ജി എച്ച് എസ് എസ് വാടാനാംകുറുശ്ശി/പരിസ്ഥിതി ക്ലബ്ബ്-17

ആമുഖം വാടാനാംകുറുശ്ശി സ്കൂൾ പരിസ്ഥിതി ക്ലബ്ബ് വർഷങ്ങളായി സ്തുത്യർഹമായ പ്രവർത്തനങ്ങൾ നടപ്പിലാക്കി വരുന്നു. അനേകം വിദ്യാർത്ഥികൾ പരിസ്ഥിതി സേവകരായി തുടർന്നും പ്രവർത്തിച്ചുവരുന്നത് ക്ലബ്ബ് പ്രവർത്തനങ്ങളുടെ നേട്ടമായി കണക്കാക്കാം. ഇന്നു സ്കൂളിൽ കാണുന്ന മരങ്ങൾ വിവിധ വർഷങ്ങളിൽ ക്ലബ്ബ് പ്രവർത്തകർ നട്ടുപിടിപ്പിച്ചതാണ്. പച്ചക്കറി കൃഷി പ്രോത്സാഹിപ്പിക്കുന്നതിനായി സ്കൂളിന്റെ ഒഴിഞ്ഞ ഭാഗങ്ങളിൽ വിവിധ ഇനം പച്ചക്കറികൾ കൃഷി ചെയ്തു വരുന്നു .അതിൽ നിന്നും ലഭിക്കുന്ന പച്ചക്കറികൾ സ്കൂൾ ഭക്ഷണം തയ്യാറാക്കുവാൻ ഉപയോഗിക്കുന്നു..ഗ്രോ ബാഗുകളിലും പച്ചക്കറികൾ നട്ടു വളർത്തുന്നുണ്ട്. ലക്ഷ്യവും പ്രവർത്തനവും പരിസ്ഥിതിയെ നേരിട്ട് അറിയുക എന്നത് ലക്ഷ്യമിട്ട്...... എല്ലാ വർഷവും ഒക്ടോബർ നവംബർ മാസങ്ങളിൽ പരിസ്ഥിതി ക്യാമ്പുകൾ സംഘടിപ്പിക്കാറുണ്ട്.കേരളത്തിലെ ഏതെങ്കിലും വന്യജീവി സങ്കേതത്തിലാണ് ക്യാംമ്പ് സംഘടിപ്പിക്കുന്നത്. ബന്ധപ്പെട്ട ഫോറസ്റ്റ് ഓഫീസറുടെ അനുമതി നേടിയ ശേഷം പരിസ്ഥിതി ക്ലബിലെ തെരെഞ്ഞെടുക്കപ്പെടുന്ന 30 അംഗങ്ങളും അധ്യാപകരും 3 ദിവസം അവിടെ തങ്ങി പരിസ്ഥിതിയെ അടുത്തറിയുന്നു.വനത്തിലൂടെയുള്ള യാത്ര ഒരു നവ്യാനുഭവം നൽകുന്നു. പരിസ്ഥിതി മലിനീകരണം തടയൽ, പുഴ സംരക്ഷണം എന്നിവ ലക്ഷ്യമിട്ട് ....... എല്ലാ വർഷവും പരിസ്ഥിതി ക്ലബിന്റെ ആഭിമുഖ്യത്തിൽ ഷൊർണ്ണൂർ റെയിൽവേ സ്റ്റേഷനോടു ചേർന്നുള്ള ഭാരതപ്പുഴയുടെ തീരങ്ങളിൽ കുട്ടികളുടെ നേതൃത്വത്തിൽ മാലിന്യ നിർമ്മാർജ്ജന പ്രവർത്തനം നടത്തുന്നു. . നടീൽ ഉത്സവവും ,കൊയ്ത്തുത്സവവും നാടിന്റെ പഴമയും തനിമയും അറിയുവാൻ കുട്ടികളെ സഹായിക്കുന്നു.........സ്കൂളിനു സമീപമുള്ള 2 ഏക്കർ പാടം പാട്ടത്തിനെടുത്ത് ജൈവകൃഷി നടത്തി വരുന്നു.യാതൊരു കീടനാശിനിയും, രാസവളങ്ങളും ഉപയോഗിക്കാതെ പൂർണ്ണമായും ജൈവ വളങ്ങളെ മാത്രം ആശ്രയിച്ചുള്ള കൃഷിരീതിയാണ് ഇവിടെ അവലംബിക്കുന്നത്.മായം കലർന്നതും കീടനാശിനികൾ ചേർന്നതുമായ ഭക്ഷണം നമ്മുടെ ആരോഗ്യം നശിപ്പിക്കുന്ന ഈ കാലത്ത്ജൈവകൃഷിയിലൂടെ ആരോഗ്യം വീണ്ടെടുക്കാം എന്ന അവബോധം കുട്ടികൾക്ക് ലഭിക്കുന്നു. ഔഷധ സസ്യങ്ങൾ ശരീരപുഷ്ടി ക്ക് ..... എല്ലാ വർഷവും പരിസ്ഥിതി ക്ലബിന്റെ നേതൃത്വത്തിൽ കർക്കിടക മാസത്തിൽ പത്തിലക്കറി തയ്യാറാക്കി കുട്ടികൾക്ക് നൽകുന്നു.ഔഷധ സസ്യങ്ങളുടെ പ്രാധാന്യം മനസ്സിലാക്കുവാൻ കുട്ടികളെ സഹായിക്കുന്നു. ഔഷധ സസ്യ പ്രദർശനം, ഔഷധത്തോട്ട പരിപാലനം .... ഔഷധ സസ്യങ്ങളുടെ പ്രാധാന്യം കുട്ടികളെ ബോധ്യപ്പെടുത്തുന്നതിനായി പരിസ്ഥിതി ക്ലബിന്റെ ആഭിമുഖ്യത്തിൽ എല്ലാവർഷവും ഔഷധസസ്യ പ്രദർശനം സ്കൂളിൽ സംഘടിപ്പിക്കുന്നു. വിവിധ ഔഷധ സസ്യങ്ങളും അവയുടെ ശാസ്ത്രീയ നാമങ്ങളും കുട്ടികളെ പരിചയപ്പെടുത്തുന്നു .പരിസ്ഥിതി ക്ലബിന്റെ ആഭിമുഖ്യത്തിൽ വിവിധയിനം ഔഷധ സസ്യങ്ങൾ വിതരണം ചെയ്യുന്നു.ഇതിനു പുറമേ സ്കൂളിൽ ഒരു ഔഷധതോട്ടം പരിപാലിച്ചു വരുന്നു. പരിസ്ഥിതി ദിനാചരണം ....... ലോക പരിസ്ഥിതി ദിനത്തിൽ പരിസ്ഥിതി ക്ലബ് നിരവധി പ്രവർത്തനങ്ങൾ നടത്തി വരുന്നു. പരിസ്ഥിതി ക്വിസ്, പരിസ്ഥിതി സെമിനാർ, പരിസ്ഥിതി സംരക്ഷണ പ്രതിജ്ഞ, പരിസ്ഥിതിപോസ്റ്റർ നിർമ്മാണം, പരിസ്ഥിതി ബോധവൽക്കരണം തുടങ്ങിയ വിവിധങ്ങളായ പ്രവർത്തനങ്ങൾ ചെയ്തു വരുന്നു. സ്കൂൾ സൗന്ദര്യവത്ക്കരണം ........ വിവിധ ഇനം ഇലച്ചെടികൾ ചട്ടികളിൽ വെച്ചുപിടിപ്പിച്ച് സ്കൂൾ സൗന്ദര്യവത്ക്കരണത്തിന് നേതൃത്വം നൽകുന്നു. സസ്യ പരിപാലനം എന്നതിലേക്ക് ഇത് കുട്ടികളെ കൂടുതൽ അടുപ്പിക്കുന്നു. , , , , നടീൽ ഉത്സവവും ,കൊയ്ത്തുത്സവവും നാടിന്റെ പഴമയും തനിമയും അറിയുവാൻ കുട്ടികളെ സഹായിക്കുന്നു........സ്കൂളിനു സമീപമുള്ള 2 ഏക്കർ പാടം പാട്ടത്തിനെടുത്ത് ജൈവകൃഷി നടത്തി വരുന്നു.യാതൊരു കീടനാശിനിയും, രാസവളങ്ങളും ഉപയോഗിക്കാതെ പൂർണ്ണമായും ജൈവ വളങ്ങളെ മാത്രം ആശ്രയിച്ചുള്ള കൃഷിരീതിയാണ് ഇവിടെ അവലംബിക്കുന്നത്.മായം കലർന്നതും കീടനാശിനികൾ ചേർന്നതുമായ ഭക്ഷണം നമ്മുടെ ആരോഗ്യം നശിപ്പിക്കുന്ന ഈ കാലത്ത്ജൈവകൃഷിയിലൂടെ ആരോഗ്യം വീണ്ടെടുക്കാം എന്ന അവബോധം കുട്ടികൾക്ക് ലഭിക്കുന്നു. കൃഷി ഒറ്റനോട്ടത്തി‍ൽ നടീൽ ഉത്സവം കൊയ്ത്തുത്സവം പരിസ്ഥിതി ദിനാചരണം - വൃക്ഷത്തൈ നടുന്നു.