"മാതാ എച്ച് എസ് മണ്ണംപേട്ട/പ്രവർത്തനങ്ങൾ/REPORT 2018-19" എന്ന താളിന്റെ പതിപ്പുകൾ തമ്മിലുള്ള വ്യത്യാസം
| വരി 275: | വരി 275: | ||
==='''ഹിരോഷിമ ദിനം'''=== | ==='''ഹിരോഷിമ ദിനം'''=== | ||
20:02, 30 ജനുവരി 2022-നു നിലവിലുണ്ടായിരുന്ന രൂപം
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | ഹൈസ്കൂൾ | ചരിത്രം | അംഗീകാരം |
2018 -19 കർമ്മ മണ്ഡലത്തിലേക്കൊരു തിരിഞ്ഞു നോട്ടം.
മണ്ണംപേട്ട പ്രദേശത്തിൻെറ തിലകക്കുറിയായി ഗ്രാമത്തിൻെറ സാമൂഹിക സാംസ്കാരിക രാഷ്ട്രീയ പരിവർത്തനങ്ങൾക്ക് വഴിവിളക്കായി നിലക്കൊളളുന്ന മാതാ ഹൈസ്ക്കൂൾ പരിശുദ്ധ അമലോത്ഭവ മാതാവിൻെറ അനുഗ്രഹാശിസുകൾക്കൊണ്ട് സമ്പന്നമാണ് . സ്ക്കൂൾ കെട്ടിട സമുച്ഛയത്തിൻെറ നിർമാണ ഘട്ടത്തിലെ ബാലാരിഷ്ടതകളെല്ലാം പിന്നിട്ടുകൊണ്ട് നാടിൻെറ മുഖച്ഛായമാറ്റുന്ന യശസ്തംഭമായി മാതാസ്ക്കൂൾ പരിലസിക്കുന്നു. സാങ്കേതിക വിദ്യയുടേയും അധികാരത്തിന്റെയും സമ്പത്തിന്റേയും പുത്തൻ സമവാക്യങ്ങളിൽ പുതിയ തലമുറ ഭ്രമിച്ച് മയങ്ങി ഉണർന്നെഴുന്നേല്ക്കുമ്പോൾ ആലസ്യം മാറ്റാൻ യുട്യൂബ് ക്ലിപ്പിംഗ്സും ചാറ്റിങ്ങിന് ഫേസ് ബുക്കും സെർച്ചിങ്ങിന് ഗൂഗിളും മതിയാകാതെ പലതരം ആൻഡ്രോയ്ഡ് ആപ്ലിക്കേഷനുകളെയും ആശ്രയിക്കുന്ന ഈ കാലഘട്ടത്തിൻ, ആത്മവിശ്വാസത്തിന്റെ ഒരു കണിക പോലുമില്ലാതെ ജീവിത പന്ഥാവിൽ പകച്ചു നില്ക്കുകയും പെട്ടെന്ന് ഒരു വിരാമമിട്ടു കൊണ്ട് ജീവിതം മതിയാക്കുകയും ചെയ്യുന്ന ഒരു ന്യൂനപക്ഷത്തെ കണ്ടില്ലെന്ന് നടിക്കാൻ ആർക്കുമാവില്ല.ഇവിടെയാണ് മാതാസ്ക്കൂൾ തങ്ങളുടെ ദൗത്യമെന്തെന്ന് തിരിച്ചറിയുന്നത്. കുട്ടികളിലെ കഴിവുകൾ തിരിച്ചറിയുക, അവ വളർത്തുക, അതിലൂടെ ആത്മവിശ്വാസത്തോടെ മുന്നേറാൻ അവരെ സഹായിക്കുക .ഈയൊരു ലക്ഷ്യത്തോടെ സ്കൂൾ ദിനങ്ങൾ ആരംഭിക്കുന്നതേ 7.30 മുതലുള്ള കായികപരിശീലനത്തിലൂടെയാണ്. തുടർന്ന് 8.30മുതൽ എസ്.എസ്.എൽ,സി വിദ്യാർത്ഥികൾക്ക് 9.45 വരെ പ്രത്യേക ക്ലാസ്സുകൾ നല്കന്നു.
മലയാളത്തിളക്കം എൽ .പി ., യു.പി, റിപ്പോർട്ട്
ഈ അധ്യയന വർഷം നവംബർ മാസത്തിൽ നടത്തിയ മലയാളത്തിളക്കം നല്ലൊരു അനുഭവമായതിനാൽ എല്ലാ അധ്യാപകരും ഏറ്റവും സ്നേഹത്തോടെ അത് സ്വീകരിച്ച .തുടക്കത്തിൽ ടീച്ചേഴ്സിന് ഇതൊരു തിടുക്കപ്പെട്ട ആസൂത്രണ രീതിയായിരുന്നു. എങ്കിലും കുട്ടികളുടേയും മാതാപിതാക്കളുടേയും സഹകരണം അധ്യാപകരെ വളരെയധികം സഹായിച്ചു.നവംബർ 15ന് ആരംഭിച്ച് 26ന് അവസാനിപ്പിക്കുന്ന തരത്തിൽ എട്ട് ദിവസമായി ഒരുക്കിയ ക്ലാസ്സ് കുട്ടികൾക്ക് വേറിട്ട പഠനാനുഭവമായിരുന്നു. ഓരോ ദിവസത്തേയും പ്രവർത്തനങ്ങളിലൂടെ പുതിയ കവിതകൾ ,കഥകൾ, അക്ഷരരൂപീകരണം മുതലായവ കൂടുതൽ പഠിക്കാൻ സാധിച്ചു. വായിക്കാനറിയാത്ത കുട്ടികൾ അവർ തന്നെ മുന്നോട്ട് വന്ന് വായിക്കുന്ന തരത്തിലേക്ക് മാറി എന്നത് എടുത്തു പറയട്ടെ. പങ്കെടുത്ത കുട്ടികൾ ഓരോ ദിവസവും വലിയ താല്പര്യത്തോടെ ഗൃഹപാഠങ്ങൾ ചെയ്തു വന്നിരുന്നു. എട്ടാം ദിവസം വിജയോത്സവ ദിനത്തിൽ ക്ലാസ്സ് പി.ടി.എ.കൂടി.പി.ടി.എയിൽ പങ്കെടുത്ത അമ്മമാർ നല്ല അഭിപ്രായമാണ് പറഞ്ഞത്.അവർ അത് കുട്ടികളുമൊത്ത് പരിശീലിക്കുകയും ചെയ്യുന്നു. എൽ.പി.വിഭാഗത്തിൽ 20 കുട്ടികളും യു പി.വിഭാഗത്തിൻ 23 കുട്ടികളുമായി ക്ലാസ്സ് വിജയകരമായി നടത്തി. അർഹരായ വിദ്യാർത്ഥികൾക്ക് ഫീസ് ഇളവും സൗജന്യമായി പഠനോപകരണങ്ങളും വിതരണം ചെയ്യുന്നു.
വിനോദയാത്ര
അധ്യയന വർഷത്തിലെ സെക്കൻഡ് ടേം എന്നത് വിനോദയാത്രകൾ, കലോത്സവങ്ങൾ, ശാസ്ത്ര പ്രദർശനങ്ങൾ, ഇടയ്ക്ക് വരുന്ന പരീക്ഷകൾ എന്നിവ കൊണ്ട് ആഹ്ലാദ കാരിയാണ്. അധ്യയനത്തിന്റേയും അധ്യാപനത്തിന്റേയും വിരസതയെ മറികടക്കാൻ ഇതു കൊണ്ട് സാധിക്കാറുണ്ട്. എല്ലാ പാഠങ്ങളും പുസ്തകങ്ങളിൽ നിന്നു തന്നെ ലഭിക്കണമെന്നില്ല.ചില പാഠങ്ങൾ ജീവിതവും ചില പാഠങ്ങൾ അനുഭവവും ചില പാഠങ്ങൾ ബന്ധങ്ങളും ചില പാഠങ്ങൾ യാത്രകളും പഠിപ്പിച്ചുതരുന്നു.സ്ക്കൂൾ വിനോദയാത്രകൾ ജീവിതത്തിലുടനീളം മറക്കാനാവാത്തതാണ്.കൂട്ടുകാരൊത്തുള്ള ഇത്തരം യാത്രകൾ നല്കുന്ന ചില അവിസ്മരണീയ മുഹൂർത്തങ്ങൾ ഓർമ്മചെപ്പിലെ അനർഘ സമ്പാദ്യങ്ങളാണ്.അതിനായി നവംബർ 7 ന് പത്താം ക്ലാസ്സുകാർക്കായി മൈസൂർ_ ഊട്ടി (ടിപ്പ് സംഘടിപ്പിച്ചു. മൂന്ന് ദിവസത്തെ യാത്ര കുട്ടികൾ വളരെ ആവേശത്തോടെ നടത്തി.ഭൂരിഭാഗം കുട്ടികളും ആദ്യമായിട്ടായിരുന്നു കൂട്ടുകാരൊത്ത് കേരളത്തിന് പുറത്തേക്ക് യാത്ര നടത്തുന്നത്. അതിനാൽ യാത്രയുടെ ആദ്യാവസാനം വരെയും അവർ ഏറ്റവുമധികം ആസ്വദിച്ചു.വ്യത്യസ്തമായ ഭൂപ്രകൃതി, കാലാവസ്ഥ, ഭാഷ, സംസ്കാരം, ജീവിത രീതികൾ എല്ലാം നേരിട്ട് കണ്ടറിയുകയായിരുന്നു.
ഏകദിന യാത്ര
നവംബർ 23ന് പാലക്കാട്, മലമ്പുഴ, കവ എന്നിവിടങ്ങളിലേക്ക് ഹൈസ്ക്കൂൾ വിദ്യാർത്ഥികൾക്ക് വേണ്ടി നടത്തിയ ഏകദിനപഠന യാത്ര കുട്ടികൾ വളരെയധികം ആസ്വദിച്ചു. അധ്യാപകരും വിദ്യാർത്ഥികളും തമ്മിലുള്ള ബന്ധം ഊട്ടിയുറപ്പിക്കുന്നതിന്നും ഇതു കൊണ്ട് കഴിഞ്ഞു
പാവ നിർമ്മാണം, ചാർട്ട് വർക്ക്ഷോപ്പ്
സ്ക്കൂളിൽ ടീച്ചിങ് പ്രാക്ടീസിനെത്തിയ ടിച്ചേഴ്സിന്റെ നേതൃത്വത്തിൽ എട്ടാം ക്ലാസ്സുകാർക്ക് പാവനിർമ്മാണ പരിശീലനവും ചാർട്ട് വർക്ക്ഷോപ്പും നടത്തി . അഖില ടീച്ചർ, സ്നേഹ ടീച്ചർ, ദിവൃ ടീച്ചർ, ദീപ ടീച്ചർ,സ്വാതി ടീച്ചർ എന്നിവർ നേതൃത്വം നല്കി. കുട്ടികളെല്ലാം വളരെ സജീവമായി അതിൽ പങ്കെടുത്തു.കുട്ടികൾക്ക് അതൊരു പുതിയ അനുഭവമായിരുന്നു.കുട്ടികൾ പാവ നിർമ്മാണത്തിൽ വൈദഗ്ദധ്യം നേടി.പാവകൾ നിർമ്മിച്ച് വിപണനം ചെയ്യാൻ വരെ കുട്ടികൾ പ്രാപ്തരായി.
ശിശുദിനാഘോഷം
കുട്ടികളെ ഏറെ സ്നേഹിച്ച ജവഹർലാൽ നെഹ്റുവിന്റെ ജന്മദിനം പൂർവ്വാധികം ഭംഗിയായി സ്ക്കൂളിൽ ആഘോഷിച്ചു. എൽ.പി. ക്ലാസ്സുകളിലാണ് ആഘോഷങ്ങൾ അരങ്ങേറിയത്.ശിശുദിനാഘോഷത്തിന്റെ ഭാഗമായി അധ്യാപകരുടെ സഹായത്തോടെ കുട്ടികൾ ഡാൻസ്, പാട്ട്, പ്രസംഗം, മോണോ ആക്ട്, എന്നിവ അവതരിപ്പിച്ചു.ഒരു കൊച്ചു മിടുക്കൻ അന്നേ ദിവസം ചാച്ചാജിയായി. ഹെഡ്മിസ്ട്രസ്സ് ആനീസ് ടീച്ചർ കുട്ടികൾക്ക് ശിശുദിനത്തിന്റെ സന്ദേശവും ആശംസയും കൈമാറി.
മലയാളത്തിളക്കം ക്യാമ്പ്
കൊടകര ബി ആർ സി യുടെ ആഭിമുഖ്യത്തിൽ സ്ക്കൂളിൽ മലയാളത്തിളക്കം ക്യാമ്പ് നടത്തി. 43 സ്ക്കൂളുകളിലെ അധ്യാപകർ പങ്കെടുത്തു. ഹെഡ്മിസ്ട്രസ്സ് ആനീസ് ടീച്ചർ ക്യാമ്പ് ഉദ്ഘാടനം ചെയ്തു.ബി.ആർ.സി.യിലെ രമ ടീച്ചർ ക്ലാസ്സ് നയിച്ചു.
മോട്ടിവേഷൻ ക്ലാസ്സ്
ഈ വർഷത്തെ എസ്.എസ്.എൽ,സി പരീക്ഷാർത്ഥികളിൽ പഠനത്തിൽ താല്പര്യവും ഉണർവും ഉണ്ടാക്കുന്നതിന് ബോധവത്ക്കരണ ക്ലാസ്സുകൾ സംഘടിപ്പിക്കുന്നതിന്റെ ഭാഗമായി ജൂനിയർ ചേമ്പർ ഓഫ് അസോസിയേഷന്റെ നേതൃത്വത്തിൽ ശ്രീ. ബൈജു ക്ലാസ്സെടുത്തു. കുട്ടികൾക്ക് വളരെ ഫലപ്രദമായി രൂന്നു നവംബർ 15ന് നടത്തിയ ആ അർദ്ധ ദിന ക്ലാസ്സ്.
ഭക്ഷണ വിതരണത്തിലൂടെ വളരുന്ന മാനവികത
സ്ക്കൂളിലെ സിൽവർ സ്റ്റാർ, പ്രെഷ്യസ് ഗേൾസ് ടീം അംഗങ്ങൾ സി. നീനയുടെ നേതൃത്വത്തിൽ കാരുണ്യ പ്രവർത്തനങ്ങളുടെ ഭാഗമായി പുതുക്കാട് താലൂക്ക് ആശുപത്രിയിലെ കിടപ്പ് രോഗികൾക്കുംബൈ സ്റ്റാൻഡേഴ്സിനും നവംബർ 22 ന് ഉച്ചഭക്ഷണ പൊതി വിതരണം ചെയ്തു.കുട്ടികളിൽ മാനവികതയുടെ മൂല്യങ്ങൾ വളർത്തുക എന്നതാണ് ഇത്തരം പ്രവർത്തനങ്ങളിലൂടെ സ്ക്കൂൾ ലക്ഷ്യമിടുന്നത്.
2018 തൃശ്ശൂർ ജില്ലാ കലോത്സവ നാളുകളിലൂടെ
തൃശ്ശൂർ ജില്ലാ കലോത്സവത്തിൽ ചേർപ്പ് ഉപജില്ലയെ പ്രതിനിധീകരിച്ചു കൊണ്ട് മാതാ സ്ക്കൂളിനം നിർണ്ണായകമായ പങ്കുണ്ടായിരുന്നു. മലയാളം ഉപന്യാസ രചന, ഗിറ്റാർ, ഹിന്ദി കവിതാലാപനം, ലളിതഗാനം ,ഗാനാലാപനം, സംസ്കൃത പ്രഭാഷണം, പാഠകം എന്നീ വ്യക്തിഗത ഇനങ്ങളും വഞ്ചിപ്പാട്ട്, ചവിട്ടുനാടകം ,സംസ്കൃതനാടകം എന്നീ ഗ്രൂപ്പിനങ്ങളും ജില്ലയിലേക്ക് അർഹത നേടിയവയാണ്. സംസ്കൃതനാടകം ഹൈസ്ക്കൂൾ വിഭാഗം എ ഗ്രേഡോ ടു കൂടി ഒന്നാം സ്ഥാനം നേടി സ്റേററ്റ് തലത്തിലേക്ക് തിരഞ്ഞെടുക്കപ്പെട്ടു.മികച്ച നടിയായി കൃഷ്ണ കെ.ശങ്കറും. നാടകത്തിന്റെ സംവിധായകനും തിരക്കഥാകൃത്തും പരിശീലകനും സ്ക്കൂളിലെ സംസ്കൃതാധ്യാപകനുമായ പ്രസാദ് മാസ്റ്റർക്ക് സ്കൂളിന്റെ പേരിൽ അഭിനന്ദനങ്ങൾ. നാടക ഗ്രൂപ്പിലെ എട്ട് കുട്ടികൾ പത്താം ക്ലാസ്സ് വിദ്യാർത്ഥികളാണ്. സ്റ്റേറ്റ് തല മത്സര വിജയത്തിലൂടെ ഗ്രേസ് മാർക്ക് നേടുന്നതിനുള്ള അന്തിമഘട്ട പരിശീലനത്തിലാണ് ടീം അംഗങ്ങൾ. വിജയാശംസകൾ.ജില്ലാ മത്സരത്തിലെ ശ്രദ്ധേയമായ മറ്റൊരു നേട്ടം അഭയ് കൃഷ്ണ എന്ന വിദ്യാർത്ഥിക്ക് ലളിത ഗാനത്തിലും ഗാനാലാപനത്തിലും സെക്കന്റ് വിത്ത് എ ഗ്രേഡ് നേടാൻ കഴിഞ്ഞതാണ്. സ്ക്കൂളിൽ നിന്നും ആദ്യമായാണ് ജില്ലാ തലത്തിലേക്ക് ചവിട്ടുനാടകം മത്സരത്തിനെത്തുന്നത്. ഒട്ടും മോശമല്ലാത്ത രീതിയിൽ അവതരിപ്പിച്ച് ബി ഗ്രേഡ് നേടാൻ കഴിഞ്ഞു. പങ്കെടുത്ത പത്തിനങ്ങളിൽ ആറെണ്ണത്തിനും എ ഗ്രേഡ് നേടാൻ കഴിഞ്ഞത് ഈശ്വരാനുഗ്രഹം ഒന്നുകൊണ്ടു മാത്രമാണ്.ജില്ലയിൽ ഒന്നാം സ്ഥാനം നേടിയ ടീം അംഗങ്ങൾക്ക് സ്ക്കൂൾ മാനേജരും സ്റ്റാഫും വിദ്യാർത്ഥികളും ചേർന്ന് സ്വീകരണം നല്കി. സംസ്കൃത നാടകത്തിൽ പങ്കെടുത്ത വിദ്യാർത്ഥികൾ പ്രസാദ് മാസ്റ്റർക്ക് സ്നേഹോപഹാരം നല്കി.
സ്റ്റാഫ് ടൂർ
ജില്ലയിലെ മികച്ച സ്കൂളുകളിലൊന്നായ മാതാ ഹൈസ്കൂൾ മികച്ച കർമ്മപരിപാടികളോടെ പുതിയ വർഷത്തിലേക്കു കടന്നു. ജനുവരി 2-ആം തീയ്യതി അധ്യാപകരുടെ സ്റ്റാഫ് ടൂർ നടത്തി. കേരള കലാമണ്ഡലം, വരിക്കാശേരി മന, തുഞ്ചൻ സ്മാരകം, അഹല്യ ഹെറിറ്റേജ് തുടങ്ങിയ സ്ഥലങ്ങളിലേക്കായിരുന്നു യാത്ര സംഘടിപ്പിച്ചത്.
ജനറൽ ബോഡി യോഗം
ജനുവരി 7തിങ്കളാഴ്ച 2:30ന് പി ടി എ ജനറൽ ബോഡി യോഗം വിളിച്ചു ചേർത്തു. പഠന പുരോഗതി വിലയിരുത്തൽ, ഓഡിറ്റർ മാരെ തിരഞ്ഞെടുക്കൽ തുടങ്ങിയവയായിരുന്നു പ്രധാന അജണ്ട. പി ടി എ പ്രസിഡന്റ് ജോബി വഞ്ചിപ്പുര അധ്യക്ഷൻ ആയ യോഗത്തിൽ പ്രധാനാധ്യാപിക പി. സി. ആനീസ് സ്വാഗതവും എം.പി.ടി.എപ്രസിഡന്റ് ശ്രീവിദ്യ ജയൻ ആശംസയും അധ്യാപക പ്രതിനിധി കെ ,ഒ, മോളി നന്ദിയും അറിയിച്ചു.
വാർഷികാഘോഷം
2018-19 അധ്യയനവർഷത്തെ സ്കൂൾ വാർഷികവും അധ്യാപകരക്ഷകർതൃദിനവും വിരമിക്കുന്ന അധ്യാപകർക്കുള്ള യാത്രയയപ്പും ജനുവരി 11ന് 2 :00 പി എം ന് സമുചിതമായി ആഘോഷിച്ചു. യോഗത്തിന്റെ ഉദ്ഘാടനം നിർവഹിച്ചത് മോൺ. തോമസ് കാക്കശ്ശേരിയായിരുന്നു അധ്യക്ഷ ശ്രീമതി. രാജേശ്വരി അവർകളായിരുന്നു.പി ടി എ യുടെയും സ്റ്റാഫിന്റേയും സ്നേഹോപഹാരം മാഗി ടീച്ചർക്ക് നൽകി. കുട്ടികളുടെ വിവിധ കലാപരിപാടികളും സമ്മാനവിതരണവും ഉണ്ടായിരുന്നു.
നൈറ്റ് ക്ലാസ്
സ്കൂളിൽ ഈ വർഷം എസ്.എസ്.എൽ,സി പരീക്ഷക്കു തയ്യാറെടുക്കുന്ന കുട്ടികൾക്ക് ജനുവരി 15 മുതൽ 6:30 വരെ ക്ലാസുകൾ ആരംഭിച്ചു.4:30നു ശേഷം ലഘുഭക്ഷണവും കാപ്പിയും നൽകി വരുന്നു.
മാഗസിൻ
സ്കൂളിലെ ലിറ്റിൽ കൈറ്റ്സിന്റെ ആഭിമുഖ്യത്തിൽ 'നിനദിദം' ഡിജിറ്റൽ മാഗസിൻ ഉദ്ഘാടനം പ്രധാനാധ്യാപിക പി. സി. ആനീസ് ടീച്ചർ നിർവഹിച്ചു കുട്ടികളുടെ സൃഷ്ടികൾ കൊണ്ട് സമ്പന്നമായ നിനദിദം ജനുവരി 22നാണ് പ്രകാശനം നിർവഹിച്ചത്.
മെഡിക്കൽ ക്യാമ്പ്
കുട്ടികളുടെ ആരോഗ്യ രംഗത്ത് കൂടുതൽ ശ്രദ്ധ കേന്ദ്രീകരിക്കുന്നതിന്റെ ഭാഗമായി ജനുവരി 16നു തൃശ്ശൂർ മെഡിക്കൽ കോളേജിലെ ഡോ.രാഹുലിന്റെ നേതൃത്വത്തിൽ കുട്ടികളുടെ ബ്ലഡ് പ്രഷർ പരിശോധിച്ചു. എകദേശം 1100ഓളം കുട്ടികൾ ക്യാമ്പിൽ പങ്കെടുത്തു .
ഡിസംബർ 8 അമ്പത്തിയൊമ്പതാമത് സംസ്ഥാന കലോത്സവം
ആലപ്പുഴയിൽ വെച്ച് നടന്ന അമ്പത്തിയൊമ്പതാമത് സംസ്ഥാന കലോത്സവത്തിൽ മാതാ ഹൈസ്കൂൾ അവതരിപ്പിച്ച മഹാപ്രസ്ഥാനം എന്ന നാടകം ഏറ്റവും മികച്ച നാടകമായി തെരഞ്ഞെടുക്കപ്പെട്ടു .കൃഷ്ണ ശങ്കർ എന്ന വിദ്യാർത്ഥി മികച്ച നടിയായും തെരഞ്ഞെടുക്കപ്പെട്ടു. നാടകത്തിന്റെ സംവിധായകൻ സ്കൂളിലെ സംസ്കൃത അധ്യാപകനായ പ്രസാദ് സി. ആർ ആണ്. ഈ വിജയത്തിലൂടെ പത്താം ക്ലാസ് വിദ്യാർത്ഥികളായ എട്ടുപേരാണ് ഗ്രേസ് മാർക്കിന് അർഹതനേടിയത്. സ്കൂളിൻറെ പേര് സംസ്ഥാനതലത്തിൽ വാനോളമുയർത്തിയ പ്രസാദ് മാഷിനും അംഗങ്ങൾക്കും അനുമോദനങ്ങൾ
ഡിസംബർ 17 മീഡിയ/ ക്യാമറ ട്രെയിനിങ്
കൈറ്റ് തൃശ്ശൂരിൻറെ ആഭിമുഖ്യത്തിൽ മാത ഹൈസ്കൂളിൽ വെച്ച് എച്ച്.എസ് , എച്ച് .എസ് .എസ് വിഭാഗത്തിലെ 20 സ്കൂളിൽനിന്നുള്ള അധ്യാപകർക്ക് മീഡിയ/ ക്യാമറ പരിശീലനം നൽകി. കൈറ്റ് തൃശൂരിലെ രാജീവ് സാറും സ്കൂളിലെ എസ്. ഐ. ടി .സി .ഫ്രാൻസിസ് തോമസ് സാറും ക്ലാസുകൾ നയിച്ചു
സമ്മാന വിതരണം
ഡിസംബർ 19 ക്രിസ്തുമസ് ആഘോഷങ്ങളിലൂടെ ഭാഗമായി നിർധന കുടുംബങ്ങളിൽ നിന്നുള്ള വിദ്യാർത്ഥികൾക്ക് കെ സി എസ് എൽ സംഘടനയുടെ ആഭിമുഖ്യത്തിൽ സമ്മാനങ്ങൾ വിതരണം ചെയ്തു
കരോൾ ഗാന മത്സരം
ക്രിസ്മസ് ആഘോഷത്തോടനുബന്ധിച്ച് യുപി എച്ച്എസ് വിദ്യാർത്ഥികൾക്ക് കരോൾഗാന മത്സരം നടത്തി ക്ലാസ് അടിസ്ഥാനത്തിൽ നടത്തിയ മത്സരത്തിൽ വിജയികൾക്ക് സമ്മാനം നൽകി
ഡിസംബർ 22 ക്രിസ്മസ് ആഘോഷം
സ്നേഹത്തിന്റേയും ലാളിത്യത്തിന്റേയും എളിമയുടേയും മാതൃകയായി പുൽക്കൂട്ടിൽ പിറന്ന ഉണ്ണിയേശുവിന്റെജനനം മാതാ സ്കൂളിൽ സമുചിതമായി കൊണ്ടാടി .പരീക്ഷകൾ കഴിഞ്ഞ് വലിയ ഉത്സാഹത്തിൽ പുൽക്കൂട് നിർമ്മിച്ചു. നക്ഷത്രങ്ങൾ ഉണ്ടാക്കിയും ക്രിസ്മസ് ട്രീ ഒരുക്കിയും കുട്ടികൾ യേശുവിൻറെ പിറന്നാൾ അനുസ്മരിച്ചു. സാന്താക്ലോസിന്റെ വേഷത്തിൽ കുട്ടികൾ കരോൾ ഗാനത്തിനൊപ്പം നൃത്തച്ചുവടുകൾ വച്ചു. സ്കൂൾ മാനേജർ ഫാദർ സെബി പുത്തൂർ ക്രിസ്മസ് സന്ദേശം നൽകുകയും കേക്ക് മുറിച്ചു നൽകിക്കൊണ്ട് സന്തോഷം പങ്കിടുകയും ചെയ്തു .പ്രതീകാത്മകമായി ക്രിസ്മസ് സമ്മാനങ്ങൾ കൈമാറി .കേക്ക് വിതരണത്തോടെ കുട്ടികൾ വീടുകളിലേക്ക് മടങ്ങി. ഉച്ചയ്ക്ക് രണ്ട് മണിയോടെ ചേർന്ന സ്റ്റാഫ് മീറ്റിങ്ങിൽ അടുത്ത ടേമിൽ നടത്തേണ്ട പ്രധാന പരിപാടികളെക്കുറിച്ച് ചർച്ച ചെയ്തു. കോർട്ട് ഉദ്ഘാടനം ,ആനിവേഴ്സറി, ഒ.എസ് .എ .മീറ്റിംഗ് തുടങ്ങിയ പരിപാടികളുടെ തിയ്യതികൾ നിശ്ചയിച്ച് കൺവീനർമാരെ തെരഞ്ഞെടുത്തു. തുടർന്ന് ക്രിസ്മസ് ഗാനം ആലപിച്ചു. വിവിധ മത്സരങ്ങൾ സംഘടിപ്പിച്ച് ജേതാക്കളായ അധ്യാപകർക്ക് സമ്മാനങ്ങൾ നൽകിയും മധുരം ആസ്വദിച്ചും നാലുമണിയോടെ മീറ്റിംഗ് അവസാനിപ്പിച്ചു .ക്രിസ്മസ് അവധിക്കായി എല്ലാവരും സന്തോഷത്തോടെ പിരിഞ്ഞു
പുതുവർഷം
2018ലെ അവസാനദിവസവും മൂന്നാം ടേമിലെ ആദ്യ ദിന വുമായ ഡിസംബർ 31 തിങ്കളാഴ്ചയെ അവധി ദിനങ്ങളുടെ ആലസ്യത്തിൽ നിന്നും മാറി വളരെയധികം ആഹ്ലാദത്തോടെയാണ് അധ്യാപകരും കുട്ടികളും എതിരേറ്റത്. പുതുവർഷത്തിന്റെ സന്തോഷങ്ങളും ആശംസകളും മുൻകൂട്ടി തന്നെപരസ്പരം കൈമാറി. മൂല്യനിർണയം നടത്തിയ പരീക്ഷ പേപ്പറുകൾ പല കുട്ടികളിലും അധ്യാപകരിലും ആശങ്കയുണർത്തി.വീണ്ടും അടുത്ത തിരക്കുകളിലേക്ക്
സോഫ്റ്റ് ബോൾ ചാമ്പ്യൻഷിപ്പ്
മുല്ലശ്ശേരിയിൽ വച്ചു നടന്ന സോഫ്റ്റ് ബോൾ ചാമ്പ്യൻഷിപ്പിൽ മാതസ്ക്കൂൾ പെൺകുട്ടികളുടെ ടീം ജില്ലാ തലത്തിലേക്ക് യോഗ്യത നേടി. ആൺ കുട്ടികൾ നാലാം സ്ഥാനവും നേടി
കലോത്സവയോഗം
ജനുവരി 23നു ചേർപ്പ് ഉപജില്ല കലോത്സവയോഗം ചേർന്നു. പ്രവർത്തനങ്ങൾ വിലയിരുത്തിയതിനു ശേഷം യോഗം പിരിച്ചുവിട്ടതായി എ.ഇ . ഒ. ശ്രീമതി. ഷീബ പ്രഖ്യാപിച്ചു
തിരിച്ചറിവ്
ഓറയുടെ ആഭിമുഖ്യത്തിൽ ജനുവരി 25നു 8,9,10ക്ലാസ്സിലെ കുട്ടികൾക്കായി 'തിരിച്ചറിവ് ' ക്ലാസ് നടത്തുകയുണ്ടായി. കുട്ടികൾക്ക് ലഹരി ഉപയോഗത്തെക്കുറിച്ചു ഒരു അവബോധം ഉണ്ടാക്കാൻ ഈ ക്ലാസ് സഹായിച്ചു. മലപ്പുറം സ്റ്റേഷനിലെ എ എസ് ഐ ഫിലിപ് മമ്പാട് ആണ് ക്ലാസ് നയിച്ചത്.
റിപ്പബ്ലിക് ദിനം
ഇന്ത്യ യുടെ 70ആം റിപ്പബ്ലിക് ദിനം ഏറെ ഭംഗിയായി ആഘോഷിച്ചു. സാമൂഹിക ശാസ്ത്ര അദ്ധ്യാപിക ഹണി ടീച്ചർ റിപ്പബ്ലിക് ദിന സന്ദേശം നൽകി.
സിനിമ പ്രദർശനം
ജനുവരി 28നു കുട്ടികൾക്കായി 'സ്കൂൾ ഡയറി 'എന്ന സിനിമ പ്രദർശനം സംഘടിപ്പിച്ചു. കുട്ടികൾക്ക് നല്ലൊരു സന്ദേശം നൽകിയ സിനിമയിലെ അഭിനേതാവായ ശരത് പ്രദർശനത്തിന് ശേഷം കുട്ടികളുമായി അഭിമുഖ സംഭാഷണം നടത്തി.
സ്നേഹവിരുന്ന്
സംസ്ഥാന തലത്തിൽ സ്കൂളിന്റെ പേര് വാനോളം ഉയർത്തിയ കലാ കായിക ഐ.ടി പ്രതിഭകൾക്കു ആദരവും നല്ലൊരു സ്‌നേഹവിരുന്നും നൽകി സ്കൂൾ മാനേജർ ഫാ. സെബി പുത്തൂർ മാതൃകയായി.
പഠനോത്സവം
ജനുവരി 29 ചൊവാഴ്ച 1മുതൽ 7വരെ കുട്ടികളുടെ പഠനമികവ് പ്രദർശ്ശിപ്പിക്കുക എന്ന ലക്ഷ്യത്തോടെ സംഘടിപ്പിച്ച പഠനോത്സവം 2019ന്റെ രണ്ടാം ഘട്ടം മാതാ സ്കൂളിൽ സംഘടിപ്പിക്കുകയുണ്ടായി. എം.പി.ടി.എ പ്രസിഡന്റ് ശ്രീവിദ്യ ജയൻ അധ്യക്ഷയായ ചടങ്ങു ബി ആർ സി ട്രെയ്നർ സുബൈദ ടീച്ചർ ഉദ്ഘാടനം ചെയ്തു.
മൾട്ടി പർപ്പസ് കോർട്ട്
ഫെബ്രുവരി 3-ആം തിയതി ഉദ്ഘാടനം ചെയ്യാനിരിക്കുന്ന മൾട്ടി പർപ്പസ് കോർട്ടിന്റെ പണികൾ പുരോഗമിച്ചുകൊണ്ടിരിക്കുന്നു. അതിനായി എല്ലാ അധ്യാപകരും വിദ്യാർത്ഥികളും കർമ്മനിരതരാണ്.
മലയാളത്തിളക്കം
കൊടകര ബി.ആർ.സി.യുടെ ആഭിമുഖ്യത്തിൽ 8,9,10 ക്ലാസ്സുകളിൽ മലയാള ഭാഷാപ്രയോഗത്തിൽ പിന്നോക്കം നിൽക്കുന്ന കുട്ടികൾക്കായി മാതാ എച്ച്.എസ്. മണ്ണംപേട്ട സ്ക്കൂളിൽ മലയാളത്തിളക്കം ആരംഭിച്ചു.20l 8 ഒക്ടോബർ 9 ന് 44 കുട്ടികൾക്ക് പ്രീ ടെസ്റ്റ് നടത്തി.ഇതിൽ നിന്ന് എട്ടാം ക്ലാസ്സിൽ പതിനാല് കുട്ടികളും ഒമ്പതാം ക്ലാസ്സിൽ പത്ത് കുട്ടികളും പത്താം ക്ലാസ്സിൽ മൂന്ന് കുട്ടികളും തിരഞ്ഞെടുക്കപ്പെട്ടു.22/10/2018 ന് ഔദ്യോഗികമായി സ്ക്കൂളിൽ മലയാളത്തിളക്കം ഹെഡ്മിസ് ട്രസ്സ് ആനീസ് പി.സി. ടീച്ചർ ഉദ്ഘാടനം ചെയ്തു.ബി.ആർ.സി.ട്രെയ്നർ രമ ടീച്ചർ, സ്പെഷലിസ്റ്റ് അധ്യാപിക വൃന്ദ ടീച്ചർ, ജൂലി ടീച്ചർ എന്നിവർ ക്ലാസ്സുകൾക്ക് നേതൃത്വം നല്കി. എല്ലാ കുട്ടികളെയും പ്രി ടെസ്റ്റിന് വിധേയരാക്കി.പരീക്ഷാ ഫലം വിശകലനം നടത്തി.തുടർന്ന് വിവിധ ഗ്രൂപ്പുകളായി പ്രവർത്തനങ്ങൾ ആരംഭിച്ചു.ഐ.സി.ടി.സാധ്യത ഉപയോഗിച്ചുള്ള പഠനം കുട്ടികൾക്ക് ഏറെ ആകർഷകമായി. വിവിധ സർഗ്ഗാത്മക പ്രവർത്തനങ്ങൾ അവരിൽ പ0ന താല്പര്യം ഉണർത്താൻ സഹായിച്ചു. ദൈനംദിന വിശകലന റിപ്പോർട്ട് ഓരോ ദിവസവും തയ്യാറാക്കി. കുട്ടികൾക്ക് വേണ്ട എല്ലാ സൗകര്യവും സ്ക്കൂളിൽ ലഭ്യമാക്കിയിരുന്നു. തറയിലിരുത്തി പരിശീലനം നടത്തുന്ന രീതിയാണ് അവലംബിച്ചത്. മൂന്നാം ദിനം ക്ലാസ്സ് പി.ടി.എ സംഘടിപ്പിച്ചു. മാതാപിതാക്കളിൽ നിന്ന് കുട്ടികളുടെ പ്രയാസങ്ങളും ബുദ്ധിമുട്ടുകളും മനസ്സിലാക്കി പരിഹാരം നിർദ്ദേശിക്കാൻ സാധിച്ചു. ക്ലാസ്സ് അധ്യാപിക രു മാ യി വിലയിരുത്തൽ ചർച്ച നടത്തുകയുണ്ടായി. ബി.പി.ഒ.നന്ദകുമാർ സാർ സ്ക്കൂളിൽ സന്ദർശനം നടത്തി.അവസാന ദിനം വിജയോത്സവം സംഘടിപ്പിച്ചു.മൂന്ന് വിദ്യാർത്ഥികൾ ഭിന്നശേഷി വിഭാഗത്തിൽപ്പെട്ട കുട്ടികളായിരുന്നു മറ്റുളള എല്ലാ കുട്ടികൾക്കും ഉണ്ടായ മാറ്റങ്ങൾ വിലയിരുത്തി.എല്ലാ കുട്ടികളും ഉദ്ദേശിച്ച ലക്ഷ്യത്തിലെത്തിച്ചേരാൻ മലയാളത്തിളക്കം പദ്ധതി സഹായകമായി.
ഓണപ്പരീക്ഷ
പ്രളയം മൂലം മുടങ്ങിപ്പോയ ഓണപ്പരീക്ഷകൾക്ക് പകരം സെപ്റ്റംബർ അവസാനം നടത്തിയ സ്ക്കൂൾ തല പരീക്ഷയുടെ റിസൾട്ട് അവലോകനം നടത്തിക്കൊണ്ട് ഒക്ടോബർ ഒന്നാം തീയതി തന്നെ പി.ടി.എ.മീറ്റിങ് നടത്തി കുട്ടികളുടെ പഠന പുരോഗതി രക്ഷിതാക്കളെ അറിയിച്ചു. രക്ഷിതാക്കളുടെ വിലയേറിയ നിർദ്ദേശങ്ങളേയും അഭിപ്രായങ്ങളേയും മുൻനിറുത്തി പത്താം ക്ലാസ്സുകാർക്ക് നവംബർ അവസാനത്തോടെ പാo ഭാഗങ്ങൾ എടുത്തു തീർത്തു കൊണ്ട് വരുന്ന അർദ്ധവാർഷിക പരീക്ഷയ്ക്ക് കുട്ടികളെ ഏറ്റവും നന്നായി ഒരുക്കണമെന്ന് തീരുമാനിച്ചു. അതിനു വേണ്ടി മോണിങ് ക്ലാസ്സുകൾ ,ഈ വനിങ് ക്ലാസ്സുകൾ ,ശനിയാഴ്ച ക്ലാസ്സുകൾ എന്നിവ സജീവമാക്കാനും അഭിപ്രായപ്പെട്ടു.
സ്ക്കൂൾ വിക്കി
ജില്ലയിലെ ഏറ്റവും മികച്ച സ്ക്കൂൾ വിക്കി അംഗീകാരം നേടിയ മാതാ സ്ക്കൂൾ ടീം മലപ്പുറത്തു വെച്ച് ബഹു മാനപ്പെട്ടവിദ്യാഭ്യാസ മന്ത്രി പ്രൊഫ. സി. രവീന്ദ്രനാഥിൽ നിന്നും അവാർഡ് ഏറ്റുവാങ്ങി. സംസ്ഥാന തലത്തിൽ തന്നെ സ്ക്കൂളിന്റെ യശസ്സ് ഉയർത്തിയ അഭിമാന മുഹൂർത്തമായിരുന്നു അത്.സ്ക്കൂൾ വിക്കിയിൽ മികച്ച രീതിയിൽ വിവരങ്ങൾ നല്കുന്ന സ്ക്കൂളുകൾക്ക് കൈറ്റ് നല്കുന്ന ജില്ലാ പുരസ്കാരം (ട്രോഫിയും 10000 രൂപയും പ്രശസ്തിപത്രവും) മാതാ സ്ക്കൂളിന് ലഭിച്ചു. തൃശ്ശൂർ ജില്ലയിലെ 233ഹൈസ്ക്കൂളുകളിൽ നിന്നാണ് സ്ക്കൂൾ തെരഞ്ഞെടുക്കപ്പെട്ടത്. ഒക്ടോബർ 4-ാം തീയതി മലപ്പുറത്തു വെച്ച് വിദ്യാഭ്യാസ മന്ത്രി സമ്മാനം നല്കും. സ്ക്കൂൾ വിക്കിക്കു വേണ്ടി ചുക്കാൻ പിടിച്ചത് ഈ സ്ക്കൂളിലെ എസ് ഐ ടി സി ആയ ഫ്രാൻസ്സീസ് തോമസ് മാസ്റ്ററാണ്
ഗാന്ധിജയന്തി
ഗാന്ധിജയന്തിയോടനുബന്ധിച്ച് ഇന്നേ ദിവസം ഉച്ചയ്ക്കു ശേഷമുള്ള സമയം സ്ക്കൂൾ പരിസരം വൃത്തിയാക്കി. യു പി., ഹൈസ്ക്കൂൾ വിഭാഗങ്ങളിലെ വിദ്യാർത്ഥികളെല്ലാവരും ചേർന്ന് ക്ലാസ്സ് മുറികളും വരാന്തകളും സ്ക്കൂൾ മുറ്റവും പരിസരവും വൃത്തിയാക്കിക്കൊണ്ട് ഗാന്ധിജിയുടെ സ്വാശ്രയ ശീലവും ലാളിത്യവും.കുട്ടികളിലേക്കെത്തിക്കാൻ ശ്രമിച്ചു.
സൗജന്യ പി.എസ്.സി.പരിശീലനം
മാത സ്ക്കൂളും കേരള സ്റ്റേറ്റ് സർവ്വീസ് പെൻഷനേഴ്സ് യൂണിയനും ചേർന്ന് സംഘടിപ്പിക്കുന്ന സൗജന്യ പി.എസ്.സി.പരിശീലനത്തിന്റെ ഉദ്ഘാടനം സ്ക്കൂൾ മാനേജർ റവ.ഫാ.സെബി പുത്തൂർ ഒക്ടോബർ ഏഴാം തീയതി നിർവ്വഹിച്ചു. പൊതു അവധി ദിവസങ്ങളിലാണ് ക്ലാസുകൾ നടത്തുന്നത്.
ജൂനിയർ സെപക് താക്രോ
ആലപ്പുഴയിൽ വെച്ചു നടന്ന പതിമൂന്നാമത് സംസ്ഥാന ജൂനിയർ സെപക് താക്രോ മത്സരത്തിൽ സയന എം.എ. എന്ന ഒമ്പതാം ക്ലാസ്സ് വിദ്യാർത്ഥി സ്വർണ്ണ മെഡൽ കരസ്ഥമാക്കി.സ്ക്കൂളിലെ തന്നെ ജോഷ്വ കെ.ജെ, അലൻ ഫ്രാൻസിസ് എന്നീ വിദ്യാർത്ഥികൾ സംസ്ഥാന ചാമ്പ്യൻഷിപ്പിൽ പങ്കെടുത്തു.
ഔഷധസസ്യ പ്രദർശനം
ഒക്ടോബർ 15ന് സ്ക്കൂളിൽ ബയോളജി അധ്യാപകരായ ജെയ്സി ടീച്ചറുടേയും ഫ്രാൻസിസ് മാസ്റ്ററുടേയും നേതൃത്വത്തിൽ ഔഷധസസ്യ പ്രദർശനം നടത്തി.ഔഷധ സസൃങ്ങളുടെ ശാസ്ത്രീയ നാമം, അവയുടെ ഔഷധ ഗുണങ്ങൾ എന്നിവയിലൂടെ ഓരോ ചെടികളേയും പരിചയപ്പെടുക എന്നതാണ് ലക്ഷ്യം.
വിനോദയാത്ര
വർഷം തോറും നടത്തിവരാറുള്ള വിനോദയാത്രകൾ ഈ വർഷവും പൂർവ്വാധികം ഭംഗിയായി നടന്നു.പ്രെെമറി വിഭാഗം വിദ്യാർത്ഥികൾക്കു വേണ്ടി കൊച്ചി ലുലു മാളിലേക്ക് നടത്തിയ യാത്ര കുട്ടികൾ നന്നയി ആസ്വദിച്ചു.
സ്ക്കൂൾ പാർലമെൻറ് ഇലക്ഷൻ
20l 8 - 19 അധ്യയന വർഷത്തെ സ്ക്കൂൾ പാർലമെൻറ് ഇലക്ഷൻ ഒക്ടോബർ 24 ന് നടത്തി.സ്കൂൾ ലീഡറായി ആൻ മരിയ വിൽസനേയും ചെയർപേഴ്സണായി ഏയ്ബൽ ജോബിയേയും തിരഞ്ഞെടുത്തു.
ചേർപ്പ് ഉപജില്ല ഐടി മേള
ചേർപ്പ് ഉപജില്ല ഐടി മേളയിൽ 34 പോയിന്റ് നേടിക്കൊണ്ട് മാതസ്ക്കൂൾ ഒന്നാം സ്ഥാനത്തെത്തി. ആൻ മരിയ വിൽസൺ, മെൽവിൻ ജോഷി, സാൻജോ എന്നിവർ ജില്ല തല മത്സരത്തിന് അർഹരായി. ഗ ണി ത ശാസ്ത്രോത്സവത്തിൽ ആര്യ കൃഷ്ണ (2-ാം സ്ഥാനം എ ഗ്രേഡ് ), ജയലക്ഷ്മി (3-ാം സ്ഥാനം എ ഗ്രേഡ് ), നന്ദന പി.നായർ (2-ാം സ്ഥാനം എ ഗ്രേഡ് ) എന്നിവർ സമ്മാനം നേടി.
ഉപജില്ലാ കലോത്സവം
2018ചേർപ്പ് ഉപജില്ലാ കലോത്സവത്തിന് ഈ വർഷംവേദിയാകുന്നത് മാതസ്ക്കൂളാണ് എന്നത് സ്വാഗതാർഹമാണ്. ഒക്ടോബർ 9 ന് ഉച്ചയ്ക്ക് രണ്ട് മണിക്ക് ചേർപ്പ് ഉപജില്ലാ കലോത്സവം സംഘാടക സമിതി രൂപീകരണ യോഗം നടന്നു.യോഗത്തിൽ ബഹു.അളഗപ്പനഗർ പഞ്ചായത്ത് പ്രസിഡന്റ് കെ.രാജേശ്വരി ഉദ്ഘാ ട ക യും ചേർപ്പ്എ ഇ ഒ ശ്രീമതി. ഷീബ ഇ.യു അദ്ധ്യക്ഷയുമായിരുന്നു.പ്രളയാനന്തര കലോത്സവമായതിനാൽ ആഘോഷരഹിതമായും ആർഭാടരഹിതമായും കലോത്സവം നടത്തുക എന്നതായിരുന്നു പ്രധാന തീരുമാനം.യോഗത്തിൽ ഉപജില്ലയിലെ മറ്റ് സ്ക്കൂളുകളിലെ പ്രധാന അധ്യാപകർ ,അധ്യാപക പ്രതി നിധികൾ ,വാർഡ് മെമ്പർമാർ പി.ടി.എ.എക്സിക്യൂട്ടീവ് അംഗങ്ങൾ തുടങ്ങിയവർ പങ്കെടുത്തിരുന്നു.ഒക്ടോബർ 30, 31 ദിവസങ്ങളിലായി ചേർപ്പ് ഉപജില്ലാ കലാമാമാങ്കത്തിന്റെ തിരി തെളിയിക്കാനുള്ള അരങ്ങായി മാറി മാതസ്ക്കൂൾ. ഉദ്ഘാടന സമാപന ചടങ്ങുകളോ സാംസ്കാരിക ഘോഷയാത്രയോ ഒന്നും തന്നെയില്ലാതെ കട്ടികളുടെ കഴിവ് തെളിയിക്കാനുള്ള വേദിയായിരുന്നു ഓരോ അരങ്ങും .മാതാ സ്ക്കൂളും തങ്ങളുടെ സജീവ സാന്നിധ്യം വേദികളിലെല്ലാം അറിയിച്ചു.ലളിതഗാനം, ഗാനാലാപനം, പാഠകം, മലയാളം ഉപന്യാസം, ചവിട്ടുനാടകം, സംസ്കൃതനാടകം, വഞ്ചിപ്പാട്ട്, നാടൻപാട്ട് എന്നീ ഇനങ്ങൾ ജില്ലയിലേക്ക് തിരഞ്ഞെടുക്കപ്പെട്ടു.പത്തൊൻമ്പത് വേദികളിലായി രണ്ട് ദിവസങ്ങൾ കൊണ്ട് മാത്രം രചനാ മത്സരങ്ങളടക്കം എല്ലാ പരിപാടികളും പരാതികളില്ലാതെ വിജയകരമായി നടത്താൻ കഴിഞ്ഞത് വലിയ നേട്ടമായിക്കരുതുന്നു. ഈയവസരത്തിൽ ജനറൽ കൺവീനറായ സ്ക്കൂൾ ഹെസ് മിസ്ട്രസ് ആനീസ് പി.സി.ടീച്ചർക്ക് അഭിനന്ദനങ്ങൾ നേരുന്നു. കലോത്സവ വേദികളാക്കാൻ അനുവാദം നല്കിയ മണ്ണം പേട്ട സർവീസ് സഹകരണ ബാങ്കിനോടും കൃപാഭവൻ കോൺവെൻറിനോടുമുള്ള നന്ദിയും ഇത്തരുണത്തിൽ അറിയിക്കുന്നു.കലോത്സവത്തിനു വേണ്ടി ആത്മാർത്ഥമായി സഹകരിച്ച വാർഡ് മെമ്പർമാർ ,പഞ്ചായത്തംഗങ്ങൾ, രക്ഷിതാക്കൾ, പി.ടി.എ, എം.പി.ടി.എ.അംഗങ്ങൾ, മറ്റ് സ്കൂളിലെ അധ്യാപകർ ,വിവിധ കമ്മിറ്റി കൺവീനർമാർ ,വൊളണ്ടിയേഴ്സായ് നിന്ന കുട്ടികൾ ഏവരേയും നന്ദിയോടെ ഓർക്കുന്നു. ആവശ്യമായ ചികിത്സാ സഹായങ്ങൾ ചെയ്തു തന്ന ഹെൽത്ത് ഡിപ്പാർട്ട്മെന്റിനോടും വേണ്ട സുരക്ഷാ ക്രമീകരണങ്ങൾ ചെയ്തു തന്ന പോലീസ് ഡിപ്പാർട്ട്മെന്റിനോടും ഹൃദയത്തിന്റെ നിറവിൽ നന്ദി രേഖപ്പെടുത്തുന്നു.
ഹിരോഷിമ ദിനം
ആഗസ്റ്റ് 8 ഹിരോഷിമാ ദിനം സ്ക്കൂൾ അസംബ്ലിയിൽ വിദ്യാർത്ഥി പ്രതിനിധിയായ നന്ദന പി.നായർ യുദ്ധവിരുദ്ധ സന്ദേശം നല്കി .യുദ്ധവിരുദ്ധ സന്ദേശം ഉൾപ്പെടുത്തിക്കൊണ്ടുള്ള പോസ്റ്റർ മത്സരം, പ്ല കാർഡ് മത്സരം എന്നിവ നടത്തി വിജയികൾക്ക് സമ്മാനം നല്കി
കായികോത്സവം
ആഗസ്റ്റ് 14 ന് മണ്ണം പേട്ട മാതഹൈസ്കൂളിലെ കായിക മാമാങ്കം നടത്തി.പ്രതിഭകളെ കണ്ടെത്തി ഉപജില്ല മത്സരത്തിനുള്ള പരിശീലനത്തിന് തുടക്കമിട്ടു.ഈ വർഷം ജൂലൈ മാസം മുതൽ തന്നെ ഫുട്ബോൾ, കബഡി തുടങ്ങിയ ഇനങ്ങളിൽ കായികാധ്യാപകൻ എബിൻ തോമസ് മാസ്റ്ററുടെ നേതൃത്വത്തിൽ രാവിലെ 7.30 മുതൽ പരിശീലനം നല്കി വരുന്നു.
സ്വാതന്ത്ര്യ ദിനാഘോഷം
ആഗസ്റ്റ് 15 സ്വാതന്ത്രൃ ദിനാഘോഷം വിപുലമായി തന്നെ നടത്തി.വാർഡ് മെമ്പർ ഭാഗ്യവതി ചന്ദ്രൻ അധ്യക്ഷനായ യോഗത്തിൽ സ്ക്കൂൾ മാനേജർ പതാക ഉയർത്തി.ഫ്ലാഗ് ഹോസ്റ്റിംഗ്നു ശേഷം സ്ക്കൂൾ ഗൈഡ്സ് യൂണിറ്റിന്റെ നേതൃത്തിൽ ദേശഭക്തിഗാനാലാപനത്തോടെ പതാകയെ സല്യൂട്ട് ചെയ്ത് ആദരിച്ചു.സ്ക്കൂളിലെ സിൽവർ സ്റ്റാർ ഗ്രൂപ്പ് അവതരിപ്പിച്ച ഫ്ലാഷ് മോബ് നയനാകർഷകമായിരുന്നു.പരിപാടികൾക്കു ശേഷം മധുരവിതരണം നടന്നു. അതിശക്തമായ മഴയെ അവഗണിച്ചു കൊണ്ട് പതിവിനു വിപരീതമായി ധാരാളം കുട്ടികൾ എത്തിച്ചേർന്നിരുന്നു. ഹെഡ്മിസ്ട്രസ്സ് ആനീസ് പി.സി., കൺവീനർ ലൗലി സി.ഡി.എ ന്നി വ രു ടെ നേതൃത്വത്തിൽ പരിപാടികൾ ഗംഭീരമായി.
നവ കേരളനിർമ്മിതിയിൽ മാതാസ്ക്കൂളിന്റെ പങ്ക്
പ്രളായാനന്തരം ആഗസ്റ്റ് 29 ന് ഓണാവധികഴിഞ്ഞ് വന്ന് വിദ്യാർത്ഥികളെ അവരുടെ പ്രത്യേകമായ മാനാസികാവസ്ഥയെ കണക്കിലെടുത്തുകൊണ്ട് ഏറ്റവും സന്തോഷത്തോടെ വരവേറ്റു. ആദ്യ ദിനങ്ങളിൽ അധ്യയനത്തേക്കാൾ മാനസികോല്ലസത്തിന് കൂടുതൽ പ്രാധാന്യം നല്കി. അധ്യാപകർ പ്രളയക്കെടുതികൾ അനുഭവിക്കുന്ന കുട്ടികളുടെ വീടുകൾ സന്ദർശിച്ച് റിപ്പോർട്ട് നല്കുകയും മുൻഗണനാ ക്രമത്തിൽ പഠനോപകരണങ്ങൾ ഉൾപ്പെടെയുള്ള സാമ്പത്തികസഹായങ്ങൾ നല്കുകയും ചെയ്തു. ഓണാഘോഷം വേണ്ടെന്നുവെച്ചു കൊണ്ട് അതിനായി സമാഹരിച്ച തുക പ്രളയക്കെടുതിനേരിടുന്നവർക്കു വേണ്ടി ഉപയോഗിച്ചു.മുഖ്യ മന്ത്രിയുടെ ദുരിതാശ്വാസ ഫണ്ടിലേക്ക് വിദ്യർത്ഥികളിൽ നിന്നും,സ്റ്റാഫിൽ നിന്നും ഒരു വലിയ തുക ശേഖരിച്ചു നല്കി കൊണ്ട് നവകേരളനിർമ്മിതിയിൽ മാതാ സ്ക്കൂളും പങ്കാളികളായി.
സ്ക്കൂൾ സാമൂഹ്യ- ശാസ്ത്ര-ഗണിത-ഐ.ടി മേള
സ്ക്കൂൾ എക്സിബി‍ഷൻ
സെപ്റ്റംബർ 2 ന് രാവിലെ സ്ക്കൂൾ തലത്തിൽ ശാസത്ര മേളകൾ നടത്തി.ആർട്ടിഫിഷ്യൽ ഫോട്ടോ സിന്തെസിസ്, പലതരം ഇലക്ട്രോണിക് സെൻസറുകളുടെ പ്രവർത്തനം, വാട്ടർബോട്ടിൽ വാക്വം ക്ലീനർ, റാസ് പ്ബെറി കമ്പ്യൂട്ടിങ്, പഞ്ഞി മിഠായി ഉണ്ടാക്കുന്ന തത്വം എന്നിങ്ങനെ വളരെ ഭാവനാസമ്പന്നവും വൈവിധ്യമാർന്നതുമായ തത്വങ്ങളുടേയും ഉപകരണങ്ങളുടേയും പ്രദർശന വേദിയായിരുന്നു അത്.
സ്ക്കൂൾ യുവജനോത്സവം
സെപ്റ്റംബർ നാലാം തീയ്യതി സ്കൂൾ കലോത്സവത്തിന് അരങ്ങുണർന്നു. സ്റ്റേജിതര മത്സരങ്ങൾ മുൻ ദിവസങ്ങളിൽ നടത്തി.സ്റ്റേജ് മത്സരങ്ങൾ ഇന്നേ ദിവസം രാവിലെ 9.30ന് ആരംഭിച്ചു.സ്ക്കൂൾ മാനേജർ അദ്ധ്യക്ഷനായ ഉദ്ഘാടന ചടങ്ങിൽ പ്രശസ്തമിമിക്രി ആർട്ടിസ്റ്റും സ്ക്കൂളിലെ പൂർവ്വ വിദ്യാർത്ഥിയും ഫ്ളവേഴ്സ് ചാനൽ കലാകാരനുമായ ശ്രീ.സലീഷ് ഭദ്രദീപം തെളിയിച്ചു കൊണ്ട് ഉദ്ഘാടനം നിർവ്വഹിച്ചു. ഉദ്ഘാടന വേളയിൽ അദ്ദേഹം അവതരിപ്പിച്ച മിമിക്രി കുട്ടികൾക്ക് വളരെയധികം ഇഷ്ടമായി.കലാമാമാങ്കം തന്നെയായിരുന്നു യുവജനോത്സവ വേദി. നാടൻപാട്ട്, നാടകം എന്നീ ഇനങ്ങളിൽ കുട്ടികൾ അവരുടെ കഴിവുകൾ തെളിയിച്ചു.14 ടീമുകൾ നാടൻ പാട്ടിനും 7 ടീമുകൾ ഹൈസ്ക്കൂൾ നാടക മത്സരത്തിനും ഉണ്ടായിരുന്നുവെന്നുള്ളത് തന്നെ കലോത്സവത്തിന്റെ മാറ്റ് തെളിയ്ക്കുന്നു.
സെപ്റ്റംബർ 5 അധ്യാപക ദിനം
അദ്ധ്യാപക ദിനത്തിൽ കുട്ടികൾ ക്ളാസ്സെടുക്കുന്നു
സ്ക്കൂൾ ലീഡർ കൃഷ്ണ ശങ്കറിന്റെ നേതൃത്വത്തിൽ അധ്യാപക ദിനം വിപുലമായി ആഘോഷിച്ചു.സ്ക്കൂൾ ലീഡർ ഹെഡ്മിസ്ട്രസ്സിനേയും ക്ലാസ്സ് ലീഡർമാർ മറ്റ് അധ്യാപകരേയും ബൊക്കെ നൽകി ആദരിച്ചു. കൃഷ്ണ ശങ്കർ ആശംസാ പ്രസംഗവും ഹെഡ്മിസ്ട്രസ്സ് നന്ദിയും അറിയിച്ചു.ഇന്നേ ദിവസം പല ക്ലാസ്സുകളിലും വിദ്യാർത്ഥികൾ അധ്യാപകരും അധ്യാപകർ വിദ്യാർത്ഥികളുമായിരുന്നു.
സെപ്റ്റംബർ 14ഹിന്ദി ദിനം
ദേശിയഭാഷാദിനം വളരെ ഭംഗിയായി ആഘോഷിച്ചു.സ്ക്കൂൾ അസംബ്ലിയിൽ പ്രാർത്ഥന,പ്രതിജ്ഞ,വാർത്തവായന,ചിന്താവിഷയം എന്നിവ ഹിന്ദിയിൽ അവതരിപ്പിച്ചു.ദിനാചരണ സന്ദേശം,ദേശഭക്തി ഗാനം,ഹിന്ദികവിതാലാപനം എന്നിവ പ്രത്യേകമായി നടത്തിയത് കുട്ടികളിൽ ഹിന്ദിയോടുള്ള ആഭിമുഖ്യം വളർത്തുന്നതിന് ഉപകാര പ്രദമായി. ഹിന്ദിദിന സന്ദേശം നൽകുന്ന പോസ്റ്റർ കുട്ടികൾ ക്ലാസ്സടിസ്ഥാനത്തിൽ തയ്യാറാക്കി നോട്ടീസ് ബാേർഡിൽ പ്രദർശിപ്പിച്ചു. ദിനാചരണത്തിന്റെ ഭാഗമായി പ്രത്യേകം തയ്യാറാക്കിയ ബാഡ്ജ് അധ്യാപകരും കുട്ടികളും ധരിച്ചത് ശ്രദ്ധേയമായി. ഒരാഴ്ച്ചക്കാലം ഹിന്ദി വാരാമായി ആഘോഷിച്ചു.
സിൽവർ സ്റ്റാർ
ഓറ (അഗസ്റ്റിൻ അക്കര റിവെെറ്റലെെസേഷൻ ഏജൻസി )യുടെ നേതൃത്വത്തിൽ സ്ക്കൂളിലെ 'സിൽവർ സ്റ്റാർ' വിഭാഗത്തിൽപെടുന്ന പെൺകുട്ടികൾക്ക് സെപ്തംബർ 14 മുതൽ 17 വരെയുളള നാല് ദിവസത്തെ ക്യാമ്പ് നടത്തി . പഠനത്തോട് വൈമുഖ്യം കാണിക്കുന്ന കുട്ടികൾക്ക് ഈ ക്യാമ്പ് ഏറെ ഫലപ്രദമായിരുന്നു.
ബോധവത്ക്കരണ ക്ലാസ്സുകൾ
സെപ്റ്റംബർ 27 വ്യാഴം രാവിലെ 10 മണി മുതൽ 12.30 വരെ വ്യക്തിത്വവികസന ക്ലാസ്സുകൾ നയിക്കുന്ന ജോസ് സാറിന്റെ നേതൃത്വത്തിൽ 9-ാം ക്ലസ്സിലെ വിദ്യാർത്ഥികൾക്ക് ബോധവത്ക്കരണ ക്ലാസ്സ് നടത്തി. പരസ്യങ്ങളെയും സിനിമകളെയും ജീവിതത്തിൽ അന്ധമായി പകർത്താൻ ശ്രമിക്കരുതെന്നും മദ്യപാനം, കഞ്ചാവ് തുടങ്ങിയ ലഹരിവസ്തുക്കളുടെ ഉപയോഗം വരുത്തുന്ന വിനകളെക്കുറിച്ചും അദ്ദേഹം കുട്ടികളുടെ ശ്രദ്ധയിൽപെടുത്തി. ഒരുമിച്ച് പ്രാർത്ഥിക്കേണ്ടതിന്റേയും ചിന്തിക്കേണ്ടതിന്റേയും ഭക്ഷിക്കേണ്ടതിന്റേയും ആവശ്യകത ഓർമ്മപ്പെടുത്തി. ചുറ്റുമുളള നന്മകൾ സ്വീകരിച്ച് വളരാനുളള ആഹ്വാനമായിരുന്നു അദ്ദേഹത്തിന്റെ ക്ലാസ്സ്. ക്ലാസ്സുകൾ സജീവമാക്കുന്നതിന് രസകരനായ ഗാനാലാപനവും ഉണ്ടായിരുന്നു.
സ്പോർട്ട്സ്
സ്ക്കൂൾ കായികാധ്യാപകൻ എബിൻ തോമസ് മാസ്സ്റ്ററുടെ നേതൃത്വത്തിൻ സ്പോർട്ട്സ് പരിശീലനവും മത്സരങ്ങളും പൂർവ്വാധികം ഉൻമേഷത്തോടെ നടക്കുന്നു. സ്ക്കൂൾ ടീം സുബെർതൊ മുഖർജി ഫുടബോൾ ടൂർണമെന്റിൽ പങ്കടുക്കുകയുണ്ടായി. സബ് ജില്ല കബഡി മത്സരം 17ൽ താഴെ ബോയ്സ് ആന്റ് ഗേൾസ്, 14ൽ താഴെ ബോയ്സ് ആന്റ് ഗേൾസ് എന്നി വയിലും സബ് ജില്ല ഫുട്ബോൾ 17ൽ താഴെ, ഷട്ടിൽ -ബാഡ്മി‍ന്റൺ സബ് ജില്ലാതലം എന്നിവയിലും മാതാ ടീം ആവേശോജ്ജ്വലമായ പ്രകടനം കാഴ്ചവെച്ച് അവരുടെ പങ്കാളിത്തം ഉറപ്പാക്കി.
ലിറ്റിൽ കെെറ്റ്സ് പരിശീലനം
സ്ക്കൂൾ തലത്തിൽ എല്ലാ ബുധനാഴ്ച്ചയും ലിറ്റിൽ കെെറ്റ്സ് വിദ്യാർത്ഥികൾക്ക് പരിശീലനം നൽകുന്നു.ടുപി സോഫ്റ്റ്വേർ ഉപയോഗിക്കുന്നതിൽ പരിശീലനമാണ് ഇപ്പോൾ നൽകി വരുന്നത്.ഡിജിറ്റൽ മാഗസിന്റെ ഭാഗമായി മലയാളം ടെെപ്പിങ്ങിനും പരിശീലനവും നൽകുന്നു.ഈ സ്ക്കൂളിലെ ഫ്രാൻസിസ് തോമസ്,പ്രിൻസി എ.ജെ എന്നിവരാണ് കൈറ്റ് മാസ്റ്റേഴസ് .സബ് ജില്ലാതലത്തിൽ സെപ്റ്റംബർ 29,30തീയ്യതികളിലായി ആനിമേഷൻ പ്രോഗ്രമിങ്ങ് എന്നിവയിൽ 6സ്ക്കൂളുകൾക്ക് ട്രയിനിങ് നൽകി. ഫ്രാൻസിസ് തോമസ്,പ്രിൻസി എ.ജെ കെെറ്റ് ഓഫീസിൽ നിന്നും,രാജീവ് എം എസ്, സുമംഎന്നിവരായിരുന്നു ആർ പി മാർ.
മിഡ് ടേം പരീക്ഷകൾ
പ്രളയത്തെ തുടർന്ന് മുടങ്ങിപ്പോയ ഓണപ്പരീക്ഷകൾക്ക് പകരമായി അദ്ധ്യാപകർ ക്ളാസ്സ് തലത്തിൽ എല്ലാ വി‍‍ഷയങ്ങൾക്കും പരീക്ഷകൾ നടത്തി.ഒക്ടോബർ ഒന്നിന് പി ടി എ മീറ്റിങ്ങ് നടത്തി പഠന പുരോഗതി രക്ഷിതാക്കളെ അറിയിച്ചു.വരും മാസങ്ങളിലെ പ്രവർത്തനങ്ങൾ കൂടുതൽ ഉണർവ്വോടെ നടത്തുവാനും സ്കൂളിൽ നടക്കുന്ന ചേർപ്പ് ഉപജില്ല കലോത്സവത്തിന് എല്ലാ മത്സരങ്ങളിലും വിദ്യാർത്ഥികളുടെ പങ്കാളിത്തം ഉറപ്പു വരുത്തി കൊണ്ട് കലാലയത്തെ മുൻപന്തിയിലെത്തിക്കാൻ പരിശ്രമിക്കുമെന്ന ദൃഢനിശ്ചയത്തോടെ പി ടി എ യും മാനേജ്മെന്റും അധ്യാപകരും വിദ്യാർത്ഥികളും പ്രതീക്ഷയോടെ.................
ദുരിതാശ്വാസ പ്രവർത്തനങ്ങൾ
കേരളം മുഖാമുഖം കണ്ട സമാനതകളില്ലാത്ത പ്രളയ ദുരിതത്തെ അതിജീവിച്ച അദ്ധ്യാപകരും കുട്ടികളും ഓണാഘോഷത്തെപ്പോലും മറന്നു കൊണ്ട് ദുരന്തമുഖത്തെ രക്ഷാകര പ്രവർത്തനങ്ങളിൽ മുഴുകിയിരുന്നു.ഓണാവധി കഴിഞ്ഞ് സ്ക്കൂൾ തുറക്കുന്നതിനു മുമ്പുതന്നെ ഡി ഇ ഒ യുടെ നിർദ്ദേശമനുസരിച്ച് ആഗസ്റ്റ് 27 തിങ്കളാഴ്ച 10മണിക്ക് ഹെഡ്മിസ്ട്രസ്സിന്റെ നേതൃത്വത്തിൽ പി ടി എ എക്സിക്യൂട്ടീവ് അംഗങ്ങളുടേയും സ്റ്റാ ഫിൻറേയും ഒരു അടിയന്തിര യോഗം ചേർന്നു.യോഗത്തിൽ മാതസ് കൂളിലെ പ്രളയക്കെടുതി അനുഭവിക്കേണ്ടി വന്ന വിദ്യാർത്ഥികളുടെ ഭവനങ്ങളിൽ പോയി സ്ഥിതിഗതികൾ നേരിട്ടറിയുന്നതിനും പുസ്തകങ്ങൾ നഷ്ടപ്പെട്ടവർ ,വീട് ഭാഗികമായോവപൂർണ്ണമായോ നശിച്ചവർ ,മറ്റ് തരത്തിലുള്ള നാശനഷ്ടങ്ങൾ അനുഭവിക്കുന്നവർ എന്നിവരുടെ കണക്കെടുത്ത് എത്രയും പെട്ടന്ന് അവർക്ക് വേണ്ടുന്ന സഹായമെത്തിക്കാൻ തീരുമാനിച്ചു.അതിനു വേണ്ടി സ്ക്കൂൾ ചാരിറ്റി ഫണ്ട് തത്ക്കാലം വിനിയോഗിക്കാമെന്നും തീരുമാനമുണ്ടായി
സ്ക്കൂൾ യുവജനോത്സവം
സെപ്റ്റംബർ നാലാം തീയ്യതി സ്കൂൾ കലോത്സവത്തിന് അരങ്ങുണർന്നു. സ്റ്റേജിതര മത്സരങ്ങൾ മുൻ ദിവസങ്ങളിൽ നടത്തി.സ്റ്റേജ് മത്സരങ്ങൾ ഇന്നേ ദിവസം രാവിലെ 9.30ന് ആരംഭിച്ചു.സ്ക്കൂൾ മാനേജർ അദ്ധ്യക്ഷനായ ഉദ്ഘാടന ചടങ്ങിൽ പ്രശസ്തമിമിക്രി ആർട്ടിസ്റ്റും സ്ക്കൂളിലെ പൂർവ്വ വിദ്യാർത്ഥിയും ഫ്ളവേഴ്സ് ചാനൽ കലാകാരനുമായ ശ്രീ.സലീഷ് ഭദ്രദീപം തെളിയിച്ചു കൊണ്ട് ഉദ്ഘാടനം നിർവ്വഹിച്ചു. ഉദ്ഘാടന വേളയിൽ അദ്ദേഹം അവതരിപ്പിച്ച മിമിക്രി കുട്ടികൾക്ക് വളരെയധികം ഇഷ്ടമായി.കലാമാമാങ്കം തന്നെയായിരുന്നു യുവജനോത്സവ വേദി. നാടൻപാട്ട്, നാടകം എന്നീ ഇനങ്ങളിൽ കുട്ടികൾ അവരുടെ കഴിവുകൾ തെളിയിച്ചു.14 ടീമുകൾ നാടൻ പാട്ടിനും 7 ടീമുകൾ ഹൈസ്ക്കൂൾ നാടക മത്സരത്തിനും ഉണ്ടായിരുന്നുവെന്നുള്ളത് തന്നെ കലോത്സവത്തിന്റെ മാറ്റ് തെളിയ്ക്കുന്നു.
സെപ്റ്റംബർ 5 അധ്യാപക ദിനം
മുൻ വർഷങ്ങളിലെപ്പോലെ ഇത്തവണയും സ്ക്കൂൾ ലീഡർ കൃഷ്ണ ശങ്കറിന്റെ നേതൃത്വത്തിൽ അധ്യാപക ദിനം വിപുലമായി ആഘോഷിച്ചു.സ്ക്കൂൾ ലീഡർ ഹെഡ്മിസ്ട്രസ്സിനേയും ക്ലാസ്സ് ലീഡർമാർ മറ്റ് അധ്യാപകരേയും ബൊക്കെ നൽകി ആദരിച്ചു. കൃഷ്ണ ശങ്കർ ആശംസാ പ്രസംഗവും ഹെഡ്മിസ്ട്രസ്സ് നന്ദിയും അറിയിച്ചു.ഇന്നേ ദിവസം പല ക്ലാസ്സുകളിലും വിദ്യാർത്ഥികൾ അധ്യാപകരും അധ്യാപകർ വിദ്യാർത്ഥികളുമായിരുന്നു
ഹിരോഷിമ ദിനം
ആഗസ്റ്റ് 8 ഹിരോഷിമാ ദിനം സ്ക്കൂൾ അസംബ്ലിയിൽ വിദ്യാർത്ഥി പ്രതിനിധിയായ നന്ദന പി.നായർ യുദ്ധവിരുദ്ധ സന്ദേശം നല്കി .യുദ്ധവിരുദ്ധ സന്ദേശം ഉൾപ്പെടുത്തിക്കൊണ്ടുള്ള പോസ്റ്റർ മത്സരം, പ്ല കാർഡ് മത്സരം എന്നിവ നടത്തി വിജയികൾക്ക് സമ്മാനം നല്കി.
കായിക മത്സരം
ആഗസ്റ്റ് 14 ന് മണ്ണം പേട്ട മാതഹൈസ്കൂളിലെ കായിക മാമാങ്കം നടത്തി.പ്രതിഭകളെ കണ്ടെത്തി ഉപജില്ല മത്സരത്തിനുള്ള പരിശീലനത്തിന് തുടക്കമിട്ടു.ഈ വർഷം ജൂലൈ മാസം മുതൽ തന്നെ ഫുട്ബോൾ, കബഡി തുടങ്ങിയ ഇനങ്ങളിൽ കായികാധ്യാപകൻ എബിൻ തോമസ് മാസ്റ്ററുടെ നേതൃത്വത്തിൽ രാവിലെ 7.30 മുതൽ പരിശീലനം നല്കി വരുന്നു.
സഹപാഠിക്കൊരു സമ്മാനം
ഈ അധ്യയന വർഷം ജൂലൈ മാസത്തിലെക്ക് പ്രവേശിച്ചതുതന്നെ മിഥുന മഴയുടെ രൗദ്രഭാവങ്ങളുടെ അകമ്പടിയോടെയാണ് അപ്രതീക്ഷിത പ്രകൃതിദുരന്തങ്ങൾ ക്കെതിരെയുളള അതിജീവനത്തിൻെറവ പോരാട്ടത്തിനുവേണ്ടി സർക്കാരും പൊതുജനങ്ങളും നടത്തുന്ന ജീവകാരുണ്യപ്രവർത്തനങ്ങൾക്കൊപ്പം കൈക്കാർത്തുക്കൊണ്ട് മാതസ്ക്കൂളും മുന്നിട്ടിറങ്ങി. ഭവനനിർമ്മാണം ,ചികിത്സസഹായം ഡയാലിസിസ് സഹായം തുടങ്ങി ചാരിറ്റി പ്രവർത്തനങ്ങൾക്ക് വലിയപാരമ്പര്യമുളള സ്ക്കൂൾ സാമ്പത്തികമായി പിന്നാേക്കം നിൽക്കുന്ന കുട്ടികൾക്ക് സൗജന്യമായി പഠനോപകരങ്ങൾ വിതരണം ചെയ്യ്തു മാതൃഭൂമി ക്ലബ്ബ് എഫ് എം നന്മ പ്രോഗ്രാമിൻെറ നേതൃത്വത്തിൽ ക്ലബ്ബ് എഫ് എം ഉം സ്ക്കൂളും ചേർന്ന് നിർധനകുടുംബങ്ങളിലെ വിദ്യാർത്ഥികൾക്ക് പഠനോപകരണങ്ങൾനൽകിക്കൊണ്ട് സഹജീവിസ്നേഹത്തിന് ഉദാത്ത മാതൃകയാവുകയാന് ഇവിടുത്തെ വിദ്യാർത്ഥികൾ. .
പി ടി എ
ശക്തമായൊരു പി ടി എ ഏതൊരുസ്ക്കൂളിനും വൻമുതൽക്കൂട്ടുതന്നെയാണ് . ഈ ക്കൊല്ലത്തെ പി ടി എ ജനറൽ ബോഡി ജൂലൈ പത്താം തിയ്യതി നടന്നു. സ്ക്കൂളിൻെറ പ്രവർത്തനങ്ങൾക്ക് എന്നും താങ്ങായിരുന്ന കഴിഞ്ഞ വർഷത്തെ പി ടി എ ഭാരവാഹികളോട് നന്ദി പറഞ്ഞു. 2018 എസ്.എസ്.എൽ,സി ക്ക് ഫുൾ എ പ്ലസ് നേടിയ 17 വിദ്യാർത്ഥികളെ സ്വർണ്ണ പതക്കം നൽകി പി ടി എ ആദരിച്ചു. ഈ വർഷത്തെ പി ടി എ പ്രസിഡൻറായി ശ്രീ ജോബി വഞ്ചിപ്പിരയെയും വൈസ് പ്രസിഡൻറായി ശ്രീ ഉണ്ണിമോൻ അവർകളെയും മദർ പി ടി എ പ്രസിഡൻറായി ശ്രീമതി ശ്രീവിദ്യ ജയനെയും തിരഞ്ഞടുത്തു കൊണ്ട് ഈ വർഷത്തെ പ്രവർത്തനങ്ങൾക്ക് ആരംഭം കുറിച്ചു.
ലിറ്റിൽ കെെറ്റ്സ്
ജില്ലയിലെ മികച്ച ലിറ്റിൽ കൈറ്റ്സ് യൂണിറ്റിനുള്ള പുരസ്കാരം കരസ്ഥമാക്കി
മുൻവർഷങ്ങളിലെ മികവാർന്ന ഐ.ടി പ്രവർത്തനങ്ങൾക്ക് അംഗികാരമെന്നോണം കെെറ്റ് പ്രോജക് ടിന്റെ ലിറ്റിൽ കെെറ്റ്സ് എന്ന പദ്ധതിക്ക് സ്ക്കൂളിൽ പ്രവർത്തനാനുമതി ലഭിച്ചു. ലിറ്റിൽ കെെറ്റ്സിന്റെ ആഭിമുഖ്യത്തിൽ ഈ വിദ്യലയത്തിലെ കോ ഒ‍‍ാഡിനേറ്റർമാരായ ഫ്രാൻസിസ് മാസ്റ്ററുടെയും പ്രിൻസി ടീച്ചറുടെയും നേതൃത്വത്തിൽ ഹെെസ്ക്കൂളിലെ തിര‍ഞ്ഞെടുക്കപ്പെട്ട വിദ്യാർത്ഥികൾക്ക് കൃത്യമായി പരിശീലനം നല്കി വരുന്നു.അടുത്തവർഷം മുതൽ കെെറ്റ്സ് അംഗങ്ങൾക്ക് sslc പരീക്ഷക്ക് ഗ്രേസ് മാർക്ക് ഉണ്ടാകും എന്നത് ആശവഹമാണ്.
ഹലോ ഇംഗ്ലീഷ്
പൊതുവിദ്യാലയ‍‍‍ങ്ങളിൽ ഇംഗ്ലീഷ് പഠനം സുഗമമാക്കുന്നതിനുവേ‍‍‍‍ണ്ടിയുളള പാഠ്യപദ്ധതിയാണിത്.കളികൾ,സ്കിറ്റ് ,റെെംസ് ,സംഭാഷണങ്ങൾ എന്നിങ്ങനെയുളള സംഭാഷണത്തിലൂടെ ഇംഗ്ലീഷ് ഭാഷാനെെപുണി വളർത്തുന്ന ഈ പ്രോഗ്രാം വിദ്യാർത്ഥികളിൽ ഇംഗ്ലൂീഷിനോടുളള ആഭിമുഖ്യം വളർത്തുന്നതിന് സഹായകമായി.കൊടകര ബി.ആർ സി യുടെ "ഹലോ ഇംഗ്ലീഷ്"പ്രോഗ്രാം ഞങ്ങളുടെ സ്ക്കുളിൽ ജൂലെെ 7ന് ഉദ്ഘാടനം ചെയ്തു . തദവസരത്തിൽ ഇംഗ്ലീഷ് സ്കിറ്റ് ,ആക്ഷൻ സോങ്,തീം സോങ് , ഡിസ്ക്രിപ്ഷൻ എന്നീ പരിപാടികൾ അവതരിപ്പിച്ചു . തുടർപ്രവർത്തനങ്ങൾ സ്ക്കുളിൽ നടന്നുകൊണ്ടിരിക്കുന്നു.
മാത്സ് ക്വിസ് മത്സരം
അക്കാദമിക് മത്സരങ്ങളിൽ ഒട്ടും പുറകിലല്ല മാതാ സ്ക്കുൾ വിദ്യാർത്ഥികൾ . തലക്കോട്ടുക്കര വിദ്യ എഞ്ചിനീയറിങ്ങ് കോളേജിൽ നടന്ന മെഗാ ക്വിസിൽ സ്ക്കുളിലെ രണ്ട് ടീമുകൾ പങ്കെടുത്തു. അഭിനവ്- ശ്രീജേഷ് ടീം രണ്ടാം സ്ഥാനവും നവ്യ -ഏയ്ഞ്ചൽ ടീം നാലാം സ്ഥാനവും നേടി. നൂറിലധികം സ്ക്കുളുകൾ അതുംഅൺ എയ്ഡഡ് ഇംഗ്ലീഷ് മീഡിയം സ്ക്കുളുകൾ പങ്കെടുത്ത മത്സരത്തിലാണ് ഈ വിദ്യാർത്ഥികൾ അസൂയാവഹമായ നേട്ടം കൈവരിച്ചത്.
ഷൂട്ടൗട്ട് മത്സരം
ലോകകപ്പ് ഫുട്ബോൾ മത്സരത്തിന്റെ ആവേശം കുട്ടികളിലേക്കെത്തിക്കുന്നതിന് സ്ക്കൂളിൽ ഷൂട്ട് ഔട്ട് മത്സരം നടത്തി. സ്ക്കൂൾ മാനേജരും പി. ടി .എ എക്സിക്യൂട്ടിവ് അംഗങ്ങളും ഹെഡ്മിസ്ട്രസ്സും അധ്യാപകരം മത്സരത്തിൽ പങ്കെടുക്കുന്നു. അഞ്ചു പേരടങ്ങുന്ന 6ഗ്രുപ്പായി ഹൈസ്ക്കൂൾ വിദ്യാർത്ഥികളെ തിരിച്ചു. ഓരോ ഗ്രപ്പിനും ലോകകപ്പ് ടീമിന്റെ പേര് നൽകിയായിരുന്നു മത്സരം. ആവേശകരമായ മത്സരത്തിൽ വിജയികൾക്ക് സമ്മാനം നൽകി.
ലോകകപ്പ് മത്സരം- വലിയ സ്ക്രീനിൽ തത്സമയപ്രദർശനം
കേരളവിഷൻ കേബിൾ ടി.വി.യും മാതാ സ്ക്കൂളും ചേർന്ന് സ്ക്കൂൾ കോൺഫറൻസ് ഹാളിൽ നടത്തിയ ലോകകപ്പ് മത്സരം തത്സമയ ബിഗ് സ്ക്രീൻ പ്രദർശനം വൻവിജയമായിരുന്നു. ലോകകപ്പിന്റെ ആവേശം നെഞ്ചേറ്റിയ കുട്ടികളോടൊപ്പമുളള പ്രദർശനം അതീവ ഹൃദ്യമായിരുന്നു.
സബക്ത്രോ, കബഡി കോച്ചിങ്ങ് ആരംഭം
വിദ്യാർത്ഥികളുടെ പ്രത്യേകിച്ചും ആൺകുട്ടികളുടെ താൽപര്യത്തെ മുൻ നിറുത്തി സ്ക്കൂളിലെ കായികാധ്യാപകൻ എബിൻ തോമസിന്റെ നേതൃത്വത്തിൽ സബക്ത്രോ, കബഡി, ഫുട്ബോൾ എന്നീ ഇനങ്ങളിൽ രാവിലെ 7.30 മുതൽ പരിശീലനം നൽകി വരുന്നു. കായികക്ഷമതയുളള നല്ലൊരു തലമുറയെ വാർത്തെടുക്കുകയാണ് പരിശീലനം കൊണ്ട് ലക്ഷ്യമിടുന്നത്.
ചെസ്സ് മത്സരം
കുട്ടികളിൽ ആരോഗ്യകരമായ മത്സരബുദ്ധി വളർത്തുന്നതിനും ബുദ്ധിവളർച്ചയും ലക്ഷ്യമിട്ടുകൊണ്ട് വിദ്യാർത്ഥികൾക്ക് ചെസ്സ് മത്സരം നടത്തി. ഒട്ടും പ്രതീക്ഷിക്കാത്ത പ്രകടനമാണ് കുട്ടികൾ കാഴ്ചവച്ചത്. വിജയികളെ സമ്മാനങ്ങൾ നല്കി പ്രോത്സാഹിപ്പിച്ചു.
സിൽവർ സ്റ്റാർ- കുട്ടികളുടെ ക്യാമ്പ്
പഠനത്തോട് താൽപര്യം കാണിക്കാത്ത അലസരായ വിദ്യാർത്ഥികൾക്ക് "ഒാറ"യുടെ നേത്യത്വത്തിൽ പ്രത്യേക ക്യാമ്പ് സംഘടിപ്പിച്ചു.കഴിഞ്ഞ ഏതാനും വർഷങ്ങളായി ചിറ്റിശ്ശേരിയിൽ സ്ഥാപിതമായ "ഒാറ"യുടെ പ്രവർത്തനങ്ങൾ മാത സ്ക്കൂളിൽ നടന്നു വരികയാണ്. സിൽവർ സ്റ്റാർ ഗ്രൂപ്പ്എന്നാണ് ക്യാമ്പ് അംഗങ്ങൾക്ക് പേര് നൽകിയിരിക്കുന്നത് . നാല് ദിവസത്തെറസിഡൻഷ്യൽ ക്യാമ്പ്ആണ് കുട്ടികൾക്ക് സംഘടിപ്പിച്ചത്. ക്യാമ്പിൽ പങ്കെടുത്ത കുട്ടികൾക്ക് പഠനത്തോട് ഔത്സുക്യം വർദ്ധിച്ചതായി ശ്രദ്ധയിൽപ്പെട്ടു. തുടർന്ന് പെൺകുട്ടികൾക്കും ഇത്തരം ഒരു ക്യാമ്പ് നടത്തുന്നതിന് സംഘാടകർ ആലോചിച്ചുവരുന്നു.
സ്കൗട്ട്,ഗെെഡ്,ജെ ആർ സി പരിശീലനം
ആഴ്ച്ചകൾതോറും നടന്നുവരാറുളള സ്കൗട്ട്, ഗെെഡ്,ജെ ആർസി പരിശീലനം ക്രമമായിതന്നെ നടക്കുന്നു . സ്കൗട്ട്, ഗെെഡ്സ് യൂണിറ്റിന്റെ നേതൃത്വത്തിൽ ഔഷധസസ്യത്തോട്ട നിർമ്മാണം പുരോഗമിച്ചു വരുന്നു.സ്ക്കൂൾ പരിസരം വൃത്തിയാക്കുന്നതിലും സ്കൗട്ട്,ഗെെഡ് വിദ്യാർത്ഥകൾ അതീവ ശ്രദ്ധപുലർത്തുന്നു.
ഗണിതലാബ് സജ്ജീകരണം
കൊടകര ബി ആർ സി യുടെ സഹകരമത്തോടെ മണ്ണംപേട്ട മാതാ എൽ പി വിഭാഗം ഗണിതലാബ് ജൂലെെ 30 ന് സജ്ജികരിച്ചു. ഗണിതപഠനം ആസ്വാദ്യകരവും സുഗമവുമാക്കാൻ സഹായകരമാക്കുന്ന തരത്തിൽ ഒട്ടേറെ പഠനോപകരണകൾ ലാബിൽ സജ്ജികരിക്കുകയുണ്ടായി. വിവിധപാറ്റേണിയുള്ള മുത്തുമാലകൾ , ചെസ്സ് ബോർഡ്,പാമ്പും കോണിയും , സ്ഥാനവില പോക്കറ്റ് നമ്പർ കാർഡ് ,അരവിന്ദഗുപ്ത, ഒറിഗാമി,ക്ഷേത്രഗണിതരൂപങ്ങൾ ശേഖരണങ്ങൾ തുടങ്ങിയവ അവയിൽ ചിലതാണ് .പ്രെെമറി വിഭാഗം കുട്ടികൾക്ക് പ്രദർശനത്തിനുളള സൗകര്യവും ഒരിക്കിയിരുന്നു.
ശ്രേഷ്ഠഗുരു ആദരം 2018
ലോക് നായക് ജെ പി അക്കാദമിയുടെ നേതൃത്വത്തിൽ സംഘടിപ്പിച്ച ശ്രേഷ്ഠ ഗുരു ആദരം 2018 പരിപാടിയിൽ സ്ക്കൂൾ ഹെഡ്മിസ്ട്രസ് പി.സി ആനീസ് ടീച്ചറെ പൊനാട അണിയിച്ച് ആദരിച്ചു.അളഗപ്പനഗർ പഞ്ചായത്ത് പ്രസിഡൻറ് ശ്രിമതി കെ രാജേശ്വരി ഉദ്ഘാടനം നിർവഹിച്ച യോഗത്തിൽ ലോക് നായക് ജെ . പി അക്കാദമി ചെയർമാൻ ശ്രി എം പി ജോയ് അദ്ധ്യക്ഷനായിരുന്നു. വാർഡ് മെമ്പർ ശ്രീമതി ഭാഗ്യവതി ചന്ദ്രന്റെ മുഖ്യ സാന്നിധ്യത്തിൽ സ്ക്കൂൾ മാനേജർ റവ.ഫാ.സെബി പുത്തൂർ മുഖ്യ പ്രഭാഷണം നടത്തി. സ്കൂൾ പി ടി എ പ്രസിഡന്റ് ശ്രീ ജോബി വഞ്ചിപ്പുര, മദർ പി .ടി.എ പ്രസിഡന്റ് ശ്രീമതി ശ്രീവിദ്യാ ജയൻ,ശ്രീ കെ.പി ഉണ്ണിമോൻ,അധ്യാപകരായ മേഗി എൻ ഡി ,എൽസി കെ. ഒ എന്നിവർ പരിപാടികൾക്ക്നേതൃത്വം നല്കി. കഴിഞ്ഞ നാലു വർഷങ്ങളായി നമ്മുടെ സ്ക്കൂളിന്റെ സാരഥ്യം വഹിച്ചുകൊണ്ടിരിക്കുന്ന നമുക്കേവർക്കും പ്രിയങ്കരിയായ ആനീസ് ടീച്ചറിനെ കുറിച്ച് ഏതാനും വാക്കുകൾ പറയാനാഗ്രഹിക്കുകയാണ്. ഇവിടെ സംഘടിപ്പിച്ചിരിക്കുന്ന 'ശ്രേഷ്ഠഗുരു ആദരം _ 2018പരിപാടിയിൽ ആദരവുകൾ ഏറ്റുവാങ്ങുന്നതിന് തീർത്തും അർഹയായ വ്യക്തി തന്നെയാണ് നമ്മുടെ ടീച്ചർ'. ഒരു അധ്യാപികയ്ക്ക് വേണ്ട എല്ലാ ഗുണങ്ങളും തികഞ്ഞ ഒരാൾ .അതിലുപരി ആരായിരിക്കണം ഒരു പ്രധാന അധ്യാപകൻ എന്നതിന് ഒരു നല്ല മാതൃക തന്നെയാണ് ആനീസ് ടീച്ചർ. നല്ലൊരു സംഘാടക യേയും നേതാവിനേയും നല്ലൊരു ഉപദേഷ്ടാവിനേയും നല്ലൊരു ഗുരുവിനേയും നല്ലൊരു സഹപ്രവർത്തകയേയും ഒരു അമ്മയേയും ഒരു കുറ്റാന്വേഷക യേയും നല്ലൊരു കൂട്ടുകാരിയേയും നമുക്ക് ടീച്ചറിൽ കാണാം. എന്തിനേറെ പറയുന്നു ഒരു പ്രധാന അധ്യാപിക എന്ന നിലയ്ക്കുള്ള അവരുടെ വേഷപകർച്ചകളെല്ലാം ഒന്നിനൊന്ന് മെച്ചം തന്നെ. ടീച്ചർ പ്രധാന അധ്യാപികയായി ഈ സ്ക്കൂളിൽ ഇരിക്കുന്നിടത്തോളം കാലം ഞങ്ങൾ രക്ഷിതാക്കൾക്ക് ഞങ്ങളുടെ മക്കളെ ധൈര്യപൂർവ്വം ഇങ്ങോട് അയക്കാം എന്നത് വലിയൊരു ആശ്വാസമാണ്. ഇങ്ങനെയെല്ലാമുള്ള ആനീസ് ടീച്ചറെ ആദരിക്കുന്നതിൽ നമുക്കെല്ലാവർക്കും ഏറെ സന്തോഷം തന്നെ .ടീച്ചറുടെ സേവന കാലമത്രയും തുടർന്നും എല്ലാ വിധ ഈശ്വരാനുഗ്രഹങ്ങളും ഉണ്ടാകട്ടെ എന്ന് പ്രാർത്ഥിക്കുന്നതോടൊപ്പം പി.ടി.എയുടെ പേരിൽ എല്ലാ വിധ ആശംസകളും നേരുന്നു
ഭവനസന്ദർശനം
വിദ്യാർത്ഥികളുടെ വീടുകളിലെ പഠനാന്തരീക്ഷം അറിയുന്നതിനും അവരുടെ പ്രശ്നങ്ങൾ നേരിട്ട് കണ്ടും മാതാപിതാക്കളിൽ നിന്ന് അന്വേഷിച്ച് അറിയ്ന്നതിനുമായി അധ്യാപകർ തങ്ങളുടെ വിദ്യാർത്ഥികളുടെ വീടുകൾ സന്ദർശിക്കുന്നു.വ്യക്തിഗതമായി ഓരോരുത്തെ മനസ്സിലാക്കാൻ കഴിയുന്നതുകൊണ്ട് കുട്ടികളോട് അടുത്തിടപെടുന്നതിനും പഠനത്തിനും സ്വഭാവരൂപികരണത്തിനും സഹായിക്കുനതിനും സാധിക്കുന്നുണ്ട് .വീട്ടുക്കാർക്കും അധ്യാപകരോട് വളരെയധികം മതിപ്പും ബഹുമാനവും വളരുന്നതായി കാണാൻ കഴിഞ്ഞു.
സ്ക്കൂൾ ഉദ്യാനനിർമ്മാണം
സ്ക്കൂളിൽ നിലവിലുളള ജെെവ വെെവിധ്യോദ്യാനത്തിനു പുത്തൻഉണർവ് നല്കുന്ന പ്രവർത്തനങ്ങൾക്ക് ആരംഭംകുറിച്ചു. സ്ക്കൂളിലെ എല്ലാ സബ്ജക്റ്റ് ക്ലബുകളുടെയും നേതൃത്വത്തിലാണ് ചെടിച്ചട്ടികളിൽ പൂച്ചെടികൾ നട്ടുവളർത്തുന്നത് . കുട്ടികൾ വളരെയധികം താല്പര്യത്തോടെയാണ് ചെടികളെ സംരക്ഷിക്കുന്നത്.പരിസ്ഥിതിസംരക്ഷണബോധം കുട്ടികളിൽ വളർത്തുകയാണ് ലക്ഷ്യം. ഇതോടൊപ്പം തന്നെ പ്ലാസ്റ്റിക്ക് നിർമ്മാർജ്ജനം ലക്ഷ്യമാക്കി 'സീറൊ വേസ്റ്റ് കേമ്പസ് 'പരിപാടി നടത്തുന്നുണ്ട് .ഒാരോ ആഴ്ചയും ഓരോ ക്ലാസുകാർ സ്ക്കൂൾ പരിസരം വൃത്തിയാക്കുന്നം.
മഴക്കൊയ്ത്ത്
ഗൃഹാതുരമായ ഓർമ്മകളുണർത്തി മണ്ണും മനസ്സും കുളിർപ്പിച്ച് കടന്നുവരുന്ന കർക്കിടകത്തിലെ തോരാമഴ ഒാരോ മലയാളിയുടെയും സ്വകാര്യ അഹങ്കാരവും പൊന്നിൻ ചിങ്ങത്തെ വരവേല്ക്കാനുളള തയ്യാറെടുപ്പിന്റേയും ആത്മീയ ഉണർവിന്റെയും കാലമാണ്. പുഴനിറയുന്ന, കാടും മേടും വളരുന്ന ഈ നീരുറവക്കാലത്തെ ഒരനുഗ്രഹമാക്കിക്കൊണ്ട് മാതാ സ്ക്കൂൾ അങ്കണത്തിലെ മഴവെളളസംഭരണി ഏറ്റവും വൃത്തിയായി റീചാർജ്ജ് ചെയ്ത് സൂക്ഷിക്കുന്നു.
"ഈശ്വരവിശ്വാസം എന്ന മൂലധനം കരുത്തായിട്ടുളളവർക്ക് പൊങ്ങുതടിപോലെ അലസമായി ഒഴുകിനീങ്ങാനുളളതല്ല ജീവിതം. അവസരങ്ങൾ തിരിച്ചറി‍ഞ്ഞുപയോഗിക്കന്നവനേ വിജയലക്ഷ്യത്തിലെത്താൻ കഴിയൂ. അവസരം പ്രതീക്ഷിച്ചതിനേക്കാൾ ചെറുതാണെങ്കിലും അത് പൊതുക്ഷേമത്തിനും വ്യക്തിക്ഷേമത്തിനും ഗുണകരമാംവിധം വിനിയോഗിക്കുക" ഈയൊരു തിരിച്ചറിവിലൂടെ പരാജയങ്ങളെപ്പോലും വിജയത്തിലേക്കുളള ഏണിപ്പടികളാക്കിക്കൊണ്ട് കൃത്യമായ ദിശാബോധം നല്കി ഭാവിയുടെ സ്വപ്നങ്ങൾക്ക് ചിറകുകൾ നൽകുന്ന കൃത്യനിർവ്വഹണത്തിൽ മാതാ സ്ക്കൂൾ സ്റ്റാഫും പി. ടി. എ യും മാനേജ്മെന്റെും ഒറ്റക്കെട്ടായി പ്രവർത്തിക്കുന്നു. പ്രവർത്തനങ്ങൾക്ക് മാർഗ്ഗദർശനം നൽകുന്നതിൽ തൃശൂർ അതിരൂപത കോർപ്പറേറ്റ് മാനേജർ റവ. ഫാ. ഡോ. ആന്റണി ചെമ്പകശ്ശേരിയും സ്ക്കൂൾ മാനേജർ റവ. ഫാ. സെബി. പുത്തൂരും പ്രത്യേകം ശ്രദ്ധിക്കുന്നു. കാലചക്രപ്രവാഹത്തിൽ മാതാ സ്ക്കൂളിനുവേണ്ടി ചെയ്തുതന്ന എല്ലാവിധ അനുഗ്രഹങ്ങൾക്കും ഈശ്വരൻ എന്ന മഹാശക്തിക്കുമുന്നിൽ ശിരസ്സ് നമിച്ചുകൊണ്ട്, നാളെയുടെ മോഹനവാഗ്ദാനങ്ങളെ വാർത്തെടുക്കുന്ന അശ്രാന്തപരിശ്രമത്തിൽ വീണ്ടും മുന്നോട്ട്...........