സെന്റ്. ജോൺ ഡി. ബ്രിട്ടോസ് എ. ഐ. എച്ച്. എസ്. ഫോർട്ടുകൊച്ചി/ജൂനിയർ റെഡ് ക്രോസ്
ഇന്ത്യൻ റെഡ് ക്രോസ് സൊസൈറ്റി മനുഷ്യജീവനും ആരോഗ്യവും സംരക്ഷിക്കുന്നതിനുള്ള ഒരു സന്നദ്ധ സംഘടനയാണ്. 1859-ലെ സോൾഫെറിനോ യുദ്ധത്തിൽ പരിക്കേറ്റ സൈനികരെ സഹായിക്കുകയും പിന്നീട് യുദ്ധത്തിൽ ഇരയായവരെ സംരക്ഷിക്കാൻ കൂടുതൽ നടപടിയെടുക്കാൻ രാഷ്ട്രീയ നേതാക്കളെ പ്രേരിപ്പിക്കുകയും ചെയ്ത ഷോൺ ഹെൻറി ഡ്യൂനന്റ് എന്ന മഹത് വ്യക്തിയാണ് റെഡ് ക്രോസിന്റെ സ്ഥാപകൻ. അദ്ദേഹം 1828, മെയ് 8നു ജനീവയിൽ ജനിച്ചു. റെഡ് ക്രോസ് മാനുഷിക മൂല്യങ്ങളെ പ്രോത്സാഹിപ്പിക്കുന്നു, അത് മറ്റ് മനുഷ്യരോടുള്ള ബഹുമാനവും പ്രശ്നങ്ങൾക്ക് പരിഹാരം കണ്ടെത്തി ഒരുമിച്ച് പ്രവർത്തിക്കാനുള്ള സന്നദ്ധതയും പ്രോത്സാഹിപ്പിക്കുന്നു.
റെഡ് ക്രോസ് തത്വങ്ങളും ആശയങ്ങളും മനസ്സിലാക്കി, പ്രസ്ഥാനത്തിൽ സജീവമായി പങ്കെടുത്ത് യുവതലമുറയെ അവരുടെ മാനുഷിക മനോഭാവം വളർത്തിയെടുക്കാൻ പ്രോത്സാഹിപ്പിക്കുന്നതിനായി 1922 ൽ ജൂനിയർ റെഡ് ക്രോസ് സ്ഥാപിതമായി. ജെ. ആർ. സി. മുദ്രാവാക്യം - "ഞാൻ സേവിക്കുന്നു". "എന്റെയും മറ്റുള്ളവരുടെയും ആരോഗ്യം സംരക്ഷിക്കുമെന്നും രോഗികളെയും കഷ്ടപ്പെടുന്നവരെയും പ്രത്യേകിച്ച് കുട്ടികളെ സഹായിക്കുമെന്നും ലോകമെമ്പാടുമുള്ള മറ്റെല്ലാ കുട്ടികളെയും എന്റെ സുഹൃത്തുക്കളായി കാണുമെന്നും ഞാൻ പ്രതിജ്ഞ ചെയ്യുന്നു." ആരോഗ്യം, സേവനം, സൗഹൃദം എന്നിവയുടെ തത്വങ്ങളെ അടിസ്ഥാനമാക്കിയാണ് ജെ. ആർ. സി. പ്രവർത്തനങ്ങൾ രൂപപ്പെടുത്തിയിരിക്കുന്നത്.
1998 മുതൽ ജെ. ആർ. സി.. യൂണിറ്റ് ഈ സ്കൂളിൽ പ്രവർത്തിച്ചുവരുന്നു. 8-ാം ക്ലാസ്സ്‌ കുട്ടികൾ A ലെവൽ പരീക്ഷയും,9-ാം ക്ലാസ്സ്‌ കുട്ടികൾ B ലെവൽ പരീക്ഷയും,10-ാം ക്ലാസ്സ്‌ കുട്ടികൾ C ലെവൽ പരീക്ഷയും എഴുതി വരുന്നു.