Schoolwiki:എഴുത്തുകളരി/Nihara123

ആരോഗ്യത്തിന് മധുരം, പക്ഷേ അളവോടെ

നമ്മുടെ ആരോഗ്യകരമായ ജീവിതശൈലിയിൽ ഒഴിച്ചുകൂടാനാവാത്ത ഒന്നാണ് പഴങ്ങൾ]] പ്രകൃതിയുടെ മധുരസമ്മാനമായ ഇവ, ശരീരത്തിന് ആവശ്യമായ പോഷകങ്ങളുടെ കലവറയാണ്. ആപ്പിൾ, വാഴപ്പഴം, മുന്തിരി, മാങ്ങ, ഓറഞ്ച്, പപ്പായ, കൈതച്ചക്ക തുടങ്ങി വൈവിധ്യമാർന്ന പഴങ്ങൾ നമ്മുടെ ഭക്ഷണക്രമത്തിൽ ഉൾപ്പെടുത്തുന്നത് ആരോഗ്യത്തിന് അത്യന്താപേക്ഷിതമാണ്. ഇവയിൽ ധാരാളമായി അടങ്ങിയിട്ടുള്ള വിറ്റാമിനുകളും ധാതുക്കളും ശരീരത്തിൻ്റെ ശരിയായ പ്രവർത്തനത്തിന് സഹായിക്കുന്നു. നാരുകൾ ധാരാളമായി ഉള്ളതിനാൽ ദഹനപ്രക്രിയ സുഗമമാക്കുകയും മലബന്ധം പോലുള്ള പ്രശ്നങ്ങൾ ഒഴിവാക്കുകയും ചെയ്യുന്നു. പഴങ്ങൾ കഴിക്കുന്നത് രോഗപ്രതിരോധശേഷി വർദ്ധിപ്പിക്കാനും ശരീരത്തിന് ആവശ്യമായ ഊർജ്ജം നൽകാനും സഹായിക്കുന്നു. ഓരോ പഴത്തിലും അടങ്ങിയിരിക്കുന്ന പോഷകമൂല്യങ്ങൾ വ്യത്യസ്തമാണ്. അതിനാൽ, വൈവിധ്യമാർന്ന പഴങ്ങൾ കഴിക്കുന്നത് ശരീരത്തിന് എല്ലാവിധ പോഷകങ്ങളും ലഭ്യമാക്കാൻ സഹായിക്കും. പ്രമേഹരോഗികൾ പഴങ്ങൾ തിരഞ്ഞെടുക്കുമ്പോൾ ശ്രദ്ധിക്കേണ്ടത് അവയിലെ പഞ്ചസാരയുടെ അളവാണ്. മുന്തിരി, മാമ്പഴം, വാഴപ്പഴം എന്നിവയിൽ പഞ്ചസാരയുടെ അളവ് കൂടുതലാണ്. അതേസമയം, ആപ്പിൾ, ഓറഞ്ച്, പപ്പായ തുടങ്ങിയ പഴങ്ങളിൽ പഞ്ചസാരയുടെ അളവ് കുറവാണ്. പഴങ്ങൾ തിരഞ്ഞെടുക്കുമ്പോൾ അവയിലെ പഞ്ചസാരയുടെ അളവ് കണക്കിലെടുക്കേണ്ടത് പ്രധാനമാണ്, പ്രത്യേകിച്ചും പ്രമേഹമുള്ളവർക്ക്. പഴങ്ങളിലെ പഞ്ചസാരയുടെ അളവിൽ വ്യത്യാസമുണ്ട്. 100 ഗ്രാം മുന്തിരിയിൽ 15.4 ഗ്രാം പഞ്ചസാര അടങ്ങിയിരിക്കുന്നു. മാമ്പഴത്തിൽ 13.7 ഗ്രാം പഞ്ചസാരയും വാഴപ്പഴത്തിൽ 20.4 ഗ്രാമും അടങ്ങിയിരിക്കുന്നു. ആപ്പിളിൽ 11.8 ഗ്രാം പഞ്ചസാരയും ഓറഞ്ചിൽ 9.4 ഗ്രാം പഞ്ചസാരയും കാണപ്പെടുന്നു. എന്നാൽ പപ്പായയിൽ 100 ഗ്രാമിൽ 7 ഗ്രാം ഷുഗർ മാത്രമേയുള്ളൂ. പഴങ്ങളിൽ പഞ്ചസാര മാത്രമല്ല, ഊർജ്ജം, ജലാംശം, നാരുകൾ, പ്രോട്ടീൻ എന്നിവയും ധാരാളമായി അടങ്ങിയിട്ടുണ്ട്. ആപ്പിളിൽ 95 കിലോ കലോറി ഊർജ്ജവും 84% ജലാംശവും 2.3 ഗ്രാം നാരുകളും 0.4 ഗ്രാം പ്രോട്ടീനും അടങ്ങിയിരിക്കുന്നു. വാഴപ്പഴത്തിൽ 88 കിലോ കലോറി ഊർജ്ജവും 76% ജലാംശവും 2.7 ഗ്രാം നാരുകളും 1.2 ഗ്രാം പ്രോട്ടീനും അടങ്ങിയിരിക്കുന്നു. പപ്പായയിൽ 91% ജലാംശം അടങ്ങിയിരിക്കുന്നു. പഴങ്ങളിൽ കൊഴുപ്പിന്റെ അളവ് പൊതുവെ കുറവാണ്. അതിനാൽ, ശരീരഭാരം നിയന്ത്രിക്കാൻ ആഗ്രഹിക്കുന്നവർക്ക് പഴങ്ങൾ ധൈര്യമായി കഴിക്കാവുന്നതാണ്.