പള്ളിത്തുറ. എച്ച്.എസ്.എസ്/എന്റെ ഗ്രാമം

പള്ളിത്തുറ തിരുവനന്തപുരം

തിരുവനന്തപുരം  ജില്ലയിലെ പള്ളിത്തുറ എന്ന ഗ്രാമം

പടിഞ്ഞാറ്  അറബിക്കടലും കിഴക്കു പാർവതി പുത്തനാറും  തെക്ക് ബഹിരാകാശ ഗവേഷണകേന്ദ്രവും വടക്കു കിൻഫ്ര അപ്പാരൽ പാർക്കും അതിരിടുന്ന ഭൂമിശാസ്ത്ര പരമായ ഒരു മേഖലയാണ് പള്ളിത്തുറ എന്ന ഗ്രാമം .ഫ്രാൻസിസ് സേവ്യറിന്റെ  ആഗമനത്തിനു മുമ്പുതന്നെ ഇവിടെ ഒരു പള്ളിക്കൂടം ഉണ്ടായിരുന്നതായും ബുദ്ധസന്യാസി മാരാണ്  നടത്തിയിരുന്നതെന്നും പള്ളിക്കൂടം ഉള്ള തുറ എന്ന നിലയിൽ ആണ് പള്ളിത്തുറ എന്ന പേര് വന്നതെന്നും ചരിത്രകാരന്മാരുടെ ഒരുനിഗമനം ഉണ്ട് .

        എന്നാൽ ലഭ്യമായ ചരിത്ര രേഖകൾ വച്ച് 1866 -ൽ വില്യം ബെന്റിക് പ്രഭുവിന്റെ കാലത്താണ് ഇവിടെ ആധുനിക വിദ്യാഭ്യാസത്തിനു തുടക്കം കുറിക്കുന്നത്.

ശ്രീ മൂലം തിരുനാളിന്റെ ഭരണകാലത്തിൽ 1 ഉം 2 ഉം ക്ലാസ്സുകളിൽ ആരംഭിച്ചു പടിപടിയായി വളരുകയും 1998 ൽ ഈ വിദ്യാലയം ഒരു ഹയർ സെക്കന്ററി സ്കൂൾ ആയി മാറുകയും ചെയ്തു .ഈ സ്കൂളിനൊരു ചരിത്രമുള്ളതുപോലെ പള്ളിത്തുറ എന്ന ഗ്രാമത്തിനും ഒത്തിരി ചരിത്ര കഥകൾ നമ്മോടു പറയാൻ ഉണ്ട് .1962 ൽ ഇന്ത്യൻ ബഹിരാകാശ ഗവേഷണ കേന്ദ്രം സ്ഥാപിക്കുന്നതിന് പള്ളിത്തുറ ജനത തങ്ങളുടെ നൂറുകണക്കിന് ഏക്കർ വസ്തുക്കളും നൂറിൽപരം വീടുകളും ദേവാലയവും അതിനോട് ചേർന്നുള്ള സെമിത്തേരിയും സകലമാന വസ്തുവകകളും വിട്ടുകൊടുത്ത ശേഷം ഇപ്പോൾ കാണുന്ന ഭൂപ്രദേശത്തിലേക്കു കുടിയേറുകയാണുണ്ടായത് .

അന്ന് വിട്ടുകൊടുത്ത കെട്ടിടങ്ങൾ എല്ലാം തന്നെയും ബഹിരാ കാശ ഗവേഷണ കേന്ദ്രത്തിൻ്റെ പ്രവർത്തനത്തിനു വേണ്ടി ഇടിച്ചു നിരത്തിയെങ്കിലും പോർച്ചുഗീസ് വാസ്തുശിൽപ രീതിയിൽ പണി കഴിപ്പിച്ച വി. മറിയ മഗ്ദലേന ദേവാലയം അതിൻ്റെ പ്രാചീന ഗരിമ യോടെ ഇന്നും നിലനിർത്തിയിരിക്കുന്നു. ഒരു സ്പെയ്‌സ് മ്യൂസി യം എന്നനിലയിൽ നിലനിർത്തിയിട്ടുള്ള ഈ ദേവാലയം സയൻ സ് ടൂറിസ്റ്റുകളുടെ പ്രധാനപ്പെട്ട ആകർഷണ കേന്ദ്രം ആണ്.

പള്ളിത്തുറയുടെ ചരിത്ര സ്മരണാർത്ഥം പി.എസ്.എൽ.വി യുടെ ഒരു പടുകൂറ്റൻ മാതൃക ഐ .എസ് .ആർ .ഒ അധികൃതർ സ്കൂളിൽ സ്ഥാപിച്ചിരിക്കുന്നു . മാത്രമല്ല മുൻ രാഷ്‌ട്രപതി എ.പി .ജെ .അബ്ദുൽ കലാമിന്റെ പേരിൽ  സ്കൂളിൽ ഒരു ബ്ലോക്ക്  സ്ഥിതിചെയ്യുന്നു.

പൊതുസ്ഥാപനങ്ങൾ

ജനചേതന ഗ്രൻഥശാല

പോസ്റ്റോഫീസ്

പള്ളിത്തുറ ഹയർ സെക്കന്ററി സ്കൂൾ

പ്രശസ്തരായ പൂർവവിദ്യാർത്ഥികൾ

അഡ്വക്കേറ്റ് ഗിഗിന ഇമ്മാനുവേൽ

ഡോ. ജോസഫ് റൊസാരിയോ,

മേജർ ഹെറിക്സൺ എസ് സാമുവൽ

ഡോ .എഫ് .എമ് .ലാസർ