിടിപ്പിച്ച് മരത്തൈകൾ കോതി ഭംഗിയാക്കിർ. സ്കൂളിൻറെ മുൻവശം പുല്ലുചെത്തി  വൃത്തിയാക്കി.  പൂന്തോട്ടത്തിന് വേലി നിർമ്മിച്ചു. ജൈവ വൈവിധ്യ ഉദ്യാനം മനോഹരമായ ഒരു വനമായി മാറിക്കൊണ്ടിരിക്കുന്നു. സ്കൂളിൻറെ പടിഞ്ഞാറുഭാഗത്തായി 20 സെന്റ് വരുന്ന സ്ഥലമാണ്  ഉദ്യാനമായി മാറ്റിയിട്ടുള്ളത് തൊഴിലുറപ്പ് തൊഴിലാളികൾ സ്കൂൾ തുറക്കുന്നത് മുന്നോടിയായി ശുചീകരണ പ്രവർത്തനങ്ങൾ നടത്തി എല്ലാ ക്ലാസിലെയും ബ്ലാക്ക് ബോർഡുകൾ  പെയിൻറ് ചെയ്തു പ്രധാന കെട്ടിടത്തിന് ഗ്രൗണ്ട് ഫ്ലോർ പെയിൻറ് ചെയ്തു ആകർഷകമാക്കി. തുടങ്ങിയാണ് ഈ വർഷത്തെ പ്രവർത്തനങ്ങളായി എടുത്തു കാണിക്കുന്നത്. മേൽപ്രതിപാദിച്ചവ കൂടാതെ മറ്റു അനവധി പാഠ്യ പാഠ്യേതര പ്രവർത്തനങ്ങളും കഴിഞ്ഞ അധ്യായന വർഷം നടത്താൻ കഴിഞ്ഞു. വായനാദിനം, അന്താരാഷ്ട്ര യോഗാദിനം, ബഷീർ അനുസ്മരണം, ചാന്ദ്രദിനം, സ്വാതന്ത്ര്യദിനാഘോഷം, ഗാന്ധിജയന്തി, വിജയപ്പൊലിമ, കൗൺസിലിങ് ക്ലാസുകൾ, റൂബല്ല മിസിൽ‍സ് കുത്തിവയ്പ്, നേത്ര പരിശോധന ക്യാമ്പ്, മെഡിക്കൽ ക്യാമ്പ്, കേരളപ്പിറവി, ശിശുദിനാഘോഷം, കൈരളി വിജ്ഞാന പരീക്ഷ, ക്രിസ്തുമസ് ആഘോഷം, പ്രൈമറി മാസ്റ്റർ പ്ലാൻ തയ്യാറാക്കൽ, അവതരണം, പ്രാദേശിക പിടിഎ, റിപ്പബ്ലിക് ദിനാഘോഷം തുടങ്ങിയവ ഇവയിൽ ചിലതുമാത്രമാണ്. ഇതിനെല്ലാം അരങ്ങിലും അണിയറയിലുമായി പ്രവർത്തിച്ച അധ്യാപകർ വിദ്യാർത്ഥികൾ ഏറ്റവും പ്രിയപ്പെട്ട രക്ഷിതാക്കൾ എല്ലാവർക്കും ഒരിക്കൽക്കൂടി നന്ദി. നമ്മുടെ അർപ്പണ മനോഭാവത്തോടെയുള്ള പ്രവർത്തനവും അതിന് അതിന് ഈ നാട്ടിലെ ജനങ്ങൾ നൽകിയ പിന്തുണയും സഹകരണവും ആണ് നമ്മുടെ വിദ്യാലയത്തെ മുൻനിരയിലെത്തിച്ചത്. അധ്യാ പകർ, വിദ്യാർത്ഥികൾ, രക്ഷിതാക്കൾ, നാട്ടുകാർ, സന്നദ്ധസംഘടനകൾ, വ്യാപാരി വ്യവസായികൾ, മറ്റിതരസ്ഥാപനങ്ങൾ, വ്യക്തികൾ എന്നിവരുടെ സജീവമായ ഇടപെടലുകളും സഹായസഹകരണങ്ങളും ആണ് നമ്മുടെ സ്കൂളിലെ മികച്ച വിജയത്തിനും മികവാർന്ന പ്രവർത്തനത്തിനും പിന്നിലുള്ളത്. ഈ ഉജ്വല വിജയത്തിനു പിന്നിൽ പ്രവർത്തിച്ച എല്ലാ സുമനസ്സുകൾക്കും പി.ടി.എ യുടെ കൃതജ്ഞതയും കടപ്പാടും അറിയിക്കാൻ ഈ അവസരം വിനിയോഗി ക്കുന്നു. നമ്മുടെ ആവശ്യങ്ങൾ പരിഹരിക്കുന്നതിനും കൂടുതൽ നേട്ടങ്ങൾ കൈവരിക്കുന്നതിനും ഈ കൂട്ടായ്മയും സഹകരണമനോഭാവവും ഇനിയും ആവശ്യമാണ് കൂടുതൽ മെച്ചപ്പെട്ട ഭാവിപ്രവർത്തനങ്ങൾ ചർച്ചയിലൂടെ രൂപപ്പെടുമെന്നു വിശ്വസിക്കുന്നു. നിങ്ങളുടെ വിലയേറിയ അഭിപ്രായങ്ങളും നിർദ്ദേശങ്ങളും അഭ്യർത്ഥിച്ചുകൊണ്ട് വിമർശനത്തിനും വിലയിരുത്തലിനുമായി ഈ പൊതുയോഗത്തിനു മുമ്പാകെ കഴിഞ്ഞ ഒരു വർഷത്തെ പ്രവർത്തന റിപ്പോർട്ട് സമർപ്പിക്കുന്നു