"ജി.വി.എൽ.പി.എസ് ചിറ്റൂർ/ക്ലബ്ബുകൾ/ഗ്രന്ഥശാല" എന്ന താളിന്റെ പതിപ്പുകൾ തമ്മിലുള്ള വ്യത്യാസം

==ഗ്രന്ഥശാല==

[http://ml.wikipedia.org/wiki/_ഗ്രന്ഥശാല ഗ്രന്ഥശാല] കുട്ടികളിലും മുതിർന്നവരിലും വായനാശീലം വളർത്തുന്നതിനും അതുവഴി അവരുടെ സർഗ്ഗശേഷി ഉണർത്തുന്നതിന് വേണ്ടിയാണല്ലോ ഗ്രന്ഥശാലകൾ. വായനയിലൂടെ ധാരാളം അറിവുകൾ നമ്മളിലേക്ക് വന്നുചേരുന്നു. മഹാന്മാരുടെ ജീവചരിത്രം മുതൽ മനുഷ്യന് ജീവിതത്തിൽ അത്യാവശ്യം അറിഞ്ഞിരിക്കേണ്ട വസ്തുതകളും നമുക്ക് വായനയിലൂടെ ലഭിക്കുന്നു. വായനയിലൂടെ ലഭിക്കുന്ന അറിവിന് തുല്യമായി മറ്റൊരു അറിവും ഉണ്ടാവില്ല. മറ്റ് ഏത് മാർഗ്ഗത്തിലൂടെയും ലഭിക്കുന്ന അറിവിനേക്കാൾ എപ്പോഴും മുൻപന്തിയിൽ ആയിരിക്കും വായനയിലൂടെ ലഭിക്കുന്ന അറിവുകൾ. ലോകോത്തരങ്ങളായ മികച്ച ഗ്രന്ഥങ്ങളുടെ വായനയിലൂടെ സായത്തമാക്കുന്ന അറിവുകൾ അമൂല്യങ്ങൾ തന്നെയാണ്.

===പ്രവർത്തനങ്ങൾ===

എല്ലാവർഷവും വായനാദിനത്തോടുകൂടി ഞങ്ങളുടെ ഗ്രന്ഥശാല സജീവമാകും. വായനാ പക്ഷാചരണം തുടങ്ങുന്നതോടുകൂടി ഗ്രന്ഥശാലയിൽ നിന്നും എല്ലാ കുട്ടികളും അവരവരുടെ അഭിരുചിക്കനുസരിച്ചുള്ള പുസ്തകങ്ങൾ വാങ്ങി വായിക്കാൻ ആരംഭിക്കും. തുടർന്ന് അവർ തയാറാക്കി കൊണ്ടുവരുന്ന വായനാ കുറിപ്പുകൾ എല്ലാദിവസവും അസംബ്ലിയിൽ വായിക്കുകയും കുട്ടികളെ പ്രോത്സാഹിപ്പിക്കുകയും ചെയ്യും. അതിലൂടെ പുസ്തക വായനയോടുള്ള താല്പര്യം കുട്ടികളിൽ വർദ്ധിപ്പിക്കുന്നതിന് അധ്യാപകർ ശ്രമിക്കുന്നു. വായനയിലൂടെ ദിനാചരണങ്ങളെക്കുറിച്ചും മഹത് വ്യക്തികളെക്കുറിച്ചുമുള്ള അറിവുകൾ ലഭിക്കുക വഴി കുട്ടികൾ അത് തങ്ങളുടെ ഭാവിക്കുവേണ്ടി പ്രയോജനപ്പെടുത്തുന്നു.

===വിവിധ പുസ്തകങ്ങൾ===

സ്കൂളിലെ ഗ്രന്ഥശാലയ്ക്ക് പുറമേ ഓരോ ക്ലാസിലും നൂറിലധികം പുസ്തകങ്ങൾ വീതമുള്ള ക്ലാസ് ലൈബ്രറികളും സജ്ജമാക്കിയിട്ടുണ്ട്. കുട്ടികളുടെ പിറന്നാൾ ദിനങ്ങളിൽ അവർ ക്ലാസ് ലൈബ്രറികളിലേക്ക് പുസ്തകങ്ങൾ എത്തിക്കാറുണ്ട്. ക്ലാസ് ലൈബ്രറി രജിസ്റ്റർ എഴുതി സൂക്ഷിക്കുന്നത് നമ്മുടെ എൽ.പി കുട്ടികൾ തന്നെയാണ്. വായനയിലൂടെ വിജ്ഞാനത്തിൻറെ എല്ലാ മേഖലകളിലേക്കും തങ്ങളുടേതായ ശൈലിയിൽ വ്യക്തി മുദ്ര പതിപ്പിക്കാൻ കഴിവുള്ള ഒരു ഭാവിതലമുറയെ വാർത്തെടുക്കാൻ ഉതകുന്ന തരത്തിലുള്ള കുട്ടികളുടെയും, അധ്യാപകരുടെയും, രക്ഷകർത്താക്കളുടെയും ഈ കൂട്ടായ ശ്രമം അതിൽ എത്തുമെന്ന് പ്രത്യാശിക്കുന്നു.