ഗവ. വി എച്ച് എസ് എസ് വാകേരി/പി ടി എ

സ്കൂളിന്റെ സർവ്വതേമുഖമായ പുരോഗതിക്കായി സദാപ്രവർത്തന നിരതമാണ് വാകേരിസ്കൂളിലെ പി.ടി.എ കമ്മറ്റി. തുടർച്ചയായി രണ്ടുവർഷം ജില്ലയിലെ മികച്ച പി.ടി.എ കമ്മറ്റിയായി തിരഞ്ഞെടുക്കപ്പട്ടു എന്നതുതന്നെ ഇവിടുത്തെ പി.ടി.എ കമ്മറ്റിയുടെ പ്രവർത്തനമികവിനും അർപ്പണബോധത്തിനുമുള്ള അംഗീകാരമാണ്.

പിടിഏ കമ്മറ്റി 2017 -18

• പി.ടി.എ പ്രസിഡണ്ട് : ജിഷു സി സി
• വൈസ് പ്രസിഡണ്ട്: സിന്ധു പ്രകാശൻ
• സെക്രട്ടറി  : സുരേന്ദ്രന് കെ (ഹെഡ്മാസ്റ്റർ)
• ജോ.സെക്രട്ടറി  : റോയ് വി. ജെ ( പരിൻസിപ്പാൾ)
• ഖജാൻജി  : സിനിമോൾ എസ് എസ്
• ഉദയൻ പി
• ജിൻസ് എൻ ജെ
• ശിവദാസൻ ഇ റ്റി
• സി കെ അയൂബ്
• രാജൻ കക്കടം
• രാജേന്ദ്രൻ
• വിശ്വാമിത്രൻ കരിമ്പനക്കൽ
• അമ്പിളി ശ്രീജി
• സുനിൽകുമാർ ഇ ആർ

പിടിഏ റിപ്പോർട്ട് 2016-17

വാകേരി പ്രദേശത്തിന്റെ സാസ്കാരിക ചരിത്രത്തിൽ സുപ്രധാനമായ സ്ഥാനമാണ് വാകേരി ഗവൺമെന്റ് സ്കൂളിനുള്ളത്. 1962ൽ പ്രവർത്തനം ആരംഭിച്ച ഈ സ്കൂൾ നാടിന്റെ വികസനത്തിലും പുരോഗതിയിലും നിർണ്ണായകമായ പങ്കുവഹിച്ചിട്ടുണ്ട്. സാമൂഹ്യരാഷ്ട്രീയ സാംസ്കാരിക ഉദ്യോഗതലങ്ങളിലെല്ലാം ഈ സ്കൂളിൽനിന്നു പഠിച്ചിറങ്ങിയ നിരവധി ആളുകൾ പ്രവർത്തിക്കുന്നു. പുതുതലമുറയേയും ഇത്തരത്തിൽ കർമ്മശേഷിയുള്ളവരാക്കുന്നതിൽ ശ്രദ്ധ പുലർത്തി നാനാവിധമായ പാഠ്യപ്രവർത്തനങ്ങളുമായി സ്കൂളിന്റെ മുന്നോട്ടുള്ള പ്രയാണത്തിന് വഴിതെളിച്ച് സ്കൂൾ പി.ടി.എ അതിന്റെ കർമ്മപഥകത്തിൽ മുന്നേറുകയാണ്.

അംഗങ്ങൾ

16/09/16ന് ബുധനാഴ്ച 2016-17 PTA പ്രസിഡന്റ് ശ്രീ സുനിൽകുമാറിന്റെ അദ്ധ്യക്ഷത യിൽ രക്ഷിതാക്കളുടെ പൊതുയോഗം ചേർന്നു. യോഗത്തിന് സ്കൂൾ ഹെഡ്മാസ്റ്റർ ശ്രീ കെ. സുരേന്ദ്രൻമാസ്റ്റർ സ്വാഗതം പറഞ്ഞു. യോഗതതിൽ 2015-16 വർഷത്തെ റിപ്പോർട്ടും വരവു ചെലവു കണക്കുകളും അവതരിപ്പിച്ചു. റിപ്പോർട്ടും വരവുചെലവുകണക്കും യോഗം അംഗീകരിച്ചു. 2015-16 വർഷത്തെ ഭാരവാഹികളേയും അംഗങ്ങളേയും യോഗം തെരഞ്ഞെടുത്തു. ഷാജി സി. എം (പ്രസിഡന്റ്), ഗിരിജാമണി (വൈസ് പ്രസിഡന്റ്), കെ.കെ അബൂബക്കർ, വി.കെ. രാജൻമാസ്റ്റർ, ബാബു മടൂർ, രാജേന്ദ്രൻ, സി.പി.മുനീർ, കക്കടം റസാഖ്, കൊടൂർ സുരേഷ്, ജയ്സി പുളിക്കൽ, സിന്ധുപ്രകാശ്എന്നിവരെ അംഗങ്ങളായും തെരെഞ്ഞെടുത്തു. ഇവർക്കു പുറമെ, ഹെഡ്മാസ്റ്റർ, പ്രിൻസിപ്പാൾ സീനിയർ അസിസ്റ്റന്റ് എന്നിവരുൾപ്പെടെ 10 അദ്ധ്യാപകപ്രതിനിധികളും ചേർന്ന 21 അംഗ എക്സിക്യുട്ടീവിനെ തെരഞ്ഞെടുത്തു. ഇതോടൊപ്പം 5 അംഗങ്ങളുള്ള മദർ പി.ടി.എ കമ്മറ്റിയേയും തെരഞ്ഞടുത്തു. സിന്ധുഅനിൽ (പ്രസിഡന്റ്), സാജിറ, മിനിസാബു, രാധാമണി, ശ്രീജ എന്നിവർ അംഗങ്ങൾ.

പഠനപ്രവർത്തനങ്ങൾ

പാഠ്യപ്രവർത്തനമികവുകൊണ്ട് അംഗീകാരങ്ങൾ നേടിയ ഒരുവർഷമാണ് കടന്നുപോയത്. ചിട്ടയായ പഠനപ്രവർത്തനങ്ങളുടെ ഫലമായി SSLC പരീക്ഷയിൽ 97% വിജയം നേടാൻ കഴിഞ്ഞു. സംസ്ഥാന,ജില്ലാ ശരാശരിയേക്കാൾ ഉയർന്ന വിജയമാണ് നമ്മുടെ സ്കൂളിനുണ്ടാ യത്. എബിയാ ജോർജ്, അനന്ദു റ്റി എം എന്നീ കുട്ടികൾക്ക് എല്ലാ വിഷയങ്ങൾക്കും A+ ലഭിച്ചു. 5 കുട്ടികൾക്ക് 9 A+ ഉം, 3 കുട്ടികൾക്ക് 8 A+ ഉം ലഭിച്ചു.മുൻ‌വർഷത്തേതിനേക്കാൾ ഉയർന്ന ഗ്രേഡുകൾ ഇക്കഴിഞ്ഞ ബാച്ചിന് ലഭിച്ചിട്ടുണ്ട്. വിദ്യാർത്ഥികളുടേയും അദ്ധ്യാപകരു ടേയും രക്ഷിതാക്കളുടേയും കൂട്ടായ പരിശ്രമത്തിന്റെ ഫലമായാണ് ഈ നേട്ടം. ഒന്നരമാസം നീണ്ടുനിന്ന പകൽ സമയക്യാമ്പ്, എസ് റ്റി കുട്ടികൾക്കുള്ള പ്രത്യേക റസിഡൻഷ്യൽ ക്യാമ്പ്, മോർണിംഗ്- ഈവനിംഗ് ക്ലാസുകൾ, പ്രാദേശിക പഠനക്കൂട്ടം തുടങ്ങിയ പ്രവർത്തനങ്ങളി ലൂടെയാണ് ഉയർന്ന വിജയം നേടാനായത്. 44 SPC കുട്ടികൾക്ക് ഗ്രേസ് മാർക്ക് ലഭിച്ചതും ഉയർന്ന ഗ്രേഡുകളുടെ എണ്ണം വർക്കുന്നതിന് നിർണ്ണായകമായി. LSS, USS സ്കോളർഷിപ്പ് പരീക്ഷകളിൽ കുട്ടികളെ പങ്കെടുപ്പിച്ചു. കൈരളി വിജ്ഞാന പരീക്ഷ എഴുതിയ കുട്ടികൾ ഗ്രേഡോടെ യോഗ്യത നേടി.

കമ്പ്യൂട്ടർലാബ്

വയനാട് ജില്ലയിലെ തന്നെ മികച്ച കമ്പ്യൂട്ടർ ലാബുകളിലൊന്നാണ് നമ്മുടേത്.49 കമ്പ്യൂട്ടറുകൾ ഇതുവരെ വിവിധ ഏജൻസികളിൽനിന്നു ലഭിച്ചിട്ടുണ്ട്. അവയിൽ പ്രവർത്തനക്ഷമമായവയുടെ എണ്ണം കേവലം 13 മാത്രമാണ്. ഈവർഷം ലഭിച്ച 5 എണ്ണമൊഴികെ മറ്റുള്ളവ ഏറെ പഴക്കം ചെന്നവയാണ്. ലാപ്ടോപ്പ് കമ്പ്യൂട്ടറുകൾ 13 എണ്ണം ലഭിച്ചിട്ടുണ്ട്, അവയിൽ 8എണ്ണം പ്രവർ ത്തനക്ഷമമാണ്. വിദ്യാർത്ഥികളുടെ ഐടി പഠനം സുഗമമായി നടക്കണമെങ്കിൽ ഇനിയും 15 കമ്പ്യൂട്ടറുകൾ ആവശ്യമാണ്. ഇവ സംഘടിപ്പിക്കുക എന്നതാണ് PTA യുടെ മുന്നിലുള്ള വലിയ വെല്ലുവിളി. നിലവിലുള്ള സ്മാർട്ട്റൂമിനു പുറമെ UP,HS വിഭാഗങ്ങളിൽ ഐടി അധിഷ്ഠിത പഠനം സാധ്യമാക്കുന്നതിനായി രണ്ട് ക്ലാസ്മുറികൾ കൂടി സ്മാർ‌ട്ട് റൂമാക്കി മാറ്റുന്നതിനുള്ള പ്രവർ ത്തനങ്ങൾ സ്കൂൾ ഐടി കോർഡിനേറ്റർ ബിജുമാഷിന്റെ നേതൃത്വത്തിൽ പൂർത്തിയായി വരുന്നു.

വായനശാല

ജീവിതവിജയത്തിന് വായന നൽകുന്ന പങ്ക് വളരെ വലുതാണ്. 5000ത്തിൽ അധികം പുസ്തകങ്ങളുള്ള വായനാമുറിയോടുകൂടിയതാണ് നമ്മുടെ വായനാശാല. ഹിന്ദി അധ്യാപകൻ സുനിൽമാഷാണ് ലൈബ്രേറിയൻ. ലൈബ്രേറിയന്റെ നേതൃത്തത്തിൽ കൃത്യമായി പുസ്തക വിതരണം നടന്നുവരുന്നു. ലൈബ്രറികൗസിൽ നടത്തിവകരുന്ന വായനാമത്സരം ഈ വർഷം ജൂലൈ1ന് നടത്തി. മൂടക്കൊല്ലി പുലരിലൈബ്രറിയുമായി സഹകരിച്ചാണ് മത്സരം നടത്തിയത്.

പ്രഭാതഭക്ഷണം

സ്കൂളിലെ എസ് റ്റി വിഭാഗംകുട്ടികൾക്കും അർഹതപ്പെട്ട മറ്റു കുട്ടികൾക്കും മികച്ചരീതിയിൽ പ്രഭാതഭക്ഷണം നൽകിവരുന്നു. അധ്യാപകരുപടെ നേരിട്ടുള്ള ഇടപെടലുകൾ പ്രഭാതഭക്ഷണ വിതരണം സുതാര്യവും സമയബന്ധിതവുമാക്കിത്തീർത്തിട്ടുണ്ട്. ശ്രീമതി പുലിക്കുന്നേൽ രത്നമ്മയാണ് പ്രഭാതഭക്ഷണം പാകംചെയ്യുന്നത്. 180 കുട്ടികൾ രാവിലെ ഭക്ഷണം കഴിക്കുന്നു. UP അധ്യാപകൻ ശ്രീ രവിമാഷാണ് പ്രഭാതഭക്ഷണ ചുമതല നിർവ്വഹിക്കുന്നത്.

ഉച്ചഭക്ഷണം.

കുറ്റമറ്റരീതിയിൽ ഉച്ചഭക്ഷണവിതരണം ശ്രീമതി Regards ഷീനടീച്ചറുടെ ചുമതലയിൽ നടന്നുവരുന്നു. 350 കുട്ടികൾ സ്കൂളിൽനിന്ന് ഉച്ചക്കു ഭക്ഷണം കഴിക്കുന്നു. ശ്രീമാൻ നിഷാദാണ് ഉച്ചഭക്ഷണം പാകം ചെയ്യുന്നത്. അധ്യാപകരുടെ ഉത്തരവാദിത്വത്തിൽ കുട്ടികൾക്കു വിതരണം നടത്തുന്നു. LP,UP ക്ലാസുകളിലെ കുട്ടികൾക്ക് ക്ലാസ്മുറികളിൽ എത്തിച്ച് വിതരണം ചെയ്യുന്നു. ഹൈസ്കൂൾ ക്ലാസിലെ കുട്ടികൾക്ക് കഞ്ഞിപ്പുരയിൽ വച്ചും വിളമ്പുന്നു. ഓരോ ദിവസവും ഉച്ചഭക്ഷണത്തിനും പ്രഭാതഭക്ഷണ വിതരണത്തിനും പ്രത്യേകം അധ്യാപകരെ ചുമതലപ്പെടുത്തിയിട്ടുണ്ട്.

കലാ കായികം പ്രവർത്തനങ്ങൾ

പഠനത്തോടൊപ്പം കലാകായിക മേഖലയിലും കുട്ടികൾ മികവുപുലർത്തുന്നു. കുട്ടികളുടെ കഴിവുകൾ കണ്ടത്തുന്നതിനും പ്രോത്സാഹിപ്പിക്കുന്നതിനുമായി PTA പ്രത്യേകം ശ്രദ്ധപുലർത്തുന്നു. സ്കൂൾ കലോത്സവം 2015 ഒക്ടോബർ 29,30 തിയ്യതികളിലായി നടന്നു. മുകച്ച നിലവാരം പുലർത്തിയ സമ്മാനാർഹരായ കുട്ടികളെ സബ് ജില്ലാ കലോത്സവത്തിൽ പങ്കെടുപ്പിച്ചു. 2015-16 വർഷം കലോത്സവനടത്തിപ്പു ചുമതല പ്രവീൺ പി മാത്യ സാറിനാ യിരുന്നു. കലോത്സവകമ്മറ്റിയെ ഈ അവസരത്തിൽ അനുമോദിക്കുന്നു. കായികരംഗത്ത് വിദ്യാർത്ഥികളുടെ കഴിവുകൾ വി‌കസിപ്പിക്കുന്നതിന് കായികാദ്ധ്യാപകൻ പ്രത്യകം ശ്രദ്ധിക്കു ന്നു. 2015 നവംമ്പർ 7,8 തിയ്യതികളിലായി കായികമേള സംഘടിപ്പിച്ചു. വിജയികളെ സബ് ജില്ലാ കായികമേളയിൽ പങ്കെടുപ്പിച്ചു. കായികാദ്ധ്യാപകനായിരുന്ന കെ കെ മുകുന്ദൻ മാഷ് സ്ഥലംമാറ്റം വാങ്ങിപോയതിനാൽ നിലവിൽ കായികാദ്ധ്യാപക തസ്തിക ഒഴിഞ്ഞുകിടക്കുന്നു.

ക്ലബ്ബ്പ്രവർത്തനങ്ങൾ

സ്കൂളിൽ നിരവധിക്ലബ്ബുകൾ സജീവമായി പ്രവർത്തിക്കുന്നു. വിദ്യാരംഗം കലാസാഹിത്യ വേദി, കൈരളി, സയൻസ് ക്ലബ്ബ്, ഐടി, ഹിന്ദി, ഊർജ്ജക്ലബ്ബ്, ഗണിതം, ഹെൽത്ത്, പരിസ്ഥിതി, ഇംഗ്ലീഷ്, പാർലമെന്ററി,സോഷ്യൽക്ലബ്ബ്, നല്ലപാഠം, സീഡ് തുടങ്ങി അക്കാദമികവും അക്കാദമികേതരവുമായ എല്ലാ ക്ലബ്ബുകളും നല്ലരീതിയിൽ പ്രവർത്തിക്കുന്നു. ക്ലബ്ബുകലുടെ ചുമതല പ്രത്യേകമായി അദ്ധ്യാപകർക്കു വീതിച്ചുനൽകിയിട്ടുണ്ട്. ഈ വർഷത്തെ ക്ലബ്ബ്പ്രവർത്തനങ്ങളുടെ ഉദ്ഘാടനം പൂതാടി പഞ്ചായത്തു പ്രസിഡന്റ് ശ്രീമതി രുഗ്മണി സുബ്രഹ്മണ്യൻ ജൂൺ 19ന് നിർവ്വഹിച്ചു.

നല്ലപാഠം

നല്ലപാഠം പ്രവർത്തനങ്ങളുടെ ഭാഗമായി കഴിഞ്ഞവർഷം മുക്കാൽ ഏക്കർ വയലിൽ നെൽകൃഷി നടത്തി. ശാസ്ത്രീയ കൃഷിയറിവുകൾ പകരുന്നതിന് പഠനക്ലാസ് സംഘടിപ്പിച്ചു. തേൻകുഴികാട്ടുനായ്ക്കകോളനി സ്കൂൾ ദത്തെടുത്തു. അവിടുത്തെ മുഴുവൻ കുടുംബങ്ങൾക്കും ഓണത്തിന് സൗജന്യമായി ഓണക്കിറ്റ് നൽകി. 9500 രൂപ ഈ ഇനത്തിൽ ചെലവായി. അടിസ്ഥാനസൗകര്യങ്ങൾ ഇല്ലാത്തതിനാൽ ഈ കോളനിയിൽ 3 കുടുംബങ്ങൾക്കു ചെലവുകുറഞ്ഞ ടോയ്‍ലറ്റ് നല്ലപാഠം പ്രവർത്തകർ നിർമ്മിച്ചുനൽകി. 12000 രൂപ നിർമ്മാണത്തിനുവേണ്ടിവന്നു. ഗുരുതരകരൾരോഗം ബാധിച്ച പൂർവ്വ വിദ്യാർത്ഥി അമലിന് ചികിത്സാ സഹായമായി 30000 രൂപനൽകി. മേൽപ്രവർത്തനങ്ങൾക്കാവശ്യമായ തുകയത്രയും വിദ്യാർത്ഥികളിൽനിന്നും അധ്യാപകരിൽനിന്നും സമാഹരിക്കുകയാണ് ചെയ്കതത്. എം.കെ. രതീഷ് മാഷും കെ.കെ ബിജുമാഷുമാണ് നല്ലപാഠം കൺവീനർമാർ.

സീഡ്

പരിസ്ഥിതി സംരക്ഷണവും ജൈവകൃഷിയും പ്രോത്സാഹിപ്പിക്കുന്ന പ്രവർത്തനങ്ങൾ സീഡ്ക്ലബ്ബ് നടത്തുന്നു. സ്കൂളിൽ ധാരാളം പച്ചക്കറികൾ ഉൽപാദിപ്പിക്കാൻ സീഡ്ക്ലബ്ബിനു കഴിഞ്ഞിരിക്കുന്നു. തക്കാളി, വെണ്ട, പയർ, മുളക്, കാബേജ്, വഴുതന മത്തൻ ചേമ്പ്, തുടങ്ങിയ പച്ചക്കറിയിനങ്ങൾ കഴിഞ്ഞവർഷം ഉൽപാദിപ്പിച്ചു. നടുന്നതിനാവശ്യമായ പച്ചക്കറി തൈകൾ ലയൺസ് ക്ലബ്ബ് വാകേരിയാണ് സംഭാവനചെയ്ത്ത്. ബയോളജി അധ്യാപിക സജിന ടീച്ചറാണ് സീഡ്ക്ലബ്ബിന് മേൽനോട്ടം വഹിക്കുന്നത്.

സയൻസ് ക്ലബ്ബിന്റെ പ്രവർത്തനങ്ങളും എടുത്തുപറയേണ്ടതാണ്. സ്കൂളിലെ ശാസ്ത്രമേള മികവുറ്റരീതിയിൽ സംഘടിപ്പിച്ചു. ഉപജില്ലാശാസ്ത്രമേളയിൽ പ്രൊജക്ടുകൾ, സെമിനാർ, പ്രാദേശിക ചരിത്രം, തുടങ്ങിയ മത്സര ഇനങ്ങളിൽ കുട്ടികൾ പങ്കെടുത്തു. സീനിയർ അസിസ്റ്റന്റ് സിനിമോൾ ടീച്ചറും രമ്യടീച്ചറുമാണ് സയൻസ് ക്ലബ്ബിന്റെ ചുമതലവഹിക്കുന്നത്.

2015-16 അദ്ധ്യയനവർഷത്തിലെ പ്രവേശനോത്സവം മുതൽ സ്കൂളിൽ ആചരിക്കേണ്ടതും ആഘോഷിക്കേണ്ടതുമായ എല്ലാ ദിനങ്ങളും കൃത്യതയോടെ മികവുറ്റതാക്കി. മെഡിക്കൽക്യാമ്പ്, വായനാദിനം, പൂക്കളമത്സരം, ഓണാഘോഷം, അധ്യാപകദിനം, ക്രിസ്തുമസ്, ബഷീർദിനാചരണം, അബ്ദുൾകലാം അനുസ്മരണം, സ്മൃതിവൃക്ഷംനടീൽ, ചാന്ദ്രദിനം, ഹിരോഷിമ, നാഗസാക്കിദിനാചരണം തുടങ്ങി എല്ലാ ദിനാചരണങ്ങളും പങ്കളിത്തം കൊണ്ടും ആശയംകൊണ്ടും വിജയകരമായി സംഘടിപ്പിച്ചു. ഈ ദിനാഘോഷങ്ങൾ വിജയകരമാക്കിത്തീർത്തതിന് സഹകരിച്ച വിദ്യാർത്ഥികളേയും അധ്യാപകരേയും അഭിനന്ദനമറിയിക്കാൻ ഈ അവസരം ഉപയോഗിക്കുന്നു.

സ്കൂൾ സൊസൈറ്റി

സ്കൂൾ സൊസൈറ്റി 40 വർഷമായി സ്കൂളിൽ പ്രവർത്തിച്ചുവരുന്നു. നമ്മുടെ സ്കൂളിലെ കുട്ടി കൾക്കുള്ള പാഠപുസ്തകങ്ങൾ വിതരണംചെയ്യുകയാണ് മുഖ്യലക്ഷം. ഈ സൊസൈറ്റിയിൽ‌ നിന്നാണ് സമീപത്തെ സ്കൂളുകളായ കക്കടം, സിസി, ശ്രീനാരായണപുരം, പഴുപ്പത്തൂർ എന്നിവിടങ്ങളിലേക്കു പുസ്തകങ്ങൾ നൽകുന്നത്. ജനാധിപത്യരീതിയിൽ തെരഞ്ഞെടുക്കപ്പെട്ട ഭരണസമിതിയാണ് ഭരണം നിർവ്വഹിക്കുന്നത്. ഗണിതാദ്ധ്യാപകൻ ശ്രീ ഷാജൻമാഷാണ് സൊസൈറ്റി പ്രസിഡന്റ്. കഴിഞ്ഞവർഷം മുതൽ സൊസൈറ്റി വഴി വിദ്യാർത്ഥികൾക്കാവശ്യമായ നോട്ട് ബുക്കുകൾ മറ്റ് പഠനോപകരണങ്ങൾ എന്നിവയും വിലകുറച്ച് വിൽപ്പന നടത്തുന്നു.

എസ് പി സി

44 കുട്ടികൾ വീതമുള്ള 2 സ്റ്റുഡന്റ് കേഡറ്റ് പോലീസ് ബാച്ചുകൾ നമുക്കുണ്ട്. 2016 മാർച്ചിലെ എസ് എസ് എൽ സി പരീക്ഷയിൽ 44 കുട്ടികൾക്ക് എസ് പി സി യുടെ ഗ്രേസ്മാർക്ക് ലഭിച്ചു. രമ്യ കെ ആർ, എം.കെ രതീഷ് എന്നീ അധ്യാപകരാണ് എസ് പി സിയടെ ചുമതല വഹിക്കുന്നത്. എസ് പി സി കുട്ടികൾക്കായി ആരംഭിച്ച ബാന്റ് സെറ്റിന്റെ പരിശീലനം പൂർത്തിയാക്കാൻ സാധിച്ചു. 2016 ജനുവരി 26ന് റിപ്പബ്ലിക്ക് ദിനത്തിൽ ഔഗ്യോഗികമായി ഉദ്ഘാടനംചെയ്ത് നമ്മുടെ ബാന്റ്സെറ്റ് പരേഡ്നടത്തി. കൽപ്പറ്റ എസ് കെ എംജെ സ്കൂൾഗ്രൗണ്ടിൽ നടന്ന ജില്ലാതല റിപ്പബ്ലിക് ദിനാഘോഷത്തിലാണ് അരങ്ങേറ്റം നടത്തിയത്. സ്കൂൾതല പരേഡ് ഫെബ്രുവരി 6ന് നടത്തി.

നീന്തൽ പരിശീലനം

കഴിഞ്ഞ ജനുവരി ഫെബ്രുവരി മാസങ്ങളിലായി 2015-16 വർഷത്തെ നീന്തൽ പരിശീലനം സംഘടിപ്പിച്ചു. വിജയകരമായി പരിശീലനം പൂർത്തിയാക്കിയവർക്ക് ജില്ലാ സ്പോർട്ടസ് കൗസിലിന്റെ സർട്ടിഫിക്കറ്റ് ലഭ്യമാക്കി. സർട്ടിഫിക്കറ്റ് വിതരണം ജില്ലാ സ്പോർട്ടസ് കൗൺസിൽ പ്രസിഡന്റ് ശ്രീ മോയിൻ കടവൻ നിർവ്വഹിച്ചു. കുട്ടികൾക്കു പരിശീലനം നൽകിയത് വേലിയമ്പം സ്കൂളിലെ സ്പോർട്ടസ് അധ്യാപകൻ ശ്രീ ഡിവൻ മാഷാണ്. എസ് പി സി, നല്ലപാഠം സംയുക്തമായാണ് നീന്തൽ പരിശീലനം നൽകിയത്.

ബാലമുകുളം, പ്രസാദം

ഭാരതീയ ചികിത്സാവകുപ്പ് വിദ്യാർത്ഥികൾക്കായി നടപ്പാക്കുന്ന സൗജന്യ ചികിത്സാ പദ്ധതിയാണ് ബാലമുകുളവും പ്രസാദവും. ജില്ലയിൽ 5 സ്കൂളുകളിലാണ് ഈ പദ്ധതി നടപ്പാക്കിയത്. അതിലൊന്ന് നമ്മുടെ സ്കൂൾ ആയിരുന്നു. 1 മുതൽ 8 വരെ ക്ലാസിലുള്ള മുഴുവൻ കുട്ടികൾക്കും പത്താം ക്ലാസ് വരെയുള്ള എല്ലാ എസ്റ്റി വിഭാഗം കുട്ടികൾക്കും സൗജന്യമായി ചികിത്സയും ആയുർവേദമരുന്നുകളും ലഭ്യമാക്കി.

നിർമ്മാണ പ്രവർത്തനങ്ങൾ

കാര്യമായ നിർമ്മാണപ്രവർത്തങ്ങളൊന്നുംതന്നെ കഴിഞ്ഞ അക്കാദമിക വർഷത്തിൽ നടന്നിട്ടില്ല. സർക്കാർ, ജില്ലാപഞ്ചായത്ത് തലങ്ങളിൽനിന്ന് പുതിയ പദ്ധതികളൊന്നും നമ്മുടെ സ്കൂളിന് ലഭിച്ചില്ല. 250000 രൂപയുടെ മെയിന്റനൻസ് ഗ്രാന്റ് ലഭിച്ചു. ക്ലാസ്മുറികളും വരാന്തയും ടൈൽചെയ്യുന്നതിനായി ഈ തുക വിനിയോഗിച്ചു. കുട്ടികൾക്കു കൈകഴുകുന്നതിനായി പിടിഏ ഒരു വാഷ്ബേസിൻ നിർമ്മിച്ചു. 38000 രൂപ ചെലവു വന്നിട്ടുണ്ട്. പ്രധാനകെട്ടിടവും കഞ്ഞിപ്പുരയും പെയിന്റ് ചെയ്തു ഭംഗിയാക്കി.

മറ്റുപ്രവർത്തനങ്ങൾ

2016 മാർച്ചിൽ എസ്എസ്എൽസി പരീകിഷ എഴുതിയ കുട്ടികൾക്കായി ജനുവരിമാസം മുതൽ പ്രത്യേക പരിശീലനക്യാമ്പ് സംഘടിപ്പിച്ചു. എസ്എസ്എൽസി പരീകിഷ ജയിച്ചകുട്ടികളെ പിടിഏയുടെ നേതൃത്വത്തിൽ അനുമോദിച്ചു. പഞ്ചായത്തുതല അനുമോദനയോഗം നമ്മുടെ സ്കൂളിൽ വച്ചാണ് നടന്നത്. പഞ്ചായത്തു പ്രസിഡന്റ് ശ്രീമതി രുഗ്മണിസുബ്രഹ്മണ്യൻ അനുമോദനയോഗം ഉദ്ഘാടനം ചെയ്തു. വാർഡുമെമ്പർമാർ പങ്കെടുത്തു. IT@ School ൽ വർക്ക് അറേഞ്ച്മെന്റിൽ പോയിട്ടുള്ള അധ്യാപകൻ ശ്രീജിത്ത് കൊയ് ലോ ത്തിനുപകരം ദിവസവേതനാടിസ്ഥാനത്തിൽ താൽക്കാലികമായി അധ്യാപികയെ നിയമിച്ചു. സ്കൂളിൽ തൊഴിൽ പരിശീലനത്തിന്റെ ഭാഗമായി താൽപര്യമുള്ള കുട്ടികൾക്ക് തയ്യൽ പഠിക്കുന്നതിനായി സൗകര്യമൊരുക്കുകയും പരിശീലനം നൽകുന്നതിനായി ഒരു താൽക്കാലിക പരിശീലകയെ നിയമിക്കുകയും ചെയ്തു. സ്കൂളിലെ ജീവനക്കാരൻ ആയിരുന്ന ശ്രീ അഹമ്മു റിട്ടയർ ചെയ്തപ്പോൾ അദ്ദേഹത്തിന് പിടിഏ ഉപഹാരം നൽകി.

സ്കൂളിന്റെ വികസനത്തിലും അക്കാദമികവും അക്കാദമികേതരവുമായ പ്രവർത്തനങ്ങളിലുമെല്ലാം കർമ്മോത്സുകതയോടെ പങ്കാളിത്തം വഹിക്കാൻ ഈ പിടിഏ ശ്രമിച്ചിട്ടുണ്ട്. വലിയകാര്യങ്ങൾ ചെയ്തു എന്ന അവകാശമുന്നയിക്കാതെ കഴിഞ്ഞഒരു വർഷത്തെ പ്രവർത്തനങ്ങളുടെ രേഖ നിങ്ങളുടെ വിശകലനത്തിനും വിലയിരുത്തലിനും വിമർശനത്തിനുമായി സമർപ്പിക്കുന്നു. …...................

…..നന്ദി.......

• ഹാജർനില

2015-16 അദ്ധ്യായന വർഷത്തിൽ അകെ 8 PTA യോഗങ്ങളാണ് ചേർന്നത്. ഈ യോഗങ്ങളിൽ പങ്കെടുത്ത രക്ഷിതാക്കളുടെ പ്രതിനിധികളായ എക്സിക്യുട്ടീവ് അംഗങ്ങളുടെ ഹാജർനില ഇനി പറയും പ്രകാരമാണ്.

ഷാജി സി. എം 7
ഗിരിജാമണി 2
 കെ.കെ അബൂബക്കർ 6
വി.കെ രാജൻമാസ്റ്റർ 2
ബാബുമടൂർ 5
രാജേന്ദ്രൻ 7
സി.പി.മുനീർ 0
കക്കടം റസാഖ് 1
കൊടൂർ സുരേഷ് 3
ജയ്സി പുളിക്കൽ 0
സിന്ധുപ്രകാശ് 6

മുൻവർഷങ്ങളിലെ പിടിഎ കമ്മറ്റികൾ

2015 - 16

• പിടിഎ പ്രസിഡന്റ് ഷാജി ചൊറിക്കാവിൽ

ശ്രീ ഷാജി ചൊറിക്കാവിൽ

2014 - 15

• പിടിഎ പ്രസിഡന്റ് സുനിൽകുമാർ കേളനാംതടത്തിൽ

സുനിൽകുമാർ കെ. ഐ

2013 - 14

• പിടിഎ പ്രസിഡന്റ് കെ. കെ. അബൂബക്കർ പാലത്തിങ്കൽ

അബൂബക്കർ

2012 - 13

• പിടിഎ പ്രസിഡന്റ് ഷാജി ചൊറിക്കാവിൽ

2011 - 12

• പിടിഎ പ്രസിഡന്റ് ഷാജി ചൊറിക്കാവിൽ

2010 - 11

• പിടിഎ പ്രസിഡന്റ് ഷാജി ചൊറിക്കാവിൽ

2009 - 10

• പിടിഎ പ്രസിഡന്റ് സുരേഷ് പുലിക്കുന്നേൽ

പി. കെ സുരേഷ്

2008 – 09

• പിടിഎ പ്രസിഡന്റ് ഒ എം ഷാജി

2007 – 08

• പിടിഎ പ്രസിഡന്റ് ഇ കെ ബാലകൃഷ്ണ്ൻ

ശ്രീ ഇ. കെ ബാലകൃഷ്ണൻ

2006 – 07

• പിടിഎ പ്രസിഡന്റ് പി വി ദാമോദരൻ

2005 – 06

• പിടിഎ പ്രസിഡന്റ് വിശ്വാമിത്രൻ കരിമ്പനക്കൽ

2004 – 05

• പിടിഎ പ്രസിഡന്റ് വളവിൽ പക്കർ

2003 – 04

• പിടിഎ പ്രസിഡന്റ് വളവിൽ പക്കർ

പക്കർ PTA President

2002 – 03

• പിടിഎ പ്രസിഡന്റ് പി വി ദാമോദരൻ

2001 – 02

.സി. ആർ സുകുമാരൻ

C R സുകുമാരൻ

1999 – 2000

ടി. പി മാധവൻ

ടി പി മാധവൻ