"എ യു പി എസ് ദ്വാരക" എന്ന താളിന്റെ പതിപ്പുകൾ തമ്മിലുള്ള വ്യത്യാസം

===== കോളനി പി.ടിഎ =====

ഈ വര്‍ഷം നല്ലപാഠം യൂണിറ്റിന്റെ ആഭിമുഖ്യത്തില്‍ പിന്നോക്ക വിഭാഗക്കാരുടെ വീടുകളില്‍ ചെന്ന് പ്രാദേശിക പി.ടി.എ രൂപീകരിച്ചു. കുട്ടികള്‍ തുടര്‍ച്ചയായി ക്ലാസുകളില്‍ വരേണ്ടതിന്റെ ആവശ്യകതയെ കുറിച്ച് ബോധവല്‍ക്കരണ ക്ലാസുകള്‍ സംഘടിപ്പിച്ചു. കോളനിയിലെ വിദ്യാസമ്പന്നരായ ആളുകള്‍, എസ്.ടി പ്രമോട്ടര്‍മാര്‍ എന്നിവരെ ഉള്‍പ്പെടുത്തി കമ്മിറ്റികള്‍ രൂപീകരിച്ചു. ഇവരുടെ നേതൃത്വത്തില്‍ ജാഗ്രതാസമിതിയും പ്രവര്‍ത്തിച്ചു വരുന്നു. തുടര്‍ന്ന് വിവിധ കോളനികള്‍ കേന്ദ്രീകരിച്ച് തുടര്‍പ്രവര്‍ത്തനങ്ങള്‍ നടന്നുവരുന്നു. ഇതിലൂടെ കൊഴിഞ്ഞ്പോക്ക് തടയാനും കുട്ടികളെ തുടര്‍ച്ചയായി വിദ്യാലയങ്ങളിലേക്കെത്തിക്കാനും സാധിക്കുന്നു. ഗോത്രസാരധി പദ്ധതിയും നല്ല രീതിയില്‍ നടപ്പിലാക്കി വരുന്നു.

===== ക്ലാസ് ലൈബ്രറി =====

കുട്ടികളില്‍ വായനാശീലം വര്‍ദ്ധിപ്പിക്കാനും , പൊതു വിജ്ഞാനം വര്‍ദ്ധിപ്പിക്കാനും ക്ലാസ് ലൈബ്രറികള്‍ സഹായകമാകുന്നു. ക്ലാസിലെ ഓരോ കുട്ടിയും പുസ്തകങ്ങള്‍ സംഭാവന ചെയ്ത് ക്ലാസ് ലൈബ്രറിയെ സമ്പന്നമാക്കുന്നു. ബാലസാഹിത്യങ്ങള്‍, കഥ, കവിത, കടംകഥ, ജീവചരിത്രങ്ങള്‍ തുടങ്ങിയ പുസ്തകങ്ങള്‍ വായിച്ച് വിദ്യാര്‍ത്ഥികള്‍ വിശ്രമവേളകളില്‍ വായനയുടെ വസന്തം വിരിയിക്കുന്നു. ഈ വര്‍ഷത്തെ ക്ലാസ് ലൈബ്രറിയുടെ ഉദ്ഘാടനം പ്രാദേശിക കവി ശ്രീ പ്രേമചന്ദ്രന്‍ ചിക്കല്ലൂര്‍ ഉദ്ഘാടനം ചെയ്തു.