കുന്നുവാരം യു.പി.എസ്. ആറ്റിങ്ങൽ

ഇംഗ്ലീഷ് വിലാസം

https://schoolwiki.in/Kunnuvaram_U.P.S._Attingal

കുന്നുവാരം യു.പി.എസ്. ആറ്റിങ്ങൽ
വിലാസം
കുന്നുവാരം
വിദ്യാഭ്യാസ ഭരണസംവിധാനം
റവന്യൂ ജില്ല	തിരുവനന്തപുരം
വിദ്യാഭ്യാസ ജില്ല	ആറ്റിങ്ങല്‍
സ്കൂൾ ഭരണ വിഭാഗം
മാദ്ധ്യമം	മലയാളം
അവസാനം തിരുത്തിയത്
27-01-2017	നവീൻ ശങ്കർ

തിരുവനന്തപുരം ജില്ലയിൽ ആറ്റിങ്ങൽ ദേശത്ത് കുന്നുവാരം എന്ന സ്ഥലത്ത് സ്ഥിതിചെയ്യുന്ന ഒരു പൊതുവിദ്യാലയമാണ് കുന്നുവാരം യു.പി.എസ്. ആറ്റിങ്ങൽ. കുന്നുവാരം എന്ന പ്രദേശത്തെ പൊതുജനങ്ങളുടെ മേൽനോട്ടത്തിലുള്ള ഒരു എയ്ഡഡ് വിദ്യാലയമാണിത്. കേരള സർക്കാരിന്റെ എസ്.സി.ഇ.ആർ.ടി. അനുശാസിക്കുന്ന പാഠ്യപദ്ധതിയനുസരിച്ച് പ്രവർത്തിക്കുന്ന ഈ വിദ്യാലയത്തിൽ ഒന്നുമുതൽ ഏഴുവരെ ക്ലാസുകളാണ് ഉള്ളത്. ഇവയ്ക്കൊപ്പം തന്നെ ഈ വിദ്യാലയത്തിൽ കേരള സാമൂഹികക്ഷേമവകുപ്പിനു കീഴിൽ പ്രവർത്തിക്കുന്ന അംഗനവാടിയുമുണ്ട്. അങ്ങനെ, പ്രീ-പ്രൈമറി തലം മുതൽ അപ്പർ പ്രൈമറി തലം വരെയുള്ള വിദ്യാഭ്യാസം ഇവിടെനിന്ന് ലഭ്യമാകുന്നു.

യൗവനം കാത്തുസൂക്ഷിക്കുന്ന ശതാബ്ദി കഴിഞ്ഞ മുത്തശ്ശി വിദ്യാലയത്തിന്‍െറ സമര്‍പ്പണം

ഈ മഹാവിദ്യാലയത്തിലൂടെ കടന്നു പോയ പൂര്‍വ്വ വിദ്യാര്‍ത്ഥികള്‍, പ്ര‍ശസ്തരും സാധാരണക്കാരുമായ അനേകം മഹാന്‍മാരെ വാര്‍ത്തെടുത്ത ഗുരുനാഥന്‍മാര്‍, നല്ലവരായ നാട്ടൂകാര്‍, കാലാകാലങ്ങളില്‍ ഈ സ്ഥാപനം നിലനിര്‍ത്തിയ രക്ഷിതാക്കള്‍, ഈവിദ്യാലയത്തെ നെ‍ഞ്ചിലേറ്റി വളര്‍ത്തിയ സ്നേഹധരരായ എല്ലാപേര്‍ക്കുമായി ഈ താളുകള്‍ സമര്‍പ്പിക്കുന്നു.

ചരിത്രം

പണ്ട് അക്ഷരങ്ങള്‍ വിരിഞ്ഞത് മണലിലാണ്. വിരലുകള്‍ വരഞ്ഞുണ്ടായത് അക്ഷരമാമ വിദ്യയും നിലത്തെഴുത്താശാന്റെ കുുടിപ്പള്ളിക്കൂടം കാലത്തിന്‍റെ അനിരുദ്ധമായ പ്രവാഹത്തില്‍ പൊലി‍‍ഞ്ഞുപോകാതെ ഒരുപാടു തലമുറകളുടെ അകകണ്ണുതുറപ്പിച്ചു നൂറാം വയസ് കഴിഞ്ഞ മഹത് ചരിത്രത്തിന്‍റെ തിടമ്പേറ്റുന്ന നാടിനെ തഴുകി വീശുന്ന കാറ്റില്‍ താവുന്നത് വിജ്ഞാനത്തിന്റെയും വിദ്യാഭ്യാസത്തിന്റേയൂം ഫലശ്രൂതി

ആറ്റിങ്ങൽ മുനിസിപ്പാലിറ്റിക്കുള്ളില്‍ ഗ്രാമീണശൈലിയില്‍ പേരുപോലെ ലേശം കുന്നിൻ മുകളിലായി പ്രകൃതിയാല്‍ അനുഗ്രഹീതമായ കാവുകളാലും വയലുകളാലും തങ്കത്താലി ചാര്‍ത്തിയ മഹനീയമായ ഈ വിദ്യാലയത്തിന‍് 2012 ല്‍ നൂറുവയസ് തികഞ്ഞു. ഒരു കൊച്ചുപ്രദേശത്തെ ഈ കൊച്ചുപള്ളിക്കൂടം ഒരു പക്ഷേ അത്ര ഒരു കൊച്ച് കാര്യം അല്ല. ഒരു നാടിന്റെ സാംസ്കാരിക ചരിത്രത്തിന്റേയും വിദ്യാഭ്യാസ പാര്യമ്പര്യത്തിന്റേയൂം തുടരുന്ന ചരിത്രമാണ്. കുന്നുവാരത്ത് പണ്ട് ആയിപ്പള്ളി എന്നറിയപ്പെട്ടിരുന്ന ഒരു കുടിപ്പള്ളിക്കൂടം ഉണ്ടായിരുന്നു.

കൂടുതൽ വായിക്കുക >>>

പാഠ്യേതര പ്രവര്‍ത്തനങ്ങള്‍

• സംസ്കൃതകൗണ്‍സില്‍
• ഗണിത ക്ലബ്ബ്
• സയന്‍‌സ് ക്ലബ്ബ്
• ഐ.ടി. ക്ലബ്ബ്
• സാമൂഹ്യശാസ്‌ത്ര ക്ലബ്ബ്
• പരിസ്ഥിതി ക്ലബ്ബ്
• വിദ്യാരംഗം കലാ സാഹിത്യ വേദി
• ഗ്രന്ഥശാല (ലൈബ്രറി)
• ബാലശാസ്ത്ര കോണ്‍ഗ്രസ്സ്
• ഫിലിം ക്ലബ്ബ്
• ജൂനിയർ റെഡ് ക്രോസ് (ജെ. ആർ. സി.)

സ്കൂൾ മാനേജ്മെന്റ്

മറ്റ് എയ്ഡഡ് സ്കൂളുകളിൽ നിന്ന് വ്യത്യസ്തമായി, വളരെയേറെ പ്രത്യേകതകളുള്ള ഒരു മാനേജ്മെന്റാണ് കുന്നുവാരം യു.പി. സ്കൂൾ, ആറ്റിങ്ങലിനുള്ളത്. കുന്നുവാരം എന്ന പ്രദേശത്തെ നാട്ടുകാർ തന്നെയാണ് ഈ സ്കൂളിന്റെ ഭരണം നിർവഹിക്കുന്നത്. ഈ സ്കൂളിലെ വിവിധ നിർമാണപ്രവർത്തനങ്ങൾക്കും പാഠ്യ-പാഠ്യേതര പ്രവർത്തനങ്ങളുക്കും ഒപ്പം നിന്ന് സഹകരിക്കുന്നതിനും സാമ്പത്തികസഹായം നൽകുന്നതിനും സന്മനസ്സുള്ള കുന്നുവാരത്തെ നാട്ടുകാരാണ് ഈ സ്കൂൾ മാനേജ്മെന്റിലെ ജനറൽ ബോഡി അംഗങ്ങൾ. കാലാകാലങ്ങളിൽ ഈ ജനറൽ ബോഡി അംഗങ്ങൾ പൊതുയോഗം കൂടി തിരഞ്ഞെടുക്കുന്ന ഭരണസമിതിയാണ് വിദ്യാലയത്തിന്റെ ഭരണകാര്യങ്ങൾ നിർവഹിക്കുന്നത്. ഭരണസമിതിയുടെ പ്രസിഡന്റാണ് സ്കൂൾ മാനേജർ.

ഇവര്‍ അമരക്കാര്‍

സ്കൂള്‍ മാനേജര്‍മാര്‍ - നാളിതുവരെ

• ശ്രീ. അച്യുതവാര്യര്‍
• ശ്രീ. എം.ആര്‍. രാമകൃഷ്ണപിള്ള
• ശ്രീ. അഡ്വക്കേറ്റ് ജനാര്‍ദ്ദനന്‍ പിള്ള
• ശ്രീ. ചെല്ലപ്പന്‍പിള്ള
• ശ്രീ. ഗോപിനാഥന്‍നായര്‍
• ശ്രീ. തുളസീദാസ്
• ശ്രീ. ആര്‍. രാമചന്ദ്രന്‍
• ശ്രീ. വി. ശങ്കരനുണ്ണി
• ശ്രീ. ശശിധരന്‍പിള്ള
• ശ്രീ. രാമചന്ദ്രന്‍ നായര്‍

സ്കൂളിലെ പ്രഥമാധ്യാപകർ - നാളിതുവരെ

• ശ്രീ. അച്യുതവാര്യര്‍
• ശ്രീ. കേശവന്‍
• ശ്രീ. കേശവപിള്ള
• ശ്രീമതി ചെല്ലമ്മ
• ശ്രീ. കെ. സുബ്രഹ്മണ്യന്‍ പ്ലാപ്പള്ളി
• ശ്രീ. വി. ശങ്കരനുണ്ണി
• ശ്രീ. എ. ശശിധരന്‍ നായര്‍
• ശ്രീമതി പി. ലീലാകുമാരി
• ശ്രീമതി ബി. രമാദേവി
• ശ്രീമതി വി. ആര്‍. സരോജം
• ശ്രീമതി വി. റീന
• ശ്രീ. ജി.ആർ. മധു

അധ്യാപകരും അനധ്യാപകരും

അധ്യാപകർ

ക്രമസംഖ്യ	അധ്യാപകന്റെ/അധ്യാപികയുടെ പേര്	തസ്തിക	വിഷയങ്ങൾ
1	ജി.ആർ. മധു	പ്രഥമാധ്യാപകൻ	ഹിന്ദി
2	പുലരി ആർ. ചന്ദ്രൻ	യു.പി.എസ്.എ.	ശാസ്ത്രം
3	റീന പി.	എൽ.പി.എസ്.എ	ഗണിതം, മലയാളം
4	ലക്ഷ്മി ബി.എസ്.	എൽ.പി.എസ്.എ	ഗണിതം, മലയാളം
5	ഷൈജു എസ്.ആർ.	എൽ.പി.എസ്.എ	ഗണിതം, മലയാളം, പരിസര പഠനം
6	ബിജു ബി.ജി.	ഹിന്ദി ടീച്ചർ	ഹിന്ദി
7	ഷീജു ബി.ജി.	സംസ്കൃതം ടീച്ചർ	സംസ്കൃതം, മലയാളം
8	സിന്ധു കുമാരി എൽ.	യു.പി.എസ്.എ	ഇംഗീഷ്, സാമൂഹിക ശാസ്ത്രം
9	അഞ്ജലി ജി.	എൽ.പി.എസ്.എ	ഇംഗ്ലീഷ്, മലയാളം
10	അഞ്ജു എ.ജെ.	എൽ.പി.എസ്.എ	മലയാളം, ഗണിതം
11	മീന എം.ആർ.	ടീച്ചർ	ശാസ്ത്രം, ഗണിതം

പ്രീ-പ്രൈമറി വിഭാഗം അധ്യാപകർ

ക്രമസംഖ്യ	പേര്	പദനാമം	അഭ്യുക്തികൾ
1	ലൈല	പ്രീ-പ്രൈമറി അധ്യാപിക
2	വിനീത	പ്രീ-പ്രൈമറി അധ്യാപിക

അനധ്യാപകർ

ക്രമസംഖ്യ	പേര്	പദനാമം	അഭ്യുക്തികൾ
1	ഷാജി വി.ജി.	കാര്യാലയ സഹായി	സ്കൂളിന്റെ ദൈനികകാര്യങ്ങളിൽ സഹായിക്കുന്നു. സ്കൂൾ ബസിന്റെ ഗതാഗത മേൽനോട്ടം നിർവഹിക്കുന്നു.
2	സുപ്രഭ	സ്വീപ്പർ	പാചകം, ശുചീകരണം എന്നിവ നിർവഹിക്കുന്നു

ഭൗതികസൗകര്യങ്ങള്‍

വിശാലമായ കളിസ്ഥലം, അത്യാവശ്യം വേണ്ട ക്ളാസ് മുറികള്‍ ,കൂട്ടികള്‍ക്ക്സുഗമമായി എത്താന്‍ വാഹനം,മികച്ച ലൈബ്രറി , ശിശു സൗഹൃദ പ്രീപ്രൈമറി,ആവശ്യത്തിന് കുടിവെള്ളം.

ലഭ്യതയ്ക്കായ് കാത്തിരിക്കുന്ന സ്വപ്നങ്ങള്‍

നമ്മുടെ വിദ്യാലയം ഒരു എയ്ഡഡ് സ്കൂളായതിനാല്‍ വേണ്ടത്ര സഹായങ്ങള്‍ ഗവ നിന്നും ലഭിക്കുന്നില്ല അതുകൊണ്ട് തന്നെ സമീപത്തുള്ള സര്‍ക്കാര്‍ വിദ്യാലയങ്ങള്‍ക്കൊപ്പം ഭൗതികസാഹചര്യം ഒരുക്കാന്‍ നമുക്ക് സാധിക്കുന്നില്ല. എന്നാല്‍ ചിട്ടയും സംതൃപ്തവും അച്ചടക്കവും ഉള്ള നല്ല വിദ്യാഭ്യാസം മറ്റിതരസ്കൂളുകളെക്കാള്‍ മെച്ചപ്പെട്ടരീതിയില്‍ കൊടുക്കാന്‍ നമ്മള്‍ അശ്രാന്തം പരിശ്രമിക്കുന്നു. പരിമിതികളെ മറികടന്ന് കടന്നുപൊയ്കൊണ്ടിരിക്കുന്ന ഒരു സാദാ എയിഡ്ഡ് സ്കൂളാണ് നമ്മുടേത്. ഒരു നല്ല സ്മാര്‍ട്ട് ക്ലാസ് റൂം, പൊടിരഹിതമായ മൂറ്റം, സൗകര്യമായി പഠിക്കാന്‍ കുറച്ച് ക്ളാസ് മുറികള്‍ കൂടി, ലൈബ്രറിക്കു പ്രത്യേക വിശാലമായ മുറി ഇതൊക്കെ നമ്മുടെ നിറമുള്ള സ്വപ്നങ്ങള്‍ ആണ്

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാര്‍ഗങ്ങൾ ആറ്റിങ്ങൽ കെ.എസ്.ആർ.ടി.സി. ബസ്‌സ്റ്റാൻഡിൽ നിന്നും 2 കി.മി അകലം. -- സ്ഥിതിചെയ്യുന്നു.

{{#multimaps:8.6939629,76.8031453 |zoom=13}}