Christ king

പാവറട്ടി ഗ്രാമത്തിൽ സൗവർണ്ണ പ്രഭ ചൊരിഞ്ഞ് പരിലസിക്കുന്ന വിദ്യാലയമാണ് ക്രൈസ്റ്റ് കിംഗ് കോൺവെന്റ് ഗേൾസ് ഹൈസ്ക്കൂൾ .1936 ൽ സ്ഥാപിതമായ ഈ വിദ്യാലയം നിസ്തുലമായ സേവന പാരമ്പര്യത്തിലൂടെ ജൈത്രയാത്ര തുടരുകയാണ്. സ്ത്രീ വിദ്യാഭ്യാസത്തിലൂടെ ഈ നാടിന്റെ  ആത്മീയവും , ധാർമികവുമായ മാനങ്ങൾക്ക് ഊടും പാവും നൽകി പാവറട്ടിയിലും പ്രാന്തപ്രദേശങ്ങളിലും കെട്ടുറപ്പുള്ള  ഒരു നല്ല സമൂഹത്തെ വാർത്തെടുക്കുന്നതിൽ ഈ വിദ്യാലയത്തിനുള്ള പങ്ക് അദ്വതീയമാണ്.‌‌ഋഷിമാരുടെ പുണ്യഭൂമിയായ ഭാരതത്തിൽ സ്നേഹ സംസ്ക്കാരത്തിന്റെ ഭദ്രദീപം കൊളുത്തിയ യുഗപ്രഭാവനാണ് വാഴ്ത്തപ്പെട്ട ചാവറ കുര്യാക്കോസ് ഏലിയാസച്ചൻ . ചാവറയച്ചൻ അന്ന് സ്ഥാപിച്ച പള്ളിക്കൂടങ്ങളാണ് ഇന്നും വിദ്യാനികേതനങ്ങളായി അക്ഷരകേരളത്തിന് പ്രത്യാശയുടെ പൊൻവെളിച്ചമായി നിലക്കൊള്ളുന്നത്.