"പ്രമാണം:12561 MAUP1.jpg" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വ്യത്യാസം കാണൽവിക്കിഎഴുത്ത്

@@ വരി 2: / വരി 2: @@
 PRAVESHANOTHSAVAM1
 [[വർഗ്ഗം:12561]]
+'''മാവിലാകടപ്പുറം എം.എ.യു.പി. സ്കൂൾ  പ്രവേശനോത്സവം വർണാഭമായി''"
+മാവിലാകടപ്പുറം: പുതിയ സ്വപ്നങ്ങളിലേക്കും അറിവിന്റെ വിശാല ലോകത്തേക്കും കുഞ്ഞുമനസ്സുകളെ കൈപിടിച്ചുയർത്തുന്ന പ്രവേശനോത്സവം മാവിലാകടപ്പുറം എം.എ.യു.പി. സ്കൂളിൽ വർണാഭമായ പരിപാടികളോടെ സംഘടിപ്പിച്ചു. പുത്തൻ പ്രതീക്ഷകളും പുഞ്ചിരികളും നിറഞ്ഞ അന്തരീക്ഷത്തിൽ നടന്ന ചടങ്ങ് വിദ്യാർത്ഥികൾക്കും രക്ഷിതാക്കൾക്കും അധ്യാപകർക്കും ഒരുപോലെ ഹൃദ്യമായ അനുഭവമായി.
+സ്കൂൾ ഹെഡ്മിസ്ട്രസ് ശ്രീമതി ബിന്ദു കെ.എം. സ്വാഗതം പറഞ്ഞ ചടങ്ങിൽ ഗ്രാമപഞ്ചായത്ത് വൈസ് പ്രസിഡന്റ് പി.പി. മനോജ് പ്രവേശനോത്സവം ഉദ്ഘാടനം ചെയ്തു. നവാഗതരായ കുരുന്നുകൾക്ക് മധുരവും പഠനോപകരണങ്ങളും വിതരണം ചെയ്ത് അവരെ വിദ്യാലയ കുടുംബത്തിലേക്ക് സ്നേഹപൂർവം സ്വാഗതം ചെയ്തു.
+ചടങ്ങിന്റെ മുഖ്യാതിഥികളായ ഡോക്ടർ മുഹമ്മദ് ഹാരിസ് പ്രശസ്ത നാടക നടനും മുൻ റിട്ടയേർഡ് അധ്യാപകനുമായ ഉദിനൂർ ബാലഗോപാലൻ മാസ്റ്റർ എന്നിവർ പങ്കെടുത്തു. വിദ്യാഭ്യാസം സമൂഹ പുരോഗതിയുടെ അടിസ്ഥാനശിലയാണെന്നും, അറിവിനൊപ്പം മൂല്യബോധവും മാനവികതയും വളർത്തിയെടുക്കാൻ വിദ്യാലയങ്ങൾക്ക് നിർണായക പങ്കുണ്ടെന്നും ഡോ: ഹാരിസ് അഭിപ്രായപ്പെട്ടു. കുട്ടികളുടെ സ്വപ്നങ്ങൾക്ക് ചിറകേകുന്ന വിദ്യാഭ്യാസമാണ് നാടിന്റെ യഥാർത്ഥ സമ്പത്തെന്നും അദ്ദേഹം പറഞ്ഞു. പ്രശസ്‌തനാടകനടനും മുൻ റിട്ടയേർഡ് അധ്യാപകനും മുഖ്യാതിഥിയുമായ ഉദിനൂർ ബാലഗോപാലൻ മാസ്റ്റർ കുഞ്ഞുണ്ണി കവിതകളിലൂടെയും ശബ്‌ദ നാടകത്തിലൂടെയും കുട്ടികൾക്ക് അറിവിൻ്റെ പുതിയ വാതായനങ്ങൾ തുറന്ന് കൊടുത്തു . കുട്ടികൾക്കത് നവ്യാനുഭവമായിരുന്നു
+പി.ടി.എ പ്രസിഡന്റ് ഒ.കെ. വിജയൻ, അധ്യക്ഷത വഹിച്ചു വാർഡ് മെമ്പർമാരായ   ശ്രീ അബ്ദുൽ ഖാദർ, ശ്രീമതി സിന്ധു (ബ്ലോക്ക് പഞ്ചായത്ത് മെമ്പർ ) ശ്രീമതി ഫൗസിയ കെ.സി, എം.പി.ടി.എ പ്രസിഡന്റ് മുൻ ഗ്രാമപഞ്ചായത്ത് പ്രസിഡന്റ് എ.ടി. അബ്ദുൽ ജബ്ബാർ,  എന്നിവർ ആശംസകൾ നേർന്നു. സ്‌റ്റാഫ് സെക്രട്ടറി ശ്രീമതി പ്രിത ടീച്ചർ നന്ദി രേഖപ്പെടുത്തി
+കുട്ടികളുടെ കലാപരിപാടികളും സ്വാഗതഗാനവും ചടങ്ങിന് കൂടുതൽ നിറമേകി. ശ്രീമതി സുദർശനടീച്ചർ സൈബർ സേഫ്റ്റി പ്രതിജ്ഞ കുട്ടികൾക്ക് ചൊല്ലി കൊടുത്തു.അറിവിന്റെ ആദ്യപാഠത്തിലേക്ക് ചുവടുവെച്ച കുരുന്നുകളെ ഹൃദയം നിറഞ്ഞ സ്വീകരണത്തോടെ വരവേറ്റ പ്രവേശനോത്സവം, വിദ്യാലയത്തിന്റെയും നാട്ടുകാരുടെയും കൂട്ടായ്മയുടെ മനോഹരമായ ഉദാഹരണമായി മാറി. പുതിയ അധ്യയന വർഷം പ്രതീക്ഷകളുടെയും നേട്ടങ്ങളുടെയും വാതായനങ്ങൾ തുറക്കുന്ന വേളയിൽ, "ഏവർക്കും സ്വാഗതം" എന്ന സന്ദേശം ഉയർത്തിപ്പിടിച്ചുകൊണ്ടാണ് പരിപാടി സമാപിച്ചത്.