"കാരാറത്ത് യു പി എസ്‍/അക്ഷരവൃക്ഷം/ആശങ്കാകുലം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

   ഉറക്കമുണർന്ന് നേരെ വാഷ്ബേസിനരികിലേക്ക് നീങ്ങുന്ന സമയത്താണ് ഞാൻ ശ്രദ്ധിച്ചത് അച്ഛനും അമ്മയുമൊക്കെ ടി.വിക്ക് മുന്നിൽ നിരന്നിരിക്കുന്നു .എല്ലാവരുടേയും മുഖത്ത് വല്ലാത്ത ആകാംക്ഷ.എനിക്ക് കാര്യം മനസ്സിലായില്ല. എന്തോ കാര്യമായ വാർത്ത നടക്കുന്നുണ്ട്. അച്ഛൻ ചാനൽ മാറ്റി മാറ്റി വാർത്തകൾ നോക്കുന്നുണ്ട്. പെട്ടെന്ന് പല്ലുതേച്ച് കഴിഞ്ഞ് ഞാനും ചെന്നു." കൊറോണാ വൈറസ് അത് ലോകമൊട്ടാകെ പടർന്നു പിടിക്കുന്നുണ്ടത്രേ. ചൈനയിലും ഇറ്റലിയിലും അമേരിക്കയിലുമൊക്കെ മണിക്കൂറുകൾക്കിടയിൽ ഒരു പാട് പേർ മരിക്കുന്നു. നൂറു കണക്കിനാളുകൾക്ക് രോഗം പിടിപെടുന്നു.ഞാൻ അച്ഛനെ തൊട്ടു വിളിച്ചു ." അച്ഛാ നമ്മൾക്കും വരുമോ ഈ അസുഖം?" അച്ഛനും അമ്മയും എന്നെ നോക്കി പരിഭ്രാന്തിയോടെ പിന്നേയും വാർത്തയിലേക്ക് ശ്രദ്ധിച്ചു.