അമ്മയാം പ്രകൃതി നമുക്ക് നന്മയാൽ നേരുന്നു പരിസ്ഥിതി.
ഈ ഉലകത്തിൻ ജീവജാലങ്ങൾ പിന്നെ നമ്മളും രക്ഷിക്കണം ആ വരദാനത്തെ.
സ്നേഹസമ്പന്നമാം
ദൈവനാട്ടിൽ നമ്മളുരുവിടവും വാക്യം പരിസ്ഥിതി.
എന്നാലെത്രയോ ഭ്രാന്തർ നശിപ്പിച്ചു പിച്ചിച്ചീന്തിക്കളയുന്നു
അവളെയും.
കാണുന്നില്ലേ കേൾക്കുന്നില്ലേ കൂട്ടരേ
ഇന്നുമവളുടെ ദീനരോധനം.
മനുഷ്യർ അധിവസിക്കുന്ന ഈ നാട്ടിൽ ക്രൂരതയ്ക്കും ഒരതിരില്ലേ.
അവളുടെ ദയനീയാവസ്ഥയ്ക്കു
കാരണക്കാരായ മനുഷ്യരേ തീർന്നില്ലേ നിങ്ങളുടെ ചൂഷണക്കൊതി.
തീർന്നില്ലേ നിങ്ങളടെ താണ്ഡവനടനം.
കുളം തോണ്ടിയും കുന്നിടിച്ചും നിങ്ങൾ നരകമാക്കുന്നു ഈ പരിസരത്തെ.
ഓർക്കുന്നുണ്ടോ എപ്പോഴേങ്കിലും നിങ്ങൾ വരുത്തുന്ന
വിനാശത്തിൻ പരിണിതഫലത്തെപ്പറ്റി.
പരിസ്ഥിതിയെ നിങ്ങൾ പിച്ചിച്ചീന്തുമ്പോൾ
അറിയുന്നുണ്ടോ
അവളുടെ അവസ്ഥ.
അതിനുത്തരവാദികൾ നമ്മളും നശിക്കും സുനിശ്ചയം.
അവളെ പൂർണമായും നശിപ്പിക്കുന്നതിന് മുൻപ് നിർത്തൂ ഈ ക്രൂരത.
ഇനിയെങ്കിലും
മനസ്സിലാക്കൂ മരം വെട്ടിയാൽ ശ്വാസം നിലക്കും,
കുളം തൂർത്താൽ കുടിവെള്ളം മുട്ടും,
കാട് വെട്ടിയാൽ എല്ലാം മുടങ്ങും.
ഒന്നാലോചിക്കൂ
കൂട്ടരേ ഇനിയെങ്കിലും നിർത്തൂ ഈ
ദുഷ്കൃതം.
പണ്ടെങ്ങാണ്ടോ
തുടങ്ങിവെച്ച ഈ
ചൂഷണമൊന്ന്
അവസാനിപ്പിക്കൂ.
ഓതുക നിങ്ങൾ അന്തരാത്മാവിലിങ്ങനെ പ്രകൃതി
നമുക്ക് പെറ്റമ്മ പോറ്റമ്മയും പ്രകൃതി തന്നെ.
ഓർക്കുക അമ്മയില്ലെങ്കിൽ നിങ്ങളുമില്ലെന്ന്.
