എ.എം.യു.പി.എസ് വലിയോറ ഈസ്റ്റ്/പ്രവർത്തനങ്ങൾ/2024-25

2024-25 അധ്യായന വർഷത്തെ പ്രവർത്തനങ്ങൾ

പ്രവേശനോത്സവം - ജൂൺ 3 2024

പൊതുവിദ്യാഭ്യാസ സ്ഥാപനങ്ങൾ മികവിന്റെ കേന്ദ്രങ്ങൾ ആകുന്ന ഈ കാലഘട്ടത്തിൽവലി യോറ ഈസ്റ്റിന്റെ പ്രവേശനോത്സവവും മികവാർന്ന രീതിയിൽ നടന്നു.ഒന്നാം ക്ലാസിലെ നവാഗതരെ സ്വാഗതം ചെയ്യാൻ സ്കൂളും പരിസരവും ആകർഷകമായ രീതിയിൽ തന്നെ ഒരുക്കിയിരുന്നു.പുതിയതായി  സ്കൂളിൽ എത്തിയ ഓരോ കുട്ടിയെയും ബാൻഡ് മേളത്തിന്റെ അകമ്പടിയോടെയാണ് സ്കൂളിലേക്ക് വരവേറ്റത്. ബാൻഡ് മേളത്തിന്റെ അകമ്പടിയോടെ നവാഗതരെ അവരുടെ ക്ലാസ് റൂമുകളിലേക്ക് കൊണ്ടുപോയി. അവിടെ കളർ ബുക്ക്, കളർ ബോക്സ് എന്നിവ അടങ്ങിയ ഗിഫ്റ്റ് അവരെ. കാത്തിരിക്കുന്നുണ്ടായിരുന്നു.പുതിയ അധ്യയന വർഷം മാധുര്യമുള്ളതാക്കാൻ പായസം വിതരണവും ഉണ്ടായിരുന്നു.ഉച്ചഭക്ഷണത്തിന് ശേഷമാണ് ഓരോ കുട്ടിയും സ്കൂളിൽ നിന്നും സ്കൂളിൽ നിന്നും പിരിഞ്ഞത്. ഓരോ കുഞ്ഞു മിഴികളിലും സങ്കടമായിരുന്നില്ല  താൻ എത്തിയ പുതിയ ലോകത്തിലെ പുത്തൻ കാഴ്ചകളുടെ അമ്പരപ്പായിരുന്നു

praveshanolsavam

praveshanolsavm

പരിസ്ഥിതി ദിനം - ജൂൺ 5 2024

ജൂൺ 5 പരിസ്ഥിതി ദിനത്തോട് അനുബന്ധിച്ചു വൃക്ഷതൈ നട്ടു കൊണ്ട് PTA പ്രസിഡന്റ്‌ പി ഗംഗാധരൻ അവറുകൾ ഉദ്ഘാടനം നിർവഹിച്ചു. H.M സോമനാഥൻ sir, സീനിയർ അസിസ്റ്റന്റ് ഗീത ടീച്ചർ, പരിസ്ഥിതിക്ലബ്‌ കൺവീനർ റഫീഖ് മാസ്റ്റർ, ഷമീർ മാസ്റ്റർ, സുഹാന. ZA ടീച്ചർ,അലി അക്ബർ മാസ്റ്റർ, ലീഷ്‌മ ടീച്ചർ, അമീർ മാസ്റ്റർ, സ്കൂളിലെ സ്കൗട്ട്, ഗൈഡ്, cub വിദ്യാർത്ഥി കൾ പരിപാടി യിൽ സംബന്ധിച്ചു.

natural day

വായനാ ദിനം - ജൂൺ 19 2024

വലിയോറ ഈസ്റ്റ്‌ എ. എം.യു. പി സ്കൂളിൽ ലൈബ്രറി വിഭാഗത്തിന് കീഴിൽ വായന വാരാചാരണത്തിന്റെ ഭാഗമായി കോലായ സംഘടിപ്പിച്ചു. പത്രവായനയെ പ്രോത്സാഹിപ്പിക്കുക എന്ന ലക്ഷ്യത്തോടെയാണ് ഈ പദ്ധതി ആവിഷ്കരിച്ചത്. നാട്ടിൻപുറങ്ങളിൽ നിലനിന്നിരുന്ന പത്രവായനയുടെയും അനുബന്ധ ചർച്ചകളുടെയും പുനരാവിഷ്കാരമായിരുന്നു.ദിനാചാരണത്തിന്റെ ഭാഗമായി ക്വിസ് മത്സരങ്ങൾ,വർത്താന വായന, ലൈബ്രറി പുസ്തക വിതരണ ഉദ്ഘാടനം, കഥ പറയൽ, അടിക്കുറിപ്പ് മത്സരം തുടങ്ങിയവും നടന്നു.

ഹെഡ്മാസ്റ്റർ സോമനാഥൻ സാർ ഉദ്ഘാടനം ചെയ്തു. സ്റ്റാഫ് സെക്രട്ടറി വിജയൻ മാസ്റ്റർ അധ്യക്ഷത വഹിച്ചു, അധ്യാപകരായ, സുബൈർ,അലി അക്ബർ,ജാഫർ എ കെ, ഫസലുറഹ്‌മാൻ, ഹരീഷ്, അഫീഫ്, സഹദ് എന്നിവർ നേതൃത്വം നൽകി. ലൈബ്രറി കൺവീനർ സൈനുൽ ആബിദ് സ്വാഗതവും അബ്ദുൽ ജലീൽ നന്ദിയും പറഞ്ഞു.

june 19 reading day

റാബീസ് പേവിഷ ബാധക്കെതിരെ ബോധവത്കരണം

എ. എം യു പി സ്കൂളിൽ റാബീസ് പേവിഷ ബാധക്കെതിരെ ബോധവത്കരണം നടത്തി വിദ്യാർത്ഥികൾ അസംബ്ലിയിൽ പ്രതിജ്ഞ എടുത്തു. വേങ്ങര സി.എച്.സി പ്രതിനിധി ഖൈറുന്നിസ പങ്കെടുത്തു.

ഗാന്ധി ദർശൻ സമിതി ഉദ്ഘാടനം

വലിയോറ ഈസ്റ്റ്‌ എ. എം. യു. പി. സ്കൂളിൽ ഗാന്ധിദർശൻ സമിതി ഉദ്ഘാടനം ഹെഡ്മാസ്റ്റർ ഏ.കെ. സോമനാഥൻ മാസ്റ്റർ വെള്ളരിപ്രാവുകളെ പറത്തി കൊണ്ട് നിർവഹിച്ചു .ഗാന്ധി ദർശൻ സമിതി കൺവീനർ സന്തോഷ്‌ പെരുവയൽ അധ്യക്ഷത വഹിച്ചു.സ്റ്റാഫ് സെക്രട്ടറി എം. പി. വിജയൻ, കെ. വി. അലി അക്‌ബർ, കെ. അമീർ, ഏ. കെ ഷമീർ സംസാരിച്ചു.

gandi dharshan inaguration

പലഹാര മേള

വിവിധങ്ങളായ പലഹാരങ്ങൾ ഒരുക്കി ഒന്നാം ക്ലാസുകാരുടെ പലഹാരമേള. വേങ്ങര വിദ്യാഭ്യാസ ഉപജില്ലയിലെ വലിയോറ ഈസ്റ്റ്എ.എം.യു.പി സ്കുളിലെ ഒന്നാം തരത്തിലെ നാലു ഡി വിഷനുകളും ചേർന്നാണ് പലഹാര മേളയൊരുക്കിയത്. നാടൻ പലഹാരങ്ങൾ കുട്ടികൾ വീടുകളിൽ നിന്ന് തയ്യാറാക്കി എത്തിക്കുകയായിരുന്നു. പലഹാരങ്ങളുടെ പേരും , രുചി വ്യത്യാസങ്ങളും, ഉണ്ടാക്കുന്ന രീതികളുമെല്ലാം കുട്ടികൾ അവതരിപ്പിച്ചു. തുടർന്ന് സ്കൂളിലെ എല്ലാ വിദ്യാർത്ഥികൾക്കും, അധ്യാപകർക്കും പലഹാരങ്ങൾ നൽകിക്കൊണ്ടാണ് മേള അവസാനിച്ചത്. ഒന്നാം തരത്തിലെ അധ്യാപികമാരായ . ഉഷ കെ., ഗീത എം.എസ്, ഷാഹിന കെ, ഇസാന ഭാനു എന്നിവർ മേളക്ക് നേതൃത്വം നൽകി.

വലിയോറ ഈസ്റ്റ് എ എം.യു.പി.സ്കൂൾ ഒന്നാം തരം വിദ്യാർത്ഥികൾ ഒരുക്കിയ പലഹാര മേള