കെ.വി.യു.പി.എസ്. വളഞ്ഞവട്ടം

കെ.വി.യു.പി.എസ്. വളഞ്ഞവട്ടം
വിലാസം
വളഞ്ഞവട്ടം
വിദ്യാഭ്യാസ ഭരണസംവിധാനം
റവന്യൂ ജില്ല	പത്തനംതിട്ട
വിദ്യാഭ്യാസ ജില്ല	തിരുവല്ല
സ്കൂൾ ഭരണ വിഭാഗം
മാദ്ധ്യമം	മലയാളം‌
അവസാനം തിരുത്തിയത്
03-02-2017	37269

ജില്ലയിലെ ഏറ്റവും പഴക്കമേറിയ വിദ്യാലയങ്ങളിലൊന്നാണ്.

ചരിത്രം

വിദ്യാലയ ചരിത്ര സംക്ഷിപ്തം സ്ഥാപിതം 1926

വളഞ്ഞവട്ടം കരയില്‍ 1,2,3 വാര്‍ഡുകളില്‍ സ്കൂളുകള്‍ ഒന്നും തന്നെ ഈ സ്കൂള്‍ സ്ഥാപിക്കുന്ന സമയത്ത് ഉണ്ടായിരുന്നില്ല.സാമ്പത്തികപരമായും വിദ്യാഭ്യാസപരമായും വളരെ പിന്നോക്കം നിന്നിരുന്ന ജനങ്ങളായിരുന്നു ഇവിടെ വസിച്ചിരുന്നത്. വിദ്യാഭ്യാസം നേടണമെന്ന് ആഗ്രഹ്മുണ്ടയിരുന്നവര്‍ക്കുപോലും യാത്രാ സൗകര്യക്കുറവും സാമ്പത്തികശേഷി ഇല്ലായ്മയും മൂലം അതിനു കഴിഞ്ഞില്ല. ഈ നാട്ടിലെ എല്ലാ കുട്ടികളും വിദ്യാഭ്യാസം നേടണമെന്ന ആഗ്രഹത്തോടെ നാട്ടിലെ ചില പ്രമുഖ വ്യക്തികള്‍ മുന്നിട്ടിറങ്ങി. അന്ന് സാമ്പത്തികമായി മുന്നോക്കം നിന്നിരുന്നവരും നാട്ടുകാരുടെ നന്മ ആഗ്രഹിച്ചിരുന്നവരുമായ "മുട്ടത്തില്ലം", "പുന്നക്കുടി" എന്നി കുടുംബക്കാര്‍ സ്ക്കൂള്‍ നിര്‍മിക്കാന്‍ സ്ഥലം സൗജന്യമായി നല്‍കി. ഈ സ്ഥലത്ത് പുന്നക്കുടി കുടുംബക്കാര്‍ സ്കൂളിനായി കെട്ടിടം നിര്‍മിക്കുകയും അതിനു വേണ്ട സൗകര്യങ്ങള്‍ ഒരുക്കുകയും ചെയ്തു. ദീര്‍ഘകാലം പുന്നക്കുടി കുടുംബത്തിന്‍റെ ഉടമസ്ഥതയില്‍ തുടര്‍ന്ന് വരവേ പുന്നക്കുടിയില്‍ കാക്കനാട് ശ്രീമാന്‍ ശിവശങ്കരപിള്ള മാനേജരായി ഇരുന്ന സമയത്ത് 1959 ല്‍ സ്കൂളും സ്ഥലവും 1532 ആം നമ്പര്‍ എന്‍ എസ് എസ് കരയോഗം വിലയ്ക്ക് വാങ്ങി.അന്ന് സ്കൂളിനു ഒരു കെട്ടിടം മാത്രമേ ഉണ്ടായിരുന്നുള്ളൂ. 1 മുതല്‍ 4 വരെ ക്ലാസ്സുകളാണ് ഉണ്ടായിരുന്നത്. 1963 ല്‍ 8600 രൂപ ചെലവു ചെയ്ത് ഒരു കെട്ടിടം കൂടി ഉണ്ടാക്കി. 1964 ല്‍ ലോവര്‍ പ്രൈമറി സ്കൂള്‍ upgrade ചെയ്യുന്നതിന് അപേക്ഷ കൊടുത്തു ഏഴാം ക്ലാസ്സ്‌ വരെയുള്ള ഈ സ്കൂളില്‍ 1976 ല്‍ ഓരോ ക്ലാസ്സിലും മൂന്നു ഡിവിഷന്‍ വീതം ഉണ്ടായിരുന്നു. ഏറ്റവും കൂടുതല്‍ കുട്ടികള്‍ പഠിച്ചിരുന്നത് 1976-77 ലായിരുന്നു. പട്ടികജാതി കുട്ടികള്‍ ധാരാളം ഈ സ്കൂളില്‍ പഠിച്ചിരുന്നു. 18 അധ്യാപകര്‍ ഈ സ്കൂളില്‍ ജോലി ചെയ്തിരുന്നു. കുട്ടികള്‍ വര്‍ദ്ധിച്ചതോടു കൂടി 1974 ല്‍ ഒരു കെട്ടിടം കൂടി പണിതു. അതോടു കൂടി 8400 Sq.ft സ്ഥലസൗകര്യം ഉണ്ടായി. ഈ സ്കൂളില്‍ നിന്നും പഠിച്ചു പോയിട്ടുള്ള കുട്ടികളില്‍ പലരും ഉന്നത സ്ഥാനങ്ങളില്‍ എത്തിയവരാണ്. കലാ കായിക മത്സരങ്ങള്‍, സ്ക്കോളര്‍ഷിപ്പുകള്‍ എന്നിവ നിരവധി കുട്ടികള്‍ കരസ്ഥമാക്കിയിട്ടുണ്ട്. ഈ വിദ്യാലയം പലതരത്തില്‍ പ്രയോജനപ്പെടുന്നുണ്ട്. വിവാഹങ്ങള്‍, പഞ്ചായത്ത് തല സമ്മേളനങ്ങള്‍, ദുരിതാശ്വാസ ക്യാമ്പ്‌ എന്നിങ്ങനെ. മൂന്നു ഡിവിഷനുകള്‍ വരെ ഉണ്ടായിരുന്ന ഈ സ്കൂളില്‍ ഇംഗ്ലീഷ് മീഡിയം സ്കൂളുകളുടെ വര്‍ധനവ്‌ മൂലം ഓരോ ഡിവിഷനുകളായി മാറി. ഓരോ ഡിവിഷനുകളിലും ആവശ്യമായ കുട്ടികള്‍ ഇല്ലാതാകുകയും അധ്യാപകരുടെ ശ്രമഫലമായി ഓരോ ഡിവിഷനുകളിലും ആവിശ്യമായ കുട്ടികള്‍ എത്തുകയും അങ്ങനെ സ്കൂള്‍ പുരോഗതിയുടെ പാതയിലേക്ക് എത്തുകയും ചെയ്തു.

പാഠ്യേതര പ്രവര്‍ത്തനങ്ങള്‍

• എസ്.പി.സി
• എന്‍.സി.സി.
• ബാന്റ് ട്രൂപ്പ്.
• വിദ്യാരംഗം കലാ സാഹിത്യ വേദി.|
• ക്ലബ്ബ് പ്രവര്‍ത്തനങ്ങള്‍.