സി.എച്ച്.എസ്. എസ്. ചട്ടഞ്ചാൽ/അക്ഷരവൃക്ഷം/വേനൽമഴ

വേനൽമഴ പ്രഭാതസൂര്യൻ ഉദിച്ചുയർന്നു ജനലഴികളിൽ ജലത്തുള്ളികൾ വന്നു ചേർന്നു മാക്രികൾ പേക്രോം പേക്രോം കരഞ്ഞു എവിടെ നിന്നോ കുളിർ എന്നെത്തേടി വന്നണഞ്ഞു. ഞാൻ മന്ത്രിച്ചു:"കുഞ്ഞിക്കുറുക്കനു കല്യാണം!" മണ്ണിൻ സുഗന്ധം വായുവിൽ നിറഞ്ഞു ചുവപ്പു റോസ എന്നെ നോക്കി പുഞ്ചിരിച്ചു. പുൽനാമ്പുകൾ സന്തോഷത്താൽ നൃത്തമാടി. കലപില കൂട്ടി പക്ഷികളോരോന്നും കൂടുകളിലേക്ക് ചേക്കേറി. ഉഷ്ണകാലത്തെ അസഹ്യമാം ചൂടിൽ നിന്നും രക്ഷ നൽകാൻ സ്വമേധയാ വന്നണഞ്ഞു. റോസാച്ചെടിയുടെ, മുല്ലയുടെ, ജമന്തിയുടെ- മനം കുളിർപ്പിക്കാൻ കിണഞ്ഞു ശ്രമിച്ചു. ആര്? അവനാണ് നമ്മുടെ താരം; നമ്മുടെ സ്വന്തം വേനൽമഴ. ചിലർക്കിഷ്ടം; ചിലർക്കിഷ്ടമില്ലായ്മ- എന്നുമീ വേനൽമഴയോട്, എന്നുമീ പാവത്താനോട്.... പെട്ടെന്നൊരു രാവിലെ മഴ പാറിയാൽ പഴിക്കുമവനെ ചിലർ- ഹാ! എന്തൊരു കഷ്ടം;എൻ്റെ തുണിയൊക്കെ- നനഞ്ഞു കുതിർന്നല്ലോ! പഴി കേട്ട് മടുത്ത് വേനൽമഴ എവിടെയോ പോയ് മറഞ്ഞു.   MUSLIMA C.K 9-H സി.എച്ച്.എസ്. എസ്. ചട്ടഞ്ചാൽ കാസർഗോഡ് ഉപജില്ല കാസർഗോഡ് അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Vijayanrajapuram തീയ്യതി: 18/ 04/ 2020 >> രചനാവിഭാഗം - കവിത