"സുവർണ്ണ ജുബിലി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== അനുബന്ധ പരിപാടികൾ==

===കുട്ടിക്കൊരു മാഗസിൻ===

വിദ്യാർഥികളുടെ എഴുത്തും വായനയും ശക്തിപ്പെടുത്തുക, സ്വതന്ത്ര രചനയ്ക്ക് അവസരമൊരുക്കുക എന്നീ ലക്ഷ്യത്തോടെ ആസൂത്രണം ചെയ്ത സർഗ്ഗാത്മക പ്രവർത്തനമാണ് കുട്ടിക്കൊരു മാഗസിൻ. 2012-13 അദ്യയന വർഷത്തിൽ സ്കൂളിൽ നടന്ന ഏറ്റവും മികവാർന്ന പ്രവർത്തനമാണിത്.  ഗണിതാധ്യാപകനായ ശ്രീ കെ ആർ ഷാജനാണ് ഈയൊരാശയം അധ്യാപകയോഗത്തിൽ അവതരിപ്പിച്ചത്. തുടർന്ന് അദ്ദേഹത്തിന്റെ നേതൃത്വത്തിൽ ക്ലാസധ്യാപകരുടെ കൃത്യതയാർന്ന നിർദ്ദേശത്തിൽ ഓരോ കുട്ടിയും ഒന്നു വീതം കയ്യെഴുത്തു മാസിക തയ്യാറാക്കി. കഥ, കവിത, ഉപന്യാസങ്ങൾ തുടങ്ങി സർഗ്ഗാത്മകവും വൈജ്ഞാനികവുമായ വിഭവങ്ങളാൽ സമൃദ്ധമാണ് കുട്ടികളുടെ മാസികകൾ. <br>

കുട്ടിക്കൊരു മാഗസിൻ പ്രകാശനം  08-02-13ന്  വയനാട് ഡയറ്റ് പ്രിൻസിപ്പാൾ ശ്രീ ഇ പി മോഹൻദാസ് ഒരു മാഗസിൻ  സ്കൂൾ പി ടി എ പ്രസിഡന്റ് ശ്രീ സി എം ഷാജിക്കു കൈമാറി ഔപചാരികമായി നിർവ്വഹിച്ചു. ഈ സമയം മുഴുവൻ കുട്ടികളും താന്താങ്ങളുടെ കയ്യെഴുത്തു മാസിക ഉയർത്തിപ്പിടിച്ച് സ്വയം പ്രകാശനം നടത്തി. ഈ കാഴ്ച കണ്ണും കരളും ത്രസിപ്പിക്കുന്നതായിരുന്നു. ഡയറ്റ് സീനിയർ അധ്യാപകൻ ശ്രീ കെ കെ സുരേന്ദ്രൻ തുടർന്നു മുഖ്യപ്രഭാഷണം നടത്തി. സുവർണ്ണ ജൂബിലി ആഘോഷകമ്മിറ്റിചെയർമാൻ ശ്രീ സത്യാലയം തമ്പി, സ്കൂൾ പ്രിന്സിപ്പാൾ ശ്രീമതി ജെറി ആഞ്ചലീന, ഹെഡ്മിസ്ട്രസ് ശ്രീമതി പി ആർ ചന്ദ്രമതി, , പൂതാടി ഗ്രാമ പഞ്ചായത്ത് അംഗങ്ങൾ തുടങ്ങിയവർ ചടങ്ങിൽ പങ്കടുത്ത് ആശംസകൾ നേർന്നു.<br>