സേക്രഡ് ഹാർട്ട് ഹൈസ്കൂൾ പയ്യാവൂർ/അക്ഷരവൃക്ഷം/ഏകയായ് ഞാൻ

ഏകയായ് ഞാൻ

ഈ യാത്രക്കിടയിൽ ഞാനിന്നിവിടെ
ഒറ്റക്കിരിക്കുകയാണ്

കഴിഞ്ഞ കാലം കൊണ്ട് കൈക്കൊണ്ട
കുതിപ്പും കിതപ്പും നേട്ടങ്ങളും കോട്ടങ്ങളും

എന്റേതെന്നു എനിക്കു തോന്നിയതു വെറും
തോന്നൽ മാത്രമായിരുന്നെന്നു
ഈ കൊറോണ കാലത്തു എനിക്കു തോന്നുന്നു

വെട്ടിപ്പിടിക്കേണ്ട സ്വർഗ്ഗരാജ്യങ്ങളുടെ അതിരുകൾ
ഇപ്പോൾ കൊട്ടിയടച്ചിരിക്കയാണ്

മോഹം കൂട്ടി പണിത മണിമാളികയുടെ വാതിൽ
തുറക്കാനാവാതെ കൊളുത്തിട്ട് പൂട്ടിയിരിക്കയാണ്

ഞാൻ ഏകയാണ്

റോസ്‌മരിയ ജോസഫ്