വി.എം.സി.ജി.എച്ച്.എസ്.എസ്. വണ്ടൂർ/അക്ഷരവൃക്ഷം/കോറോണകാലത്തെ വിഷു

കോറോണകാലത്തെ വിഷു വേനലിൽ സ്വർണ്ണത്തിന്റെ നിധി ശേഖരം തരുന്ന വൃക്ഷം എന്നാണ്. കൊന്നകളെപറ്റി പുരാണങ്ങളിൽ പറയുന്നത്. വിഷു എന്നാൽ തുല്യമായത് എന്നർത്ഥം. അതായത് രാത്രിയും പകലും തുല്യമായ ദിവസം. മേടം ഒന്നിന് മേട വിഷുവും തുലാം ഒന്നിനു തുലാ വിഷുവും ഉണ്ട് ഒരു രാശിയിൽനിന്നും അടുത്ത രാശിയിലേക്ക് സൂര്യൻ പോകുന്നതിനെ സംക്രാന്തി എന്നു പറയുന്നു.സംക്രാന്തികളിലെ പ്രധാനമായത് മഹാവിഷു എന്നും പറയുന്നു.കുട്ടിക്കാലത്തു അച്ഛമ്മയുടെ അടുക്കൽ നിന്നും ഈ കഥകളെല്ലാം കേട്ട ഓര്മകളായിരുന്നു എനിക്ക് വിഷുദിനങ്ങൾ .ഇന്ന് കോറോണയെ പറ്റി മാത്രം സംസാരിക്കുന്ന കുടുംബങ്ങളെ എനിക്ക് കാണാൻ കഴിഞ്ഞുള്ളു .എല്ലാവരും ഒത്തുകൂടിയിരുന്ന വിഷു വീഡിയോകോളുകളിലൊതുങ്ങി .പലതരം വിഭവങ്ങളടങ്ങിയ സദ്യക്കു പകരം സാധാരണ ദിവസം പോലെയുള്ള ഭക്ഷണം ആയി .വിഷു കൈനീട്ടം ഗൂഗിൾ പേയിലേക്കൊതുങ്ങി .കൊന്നപ്പൂ വേലിക്കുള്ളിൽ ഇല്ലാത്തതിനാൽ കണിവെക്കാൻ കിട്ടാതെ പോയി.കഴിഞ്ഞകൊല്ലം വരെ പടക്കം പൊടിച്ചതും പൂത്തിരികൾ കത്തിച്ചതും വെറും ഓർമ്മകൾ മാത്രമായി .ഒരു തുള്ളി കൊന്നപ്പൂവുപോലും ഇല്ലാത്ത ഒരു ചെറിയ വിഷുക്കണിയിലൊതുങ്ങി എന്റെ ഈ വിഷു .എന്റെ കൈനീട്ടം പ്രധാനമന്ത്രിയുടെ ദുരിതാശ്വാസ നിധിയെലേക്ക് കൊടുക്കാൻ അച്ഛനാവശ്യപ്പെട്ടു .ഇതെല്ലാമായിരുന്നു എന്റെ കോറോണക്കാലത്തെ വിഷു അനുഭവങ്ങൾ തീർത്ഥ 9 I വി.എം.സി.ജി.എച്ച്.എസ്.എസ്. വണ്ടൂർ വണ്ടൂർ ഉപജില്ല മലപ്പുറം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - jktavanur തീയ്യതി: 22/ 04/ 2020 >> രചനാവിഭാഗം - ലേഖനം