"ജി.എച്ച്.എസ്.എസ്. ഇരുമ്പുഴി/അംഗീകാരങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കുഞ്ഞിക്കിളി, കിനാവിൽ വിരിഞ്ഞത്, അമ്മൂന്റെ സ്വന്തം ഡാർവിൻ, നീലിടെ വീട്, തീവണ്ടിക്കൊതികൾ, മഴത്തുള്ളികൾ, പഞ്ചാരത്തരി നുണഞ്ഞ്, തുടങ്ങിയ 22 പുസ്തകങ്ങളുടെ രചയിതാവാണ് അവാർഡ് ലഭിച്ച ഇ.എൻ ഷീജ. വാർത്ത അറിഞ്ഞ ഉടനെ സഹപ്രവർത്തകർ മധുരംപങ്കിട്ട് സന്തോഷത്തിൽ പങ്കുചേർന്നു. സംസ്ഥാന അവാർഡ് നേടി സ്കൂളിന്റെ അഭിമാനമായി മാറിയ അധ്യാപികക്ക് പി.ടി.എ. ഏർപ്പെടുത്തിയ മെമന്റോ മലപ്പുറം നിയോജകമണ്ഡലം എം.എൽ.എ. പി ഉബൈദുല്ല പ്രത്യേക പരിപാടിയിൽ വെച്ച് ടീച്ചർക്ക് സമ്മാനിച്ചു.   

[[പ്രമാണം:18017-alif-sb-25.JPG|300px|thumb|right|സമ്മാനം ഏറ്റുവാങ്ങുന്നു]]

മലപ്പുറം ഉപജില്ലാതല അറബിക് അലിഫ് ടാലന്റ് പരീക്ഷയിൽ സ്കൂളിൽ നിന്ന് ഹയർസെക്കണ്ടറി വിഭാഗത്തെ പ്രതിനിധീകരിച്ച ഹിബ മിന്നത്ത് ഒന്നാം സ്ഥാനം കരസ്ഥമാക്കി. മലപ്പുറം മുനിസിപ്പൽ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാനിൽ നിന്ന് സമ്മാനം ഏറ്റുവാങ്ങി. മലപ്പുറം ഇസ്ലാഹിയ ഹയർസെക്കണ്ടറി സ്കൂളിൽ വെച്ചായിരുന്നു മത്സരം. കെ.എ.ടി.എഫ്. എന്ന അറബി അധ്യാപക സംഘടനയുടെ കീഴിൽ സംസ്ഥാനതലം വരെ കുട്ടികൾക്ക് പങ്കെടുക്കാവുന്ന അറബി ഭാഷയും പൊതുവിജ്ഞാനവും ഉൾപ്പെടുത്തിയാണ് അലിഫ് ടാലന്റ് പരീക്ഷ നടത്തിവരുന്നത്. കഴിഞ്ഞ വർഷവം സ്കൂളിനെ പ്രതിനിധീകരിച്ച വിദ്യാർഥിനിയാണ് സബ് ജില്ലയിലും, ജില്ലയിലും ഒന്നാം സ്ഥാനവും സംസ്ഥാനതലത്തിൽ രണ്ടാം സ്ഥാനവും കരസ്ഥമാക്കിയത്.  

2025 ഒക്ടോബർ 14 ന് മലപ്പുറത്ത് MSP ഇംഗ്ലീഷ് മീഡിയം സ്കൂളിൽ വെച്ച്  ജൂനിയർ റെഡ് ക്രോസ് (JRC) സബ്ജില്ല തലത്തിൽ നടത്തിയ  ഹെൻട്രി ഡ്യൂനൻ്റ് അനുസ്മരണ ക്വിസ്സ് മത്സരത്തിൽ സ്കൂളിനെ പ്രതിനിധീകരിച്ച് പങ്കെടുത്ത  ഹാദിയ ഹെന്ന കെ പി, ഷഹല ഇ എന്നീ കേഡറ്റുകളുടെ ടീം ഒന്നാം സ്ഥാനം കരസ്ഥമാക്കി. മലപ്പുറം സബ്ജില്ലയിലെ 20 സ്കൂളുകളിൽ നിന്നുള്ള ടീമുകളാണ് മത്സരത്തിൽ പങ്കെടുത്തത്. സ്കൂൾ ടീം  മലപ്പുറം ജില്ലാ തല മത്സരത്തിൽ പങ്കെടുക്കാൻ യോഗ്യത നേടി.