ജി എച്ച് എസ്സ് പട്ടുവം/അക്ഷരവൃക്ഷം/ശുചിത്വം മഹത്വം

ശുചിത്വം മഹത്വം എല്ലാവരും രാധയുടെ വീട്ടിൽ ഒത്തുകൂടി." അപ്പുറത്തെ അമ്മുവിന് പനിയാണ്" രാധ പറഞ്ഞു." നമ്മുടെ കോളനിയിൽ മാത്രം എന്താ ഇങ്ങനെ ഒരാളുടെ അസുഖം മാറുമ്പോഴേക്കും അടുത്ത ആൾക്ക് തുടങ്ങും ". ഇതിനിടയിൽ അവിടുത്തെ വാർഡ് മെമ്പർ വന്ന് " ഇന്ന് വൈകിട്ട് നാലു മണി ആകുമ്പോഴേക്കും എല്ലാവരും സ്റ്റേജിൽ എത്തിച്ചേരണം. ഇന്ന് ഈ കോളനിയിലെ എല്ലാവരെയും പരിശോധിക്കാൻ ഡോക്ടർ വരുന്നുണ്ട്. " അങ്ങനെ എല്ലാവരും സ്റ്റേജിൽ ഒത്തുകൂടി. ഡോക്ടർ ഓരോരുത്തരെയായി പരിശോധിക്കാൻ തുടങ്ങി. ഡോക്ടർക്ക് മനസ്സിലായി എന്തുകൊണ്ടാണ് ഈ കോളനിയിലെ ജനങ്ങൾക്ക് രോഗം വരുന്നതെന്ന്. നഖം ഒന്നും വെട്ടാതെ വൃത്തികേട് ആയിരിക്കുന്നു. ഡോക്ടർ ആ കോളനി പരിസരങ്ങൾ നോക്കി. ഒരുഭാഗത്ത് പ്ലാസ്റ്റിക്കും മറ്റ് മാലിന്യങ്ങളും കൂട്ടിയിരിക്കുന്നു. മറുഭാഗത്ത് മലിനജലം കെട്ടികിടക്കുന്നു അതിൽ കൊതുകുകൾ മുട്ടയിട്ട് പാർക്കുന്നു. ഡോക്ടർ കോളനിയിലെ എല്ലാവരോടും പറഞ്ഞു:" നിങ്ങൾക്കൊക്കെ ഉണ്ടാവുന്ന രോഗങ്ങൾക്ക് കാരണം ഇതൊക്കെ തന്നെയാണ്. നാം വ്യക്തിശുചിത്വവും പരിസരശുചിത്വവും പാലിക്കണം. ഇവ കൃത്യമായി പാലിച്ചാൽ പകർച്ചവ്യാധികളെ യും മറ്റു രോഗങ്ങളെയും ഒരു പരിധിവരെ നിയന്ത്രിക്കാൻ സാധിക്കും. നഖം വെട്ടി വൃത്തിയാക്കുന്നത് രോഗാണുക്കളെ തടയും. ഭക്ഷണത്തിനു മുൻപും പിൻപും സോപ്പുപയോഗിച്ച് കൈകൾ കഴുകുക. കഴുകി വൃത്തിയാക്കിയ വസ്ത്രങ്ങൾ മാത്രം ധരിക്കുക. ദിവസവും സോപ്പിട്ട് കുളിച്ച് ശരീരശുദ്ധി ഉറപ്പാക്കണം. ദിവസവും 2 ലിറ്റർ വെള്ളം കുടിക്കണം അതും തിളപ്പിച്ചാറിയ വെള്ളം മാത്രം കുടിക്കുക. ഞാൻ ഈ കോളനി പരിസരങ്ങൾ ശ്രദ്ധിച്ചു; ഒരു വൃത്തിയും ഇല്ല. അവിടെ കൂട്ടിരിക്കുന്ന പ്ലാസ്റ്റിക്കുകൾ ഒഴിവാക്കണം. പ്ലാസ്റ്റിക് ഉപയോഗം കുറയ്ക്കണം. ആ മലിനജലം അതിൽ എത്രയാ കൊതുകുകൾ. ഇതൊക്കെ നിങ്ങൾ വിചാരിച്ചാൽ തന്നെ വൃത്തിയാക്കാം. ഇതൊക്കെ ചെയ്താൽ തന്നെ നമ്മുടെ രോഗത്തെ നിയന്ത്രിക്കാൻ സാധിക്കും. " അങ്ങനെ ആ കോളനിയിലെ എല്ലാവരും കൂടി ഒത്തു ചേർന്ന് വൃത്തിയാക്കി. ദേവനന്ദ വി വി 9 എ ജി എച്ച് എസ് എസ് പട്ടുവം തളിപ്പറമ്പ് നോർത്ത് ഉപജില്ല കണ്ണൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Mtdinesan തീയ്യതി: 22/ 04/ 2020 >> രചനാവിഭാഗം - ലേഖനം