"പാലക്കാട്‌ കോട്ട" എന്ന താളിന്റെ പതിപ്പുകൾ തമ്മിലുള്ള വ്യത്യാസം

|controlledby = [[ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യ]]

[[ചിത്രം:ടിപ്പുവിന്‍റെ കോട്ട.JPG|thumb|right|250px| കോട്ടയുടെ പടിഞ്ഞാറേ വശം]]

[[കേരളം|കേരളത്തിലെ]] [[പാലക്കാട്]] പട്ടണത്തിന്റെ ഹൃദയഭാഗത്തായി ആണ് പാലക്കാട് കോട്ട ('''[[ടിപ്പു സുല്‍ത്താന്‍|ടിപ്പു സുല്‍ത്താന്റെ]] കോട്ട''') സ്ഥിതിചെയ്യുന്നത്. [[മൈസൂര്‍]] രാജാവായിരുന്ന [[ഹൈദരലി]] [[1766]]-ല്‍ പണികഴിപ്പിച്ച ഈ കോട്ട പിന്നീട് പിടിച്ചടക്കിയ ബ്രിട്ടീഷുകാര്‍ കോട്ട പുനരുദ്ധരിച്ചു. പല വീരകഥകളും ഉറങ്ങുന്ന ഈ കോട്ട ഇന്ന് ഭാരത പുരാവസ്തു വകുപ്പ് ([[ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യ]]) ആണ് സംരക്ഷിക്കുന്നത്. ഇന്ത്യയിലെ തന്നെ ഏറ്റവും നന്നായി സംരക്ഷിച്ചിരിക്കുന്ന കോട്ടകളില്‍ ഒന്നാണ് ഈ കോട്ട.  

പാലക്കാട് കോട്ട പുരാതനകാലം മുതല്‍ക്കേ നിലനിന്നിരുന്നു എന്ന് വിശ്വസിക്കപ്പെടുന്നു. എങ്കിലും കോട്ടയുടെ ആദ്യകാല ചരിത്രത്തെക്കുറിച്ച് വളരെ കുറച്ച് വിവരങ്ങളേ ഉള്ളൂ. ഇവിടത്തെ ഭരണാധികാരിയായിരുന്ന [[പാലക്കാട് അച്ഛന്‍]], [[സാമൂതിരി|സാമൂതിരിയുടെ]] ഒരു ആശ്രിതനായിരുന്നെങ്കിലും പതിനെട്ടാം നൂറ്റാണ്ടിനു മുന്‍പ് സ്വതന്ത്ര ഭരണാധികാരിയായി. [[1757]]-ല്‍ അദ്ദേഹം സാമൂതിരിയുടെ ആക്രമണഭീഷണിയെ ചെറുക്കാന്‍ [[മൈസൂര്‍]] രാജാവായിരുന്ന [[ഹൈദരലി|ഹൈദരലിയുടെ]] സഹായം അഭ്യര്‍ത്ഥിച്ചുകൊണ്ട് ഒരു സംഘം ആളുകളെ അയച്ചു. ഹൈദരലി ഈ അവസരം ഉപയോഗിച്ച് തന്ത്രപ്രധാനമായ പാലക്കാടിന്റെ ഭരണം പിടിച്ചെടുത്തു. അന്നു മുതല്‍ [[1790]] വരെ പാലക്കാട് കോട്ട തുടര്‍ച്ചയായി മൈസൂര്‍ സുല്‍ത്താന്മാരുടെയോ ബ്രിട്ടീഷുകാരുടെയോ ഭരണത്തിന്‍ കീഴിലായിരുന്നു. [[ബ്രിട്ടണ്‍|ബ്രിട്ടീഷുകാര്‍]] ഈ കോട്ട ആദ്യമായി പിടിച്ചടക്കിയത് [[1768]]-ല്‍ കേണല്‍ വുഡ് ഹൈദരലിയുടെ കോട്ടകള്‍ ആക്രമിച്ചപ്പോഴാണ്. എങ്കിലും ഏതാനും മാസങ്ങള്‍ക്കുള്ളില്‍ ഹൈദര്‍ കോട്ടയുടെ ഭരണം തിരിച്ചു പിടിച്ചു. [[1783]]-ല്‍ കേണല്‍ ഫുള്ളര്‍ട്ടണ്‍ 11 ദിവസം കോട്ട വളഞ്ഞുവെച്ച് കോട്ട പിടിച്ചടക്കി, എങ്കിലും അതിനടുത്ത വര്‍ഷം കോട്ടയുടെ നിയന്ത്രണം ഉപേക്ഷിച്ചു. പിന്നീട് കോട്ട [[സാമൂതിരി|സാമൂതിരിയുടെ]] സൈന്യത്തിനു കീഴിലായി. [[1790]]-ല്‍ അവസാനമായി ബ്രിട്ടീഷുകാര്‍ കേണല്‍ സ്റ്റുവാര്‍ട്ടിന്റെ നേതൃത്വത്തില്‍ ഈ കോട്ട പിടിച്ചടക്കി. ഈ കോട്ട പുനരുദ്ധരിച്ച ബ്രിട്ടീഷുകാര്‍ [[ശ്രീരംഗപട്ടണം]] ആക്രമിക്കുവാന്‍ ഒരു താവളമായി ഈ കോട്ടയെ ഉപയോഗിച്ചു. 19-ആം നൂറ്റാണ്ടിന്റെ മദ്ധ്യം വരെ കോട്ട ബ്രിട്ടീഷ് സൈനികസംരക്ഷണത്തിലായിരുന്നു. 1900-ത്തിന്റെ തുടക്കത്തില്‍ കോട്ട ഒരു താലൂക്ക് ഓഫീസായി രൂപാന്തരപ്പെടുത്തി.

കോട്ടക്കും പാലക്കാട് ടൗണ്‍ ഹാളിനും ഇടയ്ക്കായി ഒരു വലിയ മൈതാനം ഉണ്ട്. ഇത് കോട്ട മൈതാനം എന്ന് അറിയപ്പെടുന്നു. ഒരുകാലത്ത് [[ടിപ്പു സുല്‍ത്താന്‍|ടിപ്പുസുല്‍ത്താന്റെ]] ആനകള്‍ക്കും കുതിരകള്‍ക്കും [[ലായം]] ആയിരുന്ന ഈ മൈതാനം ഇന്ന് ക്രിക്കറ്റ് മത്സരങ്ങള്‍, പ്രദര്‍ശനങ്ങള്‍, പൊതു സമ്മേളനങ്ങള്‍ തുടങ്ങിയവ നടത്താന്‍ ഉപയോഗിക്കുന്നു. കേന്ദ്ര പുരാവസ്തു വകുപ്പ് സംരക്ഷിക്കുന്ന '''രാപ്പാടി''' എന്ന ഒരു തുറസ്സായ ഓഡിറ്റോറിയം കോട്ടയ്ക്ക് ഉള്ളില്‍ ഉണ്ട്. കോട്ടയുടെ ഒരു അരികിലായി കുട്ടികള്‍ക്കായി ഉള്ള പാര്‍ക്ക് ഉണ്ട്.  

=== കോട്ടയ്ക്ക് ഉള്ളില്‍ ===

പാലക്കാട് സ്പെഷല്‍ സബ് ജെയില്‍ പ്രവര്‍ത്തിക്കുന്നു. ഒരു ചെറിയ [[ഹനുമാന്‍]] ക്ഷേത്രം കോട്ടക്ക് ഉള്ളിലായി ഉണ്ട്.  

*[http://dsal.uchicago.edu/reference/gazetteer/pager.html?objectid=DS405.1.I34_V19_365.gif ഇമ്പീരിയല്‍ ഗസറ്റിയര്‍ ഓഫ് ഇന്ത്യ]

{{പാലക്കാട് - സ്ഥലങ്ങള്‍}}

[[വിഭാഗം:ഇന്ത്യാ ടൂറിസം]]

[[വിഭാഗം:കേരളത്തിലെ കോട്ടകള്‍]]