"ജി.എച്ച്.എസ്.എസ്. കുഴിമണ്ണ/പ്രവർത്തനങ്ങൾ/" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കുഴിമണ്ണ ഗവ.ഹയർ സെക്കണ്ടറി സ്കൂളിൽ പൊതു തെരഞ്ഞെടുപ്പ് മാതൃകയിൽ സ്കൂൾ പാർലമെന്റ് തെരഞ്ഞെടുപ്പ് നടത്തി.പൊതു തെരഞ്ഞെടുപ്പിന്റെ നടപടി ക്രമങ്ങൾ പാലിച്ച് നടത്തിയ തെരഞ്ഞെടുപ്പിൽ പ്രിസൈഡിംഗ് ഓഫീസർ, പോളിംഗ് ഉദ്യോഗസ്ഥർ, ബൂത്ത് ഏജന്റ‍ുമാർ എന്നീ ചുമതലകൾ വിദ്യാർത്ഥികൾ തന്നെ നിർവ്വഹിച്ചു.ക്രമസമാധാന ചുമതല സ്കൗട്ട് & ഗൈഡ്സ്, ജെ.ആർ.സി വിദ്യാർത്ഥികൾക്കായിരുന്നു. ഇലക്ട്രോണിക് വോട്ടിംഗ് മെഷീനിനുള്ള സാങ്കേതിക സഹായം ലിറ്റിംഗ് കൈറ്റ്സ് വിദ്യാർത്ഥികൾ നൽകി.കുട്ടികളിൽ ജനാധിപത്യ മൂല്യങ്ങളും പൗരബോധവും നേതൃഗുണവും വളർത്തിയെടുക്കുക എന്ന ലക്ഷ്യത്തോടെ നടത്തിയ തെരഞ്ഞെടുപ്പിന് സോഷ്യൽ സയൻസ് അധ്യാപകരായ ഐ.അബ്ദുൽ ഗഫൂർ, സജിത മക്കാട്ട്, കെ.വി ഫാത്തിമ സുഹ്റ, പി.പി ഷിബിനി എന്നിവർ നേതൃത്വം നൽകി.