ഗവ. എൽ.പി.എസ്. ആനാട്/അക്ഷരവൃക്ഷം/സാൻഡ എന്ന പെൺകുട്ടി

സാൻഡ എന്ന പെൺകുട്ടി       നാട്ടിൽ കൊറോണ പടർന്നു പിടിച്ചതോടെ സാന്റ തനിച്ചായി. കാരണം, സാന്റയുടെ അച്ഛനും അമ്മയും ആരോഗ്യവകുപ്പിൽ ആണ് ജോലി. രാവിലെ അച്ഛനും അമ്മയും ജോലിക്കു പോയാൽ രാത്രിയിൽ ആണ് വരുന്നത്. കൂട്ടിന് മുത്തശ്ശി ഉണ്ടെങ്കിലും സാന്റയോടൊപ്പം കളിക്കാൻ മുത്തശ്ശിക്ക് കഴിയില്ല. മുത്തശ്ശിക്ക് വയസ്സായി. അതിന്റെതായ അസുഖങ്ങളും ഉണ്ട്. അങ്ങനെ ഇരിക്കെ ഒരു ദിവസം അവളുടെ വീടിന്റെ പരിസരത്ത് ഒരു പട്ടി കുട്ടിയെ കണ്ടു. അത് അവളുടെ മുഖത്ത് നോക്കി ദയനീയമായി കരഞ്ഞു. ആഹാരം ഒന്നും കിട്ടാതെ അലഞ്ഞു നടക്കുകയായിരുന്നു ആ പട്ടിക്കുട്ടി. അവൾ അതിനെ കയ്യിലെടുത്തു വീട്ടിലേക്ക് കൊണ്ടുപോയി. അതിന് വയറുനിറയെ ബിസ്ക്കറ്റും പാലും നൽകി. സന്തോഷത്തോടെ പട്ടിക്കുട്ടി മുഴുവനും കഴിച്ചു. വയറു നിറഞ്ഞ സന്തോഷത്തിൽ പട്ടിക്കുട്ടി വീണ്ടും സാന്റയെ നോക്കി ഒന്നുകൂടെ കരഞ്ഞു. അതിനെ ഉപേക്ഷിക്കാൻ അവൾക്ക് മനസുവന്നില്ല. മുത്തശ്ശിയുടെ അനുവാദത്തോടെ അവൾ അതിനെ വീട്ടിൽ നിർത്താൻ തീരുമാനിച്ചു. അവൾ അതിന് ഡോറ എന്ന് പേരിട്ടു. വളരെ പെട്ടെന്ന് തന്നെ സാന്റ ഡോറ യുമായി വളരെ കൂട്ടായി. ഉറക്കവും ഊണും കുളിയും എല്ലാം ഒരുമിച്ചായിരുന്നു. കൊറോണ കാലമായതിനാൽ അച്ഛനുമമ്മയും കൂടെയില്ല എന്ന ദുഃഖം മാറ്റിയത് ഡോറ ആയിരുന്നു. കൊറോണ എന്നത് ഒരു മഹാമാരിയാണ്. അതിനെ നേരിടാൻ ആണ് എല്ലാവരും ഒരുമിച്ച് പ്രവർത്തിക്കുന്നത്. അതുകൊണ്ടുതന്നെ അച്ഛനോടും അമ്മയോടും അവൾക്കു പിണക്കം തോന്നിയില്ല. തന്റെ ഡോറയെ പോലെ ഒരുപാട് ജീവികൾ ഈ സമയത്ത് ആഹാരം കിട്ടാതെ അലഞ്ഞു നടക്കുകയായിരിക്കും. അവൾ ചിന്തിച്ചു. എല്ലാ ജീവികളെയും രക്ഷിക്കാൻ കഴിയില്ല. എങ്കിലും ഒരാളെയെങ്കിലും സംരക്ഷിക്കാൻ കഴിഞ്ഞല്ലോ എന്ന സന്തോഷം സാന്റക്ക് ഉണ്ടായിരുന്നു. പിറ്റേന്ന് മുതൽ അവൾ ആഹാരം കഴിച്ചിട്ട് ഒരു ഉരുള ചോറ് വീടിന്റെ ടെറസിൽ പാത്രത്തിൽ വയ്ക്കാൻ തുടങ്ങി. സംരക്ഷിക്കാൻ കഴിഞ്ഞില്ലെങ്കിലും ഒരു നേരത്തെ ആഹാരം കൊടുക്കാൻ കഴിയമല്ലോ അതാണ് അവൾ ചിന്തിച്ചത്. കൊറോണ കാരണം ഒരുപാട് നഷ്ടങ്ങൾ ഉണ്ടായെങ്കിലും സാന്റക്ക് പുതിയ കുറെ കൂട്ടുകാരെ കിട്ടി. അതിൽ അവൾ അവൾ വളരെയധികം സന്തോഷിച്ചു. ആരണ്യ എൻ.എ 2 B ഗവ:എൽ.പി.എസ്.ആനാട് നെടുമങ്ങാട് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - Sreejaashok25 തീയ്യതി: 21/ 04/ 2020 >> രചനാവിഭാഗം - കഥ